Jeremia 24:2 - Digo Bible

² Chikaphu chimwenga kala china tini nono dza ziratu zivyalazo chimbere. Chikaphu chanjina kala china tini mbii zisizorika.

Jeremia 24:2 Iomraidhean Croise

Isaya 5:4

Uno munda wangu kala niuhendereni zaidi ambaro siyarihenda? Mbona nriphogodza uvyale zabibu nono wavyala zabibu za koma?

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Jeremia 29:17

Mwenyezi Mlungu, Mlungu wa majeshi anaamba, “Lola, nindahenda ko ariko kukale na viha, ndzala na makongo mai, nao andakala dza tini mbii ambazo tazirika.

Hosea 9:10

Nriphoaona Aiziraeli, yakala ni dza kuona zabibu ko weruni. Nriphoaona akare enu, yakala dza kuona tini za kpwandza dzulu ya mtini. Ela ariphofika Baali-Peori, adzitenga kpwa ajili ya Baali, utu wa waibu, achikala tsukizo dza hicho chizuka arichochimendza.

Mika 7:1

Mimi nahenda ya bure tse! Sindaphaha rorosi. Ni dza vira bada ya atu kukusanya matunda ga vuri, bada ya atu kutsembwesa. Taphana hata tsana ya zabibu wala tini ya kuivwa ya kurya mimi nriye na ndzala sana.

Nahumu 3:12

Ngome zenu zindakala dza mitini iriyo na matunda ga kpwandza ga kuivwa ndiphozuguzwa tu zindagbwa kanwani mwa azuguzaye.

Isabu 18:13

Mavuno gosi ga kpwandza ga minda yao anagomrehera Mwenyezi Mlungu, gandakala genu. Chila mutu wa nyumbayo ambaye si najisi anaweza kurya.

Mathayo 5:13

Jesu waenderera kugomba, “Mwimwi mu munyu wa atu a dunia. Ela uchibanangika taufwaha na tauweza kuhendwa ukafwaha tsona, ela utsuphiwe uvyogbwe-vyogbwe ni atu.