Jeremia 22:17 - Digo Bible

¹⁷ Ela matsogo na moyoo unaphalahira mapato gasigo ga halali, kpwa kuolaga asio makosa, kuonera atu na kuahendera ujeuri.”

Jeremia 22:17 Iomraidhean Croise

1 Afalume 21:19

Nawe kamuambire Mwenyezi Mlungu anaamba, ‘Dze, ukaolaga mutu na ukamiliki maliye?’ Chisha umuambe: Mwenyezi Mlungu anaamba, ‘Phatu phara madiya garipholamba-lamba milatso ya Nabothi, ndipho gandipholamba-lamba milatsoyo.’ ”

2 Afalume 23:37

Naye wahenda mai mbere za Mwenyezi Mlungu, sawa na gosi garigohendwa ni akaree.

2 Afalume 24:4

na kpwa sababu waolaga atu anji asiokala na makosa, achiodzaza Jerusalemu milatso ya atu hinyo. Mwenyezi Mlungu kayakubali kumswamehe makosa higo.

2 Nyakati 36:8

Mahendo ganjina ga Jehoyakimu, na go mai arigogahenda, ga kutsukiza na vira arivyophiya chinyume na Mlungu, gaandikpwa kpwenye chitabu cha mahendo ga afalume a Iziraeli na a Juda. Chisha mwanawe Jehoyakini watawala badalaye.

Ayubu 31:7

Ichikala náricha njira ya sawa, nchiaphuka, na moyo wangu ukalunga tamaa za matso gangu, na ichikala mikono yangu ikakala najisi kpwa kuhenda dambi,

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Kutsama 18:21

Ela tsambula atu ambao ana uwezo wa kulongoza ayawao kahi ya aha atu, atu amuogophao Mlungu, atu aaminifu asiolonda kuhongbwa, atu dza hinyo aike akale vilongozi a makundi ga atu elufu-elufu, ga atu gana-gana, ga atu mirongo mitsano-mitsano na ga atu kumi-kumi.

Misemo 24:2

Mana mioyo yao i panga mai na miromo yao ni ya kubwaga zani.

Isaya 56:11

Aho ni dza madiya matoni, ambago tagamvuna. Aho ni dza arisa asioelewa. Osi akagaluka na kulunga njira zao enye, na chila mmwenga anadziendzera fwaidaye mwenye.

Jeremia 17:11

Aphahaye utajiri usio wa halali ni dza kpware riahiraro mayayi gasigokala gakpwe, wakati madzana kpware ndiphokula gandauka na mwishirowe andaonekana kukala mjinga.

Jeremia 19:4

Mana nyo atu akaniricha na kunajisi phatu hipha kpwa kufukizira uvumba milungu yanjina ambayo nyo enye, akare aho wala afalume a Juda taimanya. Piya akaphaodzaza phatu hipha na mlatso wa atu asio na makosa.

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Jeremia 6:13

“Mana kula mvyere hadi mdide, chila mmwenga akachifyula kuendza mali isiyo ya haki kula nabii hadi mlavyadzi-sadaka, chila mmwenga anahenda ga handzo.

Jeremia 6:6

Mana Mwenyezi Mlungu, Mlungu wa majeshi anaamba, “Katani mihiye mtengeze ngazi za kupandira Jerusalemu. Uhu ndio mudzi ambao ni lazima utiwe adabu, mana u tele kuonerana.

Jeremia 7:6

ichikala tamundaonera ajeni, anachiya, magungu au kumwaga mlatso wa atu asio na makosa phatu hipha, na ichikala tamundalunga milungu ya handzo inayo kutiyani hasara,

Jeremia 8:10

Kpwa hivyo nindalavya achetu ao kpwa atu anjina na minda yao ndaipha ajeni. Kpwa sababu kula mdide hata mvyere chila mmwenga ni mtoni kpwa kuphaha gasigo ga haki; kula nabii hadi mlavyadzi-sadaka osi taahenda ga ukpweli.

Ezekieli 18:12

Piya nkuonera achiya na agayi na nkufuta atu mali zao kpwa nguvu. Nkukala kauyiza choikpwa mzamana ni myawe, nkuabudu vizuka, nkuhenda mambo ga kutsukiza,

Ezekieli 19:6

Achiphiya hiku na hiko kahi ya simba, achikula achikala simba mwenye nguvu, achidzifundza kuindza na achirya atu.

Ezekieli 19:7

Achivundza ngome zao, achibananga midzi yao. Tsi na osi okala mumo aogopha kpwa sababu ya mngurumowe.

Ezekieli 19:9

Kpwa kuhumira viloo gamtiya kengeni na gachimphirika kpwa mfalume wa Babeli gachendamtiya jela ili mngurumowe usisikirwe ko myango ya Iziraeli.

Ezekieli 22:6

“ ‘Lola, vira ambavyo akulu a Iziraeli asagalao mumo ahumiravyo uwezo wao kuolaga atu asio na makosa.

Ezekieli 33:31

Phahi andakulokera kama kawaida edze asagale mberezo dza atu angu na kuphundza ugombago ela taandagalunga. Mana mendzwa yao ni ya mromo bahi, ela mioyo yao inahamirwa ni kuphaha mapato gasigo ga haki.

Mika 2:2

Nkuaza minda na akaihala, akaaza nyumba na akazihala. Nkumuonera mutu na atu a nyumbaye, na nkufuta mutu urisiwe.

Mika 3:10

mdzengao mudzi wa Sayuni kpwa kumwaga milatso na Jerusalemu kpwa kuhenda mai.

Zefania 3:3

Vilongozie ni dza simba angurumao. Aamulie ni dza mabawa garigo na ndzala garyago dziloni, gasigosaza chitu hadi ligundzu.

Arumi 1:29

Aodzala chila aina ya uyi, uchoyo, udiya na chidzitso. Atu dza aho nkumendza kuheha, kugomba handzo, kuochera atu ngulu, na kusengenya. Ni aolagadzi,

1 Akorintho 6:10

aivi, achoyo, alevi, asengenyadzi, na aiyirao atu kuhumira nguvu: hinyo osi taandarisi ufalume wa Mlungu bii.

Akolosai 3:5

Phahi richani mahendo mai ga asili ya chibinadamu. Nago ni udiya, uzembe, na tamaa ya achetu ama alume anji. Piya msiaze mali za atu mana mundaabudu mali badala ya Mlungu.

Joshuwa 7:21

Nriphoona vwazi nono kula Shinari rokala kahi ya zewe, kama kilo mbiri za feza na mraba wa zahabu uriokala zaidi ya nusu kilo, náviaza na nchivihala, navyo návifwitsa dibwani ndani ya hema rangu na feza nchiyiika tsini ya vitu vyosi.”

2 Petero 2:14

Atu aha achiona mchetu nkumuaza, na tamaa yao ya kuzinga taisira. Nkurusa atu ambao taadinire chiroho na chila wakati achili zao nkufikiriya kuphaha pesa. Phahi atu aha analaniwa ni Mlungu.

2 Petero 2:3

Alimu aha a handzo ana ndani kulu, nao andakuchengani-chengani na adisi za handzo ili aphahe pesa zenu. Ela hangu kare Mlungu a tayari kuaamula, nao bila shaka andaangamizwa.

1 Samueli 8:3

Ela hinyo anae taayalunga dza ise yao arivyohenda, ela aricha kulunga njira ya ise yao ili aphahe fwaida kpwa njira ya handzo na kuricha kuhenda haki.