Jeremia 23:32 - Digo Bible

³² Lola, ni chinyume na aho alavyao unabii wa ndoso zao za handzo, atu aho anaambira na kuangamiza atu angu kpwa handzo rao wakati siahumire wala kuatsambula. Atu aho taana fwaida kpwa atu aha. Mimi Mwenyezi Mlungu nkaamba.”

Jeremia 23:32 Iomraidhean Croise

Ayubu 13:4

Ela mwi munaniziga na maneno ga handzo, mwimwi mosi mu aganga msiofwaha chitu.

Isaya 3:12

Atu angu anaonerwa ni anache na anatawalwa ni achetu. Aa, atu angu, vilongozi enu anakuangamizani anakuhendani msimanye njira ya kulunga.

Isaya 9:15

Chilongozi na mutu anayeishimiwa ndio vitswa, manabii anaofundza ga handzo ndio michira.

Jeremia 23:13

Kahi ya nyo manabii a Samariya nkaona dzambo ra kutsukiza. Aho atabiri kpwa dzina ra Baali nao achiangamiza atu angu Aiziraeli.

Jeremia 23:16

Mwenyezi Mlungu, Mlungu wa majeshi anaamba, “Musigagbwire go maneno ga unabii muambirwago ni nyo manabii, aho andakuhendani muinjirwe ni tamaa ya bure. Andagomba ruwiya achizoziaza enye, si ruwiya zilazo kpwa Mwenyezi Mlungu.

Jeremia 23:25

Nikasikira nyo manabii alavyao unabii wa handzo kpwa dzina rangu vyo aambavyo. Anaamba, ‘Nkaloha! Nkaloha!’

Jeremia 23:31

Ye Mwenyezi Mlungu anaamba, ni chinyume na nyo manabii abobodzokpwao kuamba, ‘Mwenyezi Mlungu akaamba.’

Jeremia 29:31

“Huma ujumbe kpwa atu osi ariotsamizwa kpwa lazima uaambire kukala higa ndigo ambago Mwenyezi Mlungu anagomba kuhusu Shemaya kula Nehelamu: Kpwa kukala Shemaya wakutabiriyani wakati simuhumire na achikuhendani muamini handzore,

Jeremia 7:8

“ ‘ “Ela mwi munakuluphira maneno ga handzo gasigo mana yoyosi.

Sonono za Jeremia 2:14

Manabiigo gakakuonera ruwiya ya handzo na ya kuchenga, aho taayafwenula uyio ili akurekebishe, ela akakuonera ruwiya ya handzo na ya kuangamiza.

Sonono za Jeremia 3:37

Ni ani awezaye kugomba na vikakala, ichikala Mwenyezi Mlungu kalagizire?

Zefania 3:4

Manabiige ni ajeuri na a handzo. Alavyadzie-sadaka akatiya najisi pho phatu phatakatifu na kuvundza shariya za Mlungu.

Zakariya 10:2

Kuvoya vizuka kpwaapha atu maneno ga handzo, na apigi a mburuga aona ruwiya za kuchenga. Alavyao mana ya ndoso, agomba ga handzo, aho nkuaphoza atu mioyo bure. Kpwa hivyo nyo atu anadengereka dza mangʼondzi, anagaya kpwa kukosa mrisa.

Mathayo 15:14

Msidzishuulishe na hinyo vilongozi vipofu. Chipofu achilongoza chipofu myawe, osi airi andavoromoka dibwani.”

2 Akorintho 1:17

Nriphopanga kukutsupirani siyakala na maazo ga kugaluza-galuza mipango yangu. Sipanga mipango yangu dza atu a dunia hino ambao hivi sambi anaweza kuamba “Ndivyo,” na badaye aambe “Sivyo.”

Kumbukumbu 18:20

Ela nabii yeyesi ndiyegomba kpwa dzina ra milungu yanjina, au kugomba neno kpwa dzina rangu wakati mimi sikamuambira agombe, nabii hiye andafwa.’

Maono 19:20

Ela dzinyama, phamwenga na nabiiwe wa handzo ariyehenda vilinje kpwa sababuye, ahalwa mateka. Nabii hiye wachenga hinyo okala akatiywa mola wa hiro dzinyama na kuabudu chizukache kpwa kuhenda vilinje. Osi airi atsuphiwa azima ziya ra moho mkali sana wa chibiriti.