Jeremia 23:19 - Digo Bible

¹⁹ Tsukizi za Mwenyezi Mlungu ni dza phuto. Nazo zikazuka dza chikulukulu, zinapiga dzulu ya vitswa vya atu ayi.

Jeremia 23:19 Iomraidhean Croise

Zaburi 58:9

Naauswe upesi kabila taadzangbweelewa, naangʼolwe dza miya, mimea ya weruni au kpwekpwe, katika tsukizize Mlungu naaphepheruse kure wakati achere moyo.

Misemo 1:27

Nduni iyo ndiphokugbwavukirani dza phuto, na mashaka genu ndiphokuphepherusani dza chikulukulu, hipho ziki na tabu ndiphokuphahani,

Misemo 10:25

Phuto rinaphotsupa atu ayi nkuphepheruswa, ela enye haki andadumu hata kare na kare.

Isaya 21:1

Huno ni ujumbe kuhusu jangbwa ririro kanda-kanda ya bahari: Dza viratu chikulukulu chipigavyo kula mwakani, ndivyo mvamizi ndivyokpwedza kula tsi iogofyayo.

Isaya 40:24

Aho ni dza mbeyu ambayo ichiphandwa tu, kabila taidzangbwehenda mizi mtsangani, iye nkuavuvurira phepho akanyala, na chikulukulu nkuaphepherusa dza mibuwa ya kuuma.

Jeremia 25:31

Mbiru indasikirwa hadi mwisho wa dunia, mana Mwenyezi Mlungu andashitaki go mataifa, andaamula anadamu osi, na ayi andaolagbwa na upanga,” Mwenyezi Mlungu anaamba.

Jeremia 25:32

Mwenyezi Mlungu, Mlungu wa majeshi anaamba: “Lola, mafwa garedza na kuphaha chila taifa mwenga hadi ranjina, na phuto kali rinazuka kula seemu za kure duniani!”

Jeremia 30:23

Lola, phuto ra Mwenyezi Mlungu! Tsukizi zikazuka, chikulukulu chikali, ndichopiga vitswa vya atu ayi.

Jeremia 30:24

Tsukizi za Mwenyezi Mlungu tazindadigirika hadi ndiphohenda na kutimiza ro ririro mwakpwe moyoni. Higa mundagaelewa siku zedzazo.

Jeremia 4:11

Wakati uho atu aha na a Jerusalemu andaambwa, “Phuto ra kuocha kula dzulu ya myango ko jangbwani rindapiga atu angu. Riro si phuto ra kupheha au kutakasa,

Jeremia 51:1

Mwenyezi Mlungu anaamba hivi: “Lola, nindafyakatsira roho ya ubanangi chinyume cha Babeli yani chinyume cha atu a Kalidayo ambao ni maadui gangu makulu.

Ezekieli 1:4

Wakati nriphokala nalola, náona phuto ra chikulukulu rinapiga kula uphande wa vurini, ingu kulu rozungulukpwa ni mwanga. Kahi ya ro ingu kala kunatuluka limeme rokala rinameka-meka. Na kahi-kahi ya nyo mmeko kala phanangʼala dza chuma chingʼalacho.

Ezekieli 13:13

Kpwa hivyo Mwenyezi Mlungu anaamba, ‘Kpwa tsukizi zangu nindarichira phuto kali na ndahenda mvula ya mawe. Na ndaireha mvula kulu na tsukizi za kubananga.

Amosi 1:14

Kpwa hivyo, ukuta wa Raba nindautiya moho, nao undaocha ngomeze, na siku iyo kundakala na kululu za viha, navyo viha vindavuma dza phuto.

Zakariya 7:14

Náatsamula na chikulukulu kuaphirika tsi zanjina zosi ambazo kala taazimanya. Kpwa hivyo yo tsi yao ariyoiricha ichisala gandzo, hata kuchikala takuna mutu ainjiraye wala atulukaye. Aho aihenda tsi nono ikale gandzo.’ ”

Zakariya 9:14

Chisha Mwenyezi Mlungu andatsembuka dzulu yao, na miviye indaphiya dza limeme. Mwenyezi Mlungu andapiga gunda na kunyendeka kpwenye chikulukulu kula mwakani.