Jeremia 22:6 - Digo Bible

⁶ Mana Mwenyezi Mlungu anaamba hivi kuhusu dzumba ra mfalume wa Juda: Uwe u dza tsi nono ya Giliadi kpwangu, dza myango ya Lebanoni, ela kpwa kpweli ndakuhenda ukale jangbwa, mudzi usio na atu a kuusagala.

Jeremia 22:6 Iomraidhean Croise

Mwandzo 37:25

Wakati nduguze Yusufu kala asegere anarya, aona likongo ra atu a Isimaili, ahendadzi-bishara ala Giliadi anaphiya Misiri. Ngamia aho kala akatsukula vilungo vya kujitira, dawa ya mavune na uvumba.

Zaburi 107:34

nkuhenda tsi yenye rutuba ikakala litsapi kpwa sababu ya uyi wa atu anaosagala mumo.

Wira wa Selemani 4:1

Aa, u mnono wende wangu! Aa u mnono! Matsogo ni dza ga njiya unapholola kula ndani ya mtandiyoo wa kulangala. Nyerezo ni nyiru na zikatserera mafuzini dza chaa cha mbuzi chitsereravyo mavoromoko ga Giliadi.

Wira wa Selemani 5:15

Maguluge ni dza nguzo za marumaru, zoimiswa kpwenye misingi ya zahabu. Na umbore ni dza Lebanoni, ni nono dza mihi ya mierezi.

Isaya 27:10

Mudzi uriozungulusirwa ngome ukakala gandzo, undatsamwa na kurichwa dza jangbwa, hiko ndiko ambako ngʼombe zindarisa na kutindizha.

Isaya 37:24

Kutsupira atumishio, ukamʼbera Mwenyezi Mlungu, uwe ukaamba, “Kpwa magari gangu manji ga kuvwehwa ni farasi nikakpwera dzulu ya virere vya myangoni, hadi ndani ya Lebanoni. Nami nikatema mierezi mire-mire, na misonobariye minono-minono. Nikainjira hata seemuze za ndani-ndani, kpwenye tsakare ririro gigigi mihi.

Isaya 6:11

Ndipho nchiuza, “Ee Mwenyezi Mlungu, hadi rini?” Naye achinijibu achiamba, “Hadi midzi ndiphokala magandzo, na ikale wekee bila atu, nyumba zitsamwe na minda irichwe bila kurimwa.

Jeremia 21:11

“Chisha nyo atu a nyumbani mwa mfalume wa Juda aambire, ‘Phundzani vyo Mwenyezi Mlungu aambavyo,

Jeremia 21:14

Mwenyezi Mlungu anaamba, Nindakutiyani adabu kulengana na mahendo genu, ndatiya moho ko tsakani nao undaocha chila chitu chiricho kanda-kandaye.”

Jeremia 22:24

“Mwenyezi Mlungu anaamba, kpweli dza niishivyo, mfalume Konia, mwana wa Jehoyakimu, mfalume wa Juda, hata kala u pehe nivwalayo dza muhuri wa mfalume, ningekutuluza kula mwangu chalani.

Jeremia 26:18

“Wakati wa utawala wa mfalume Hezekiya wa Juda, Mika kula Moreshethi watabiri achiamba, ‘Mwenyezi Mlungu, Mlungu wa majeshi anaamba: Mudzi wa Sayuni undarimwa dza munda, Jerusalemu indakala gandzo, na chidzango cha nyumba ya kuvoya Mlungu chindakala tsaka.

Jeremia 4:20

Mafwa bada ya mafwa, tsi yosi ikakala wekee. Mara mwenga mahema gangu gakabanangbwa, vyandaruwa vyangu vikauswa.

Jeremia 4:7

Simba akatuluka kula phakpwe tsakani, mʼbanangi wa mataifa ganjina akatuluka, akatuluka phatuphe aihende tsi yenu ikale bila chitu midzi yenu indakala magandzo gasigosagala atu.

Jeremia 50:12

Mudzi wenu mkpwulu ambao ni dza mayo yenu undatiywa waibu, iye ariyekuvyala andaangalala. Lola, iye andakala wa mwisho kahi za mataifa gosi, tsi isiyo chinemi na jangbwa.

Jeremia 7:34

Nindasisa sauti za kuhererwa na njerejere zipigirwazo bibi arusi na bwana arusi kpwenye midzi ya Juda na mo njira za Jerusalemu, mana yo tsi indakala wekee.”

Jeremia 8:22

Dze, takuna dawa za mavune ko Giliadi? Dze, takuna mgbwanga ko? Kpwa utu wani atu angu taadzangbwephola?

Jeremia 9:11

Nindahenda Jerusalemu ikale tsumbi ya dzala na pango ra makala, tsona ndahenda midzi ya Juda iangamizwe hata kusisagale mutu.

Mika 3:12

Sambi phahi, kpwa sababu yenu, mudzi wa Sayuni undarimwa dza munda Jerusalemu indakala gandzo, na chidzango cha nyumba ya kuvoya Mlungu chindakala tsaka.”

Zakariya 11:1

Lebanoni, vugula miryangoyo, ili moho uoche mihiyo yiihwayo mierezi!

Isabu 32:1

Atu a mbari ya Rubini na ya Gadi akala na mifugo minji sana. Phahi, ariphoona kukala tsi ya Jazeri na Giliadi kala inafwaha kpwa mifugo yao,

Kumbukumbu 3:25

Ninakuvoya nivuke muho Joridani, niione iyo tsi nono ngʼambo ya muho hinyu, hakika, tsi nono ya vidzango, phamwenga na myango ya Lebanoni.”