Jeremia 22:10 - Digo Bible

¹⁰ Msiririre mutu achiyefwa, wala msimsononekere ela mririreni iye aphiyaye tsi ya kure kpwa kukala kandaiona tsona tsi arikovyalwa.

Jeremia 22:10 Iomraidhean Croise

2 Afalume 22:20

Kpwa hivyo, undafwa dza akareo nawe undazikpwa kpwa amani, matsogo tagandaona nyo uyi ndinyoureha phatu phapha.” Phahi achimrehera nyo ujumbe ye mfalume.

2 Afalume 23:29

Wakati wa utawalawe, Neko, mfalume wa Misiri, waambuka kpwendapigana na mfalume wa Ashuru, ko muho wa Yufurati. Naye mfalume Josiya wakpwendapigana naye, ela Neko mfalume wa Misiri ariphomuona achimuolaga ko Megido.

2 Nyakati 36:4

Alafu mfalume wa Misiri wamuika Eliakimu mwanao wa Jehoahazi, akale mfalume wa Juda na Jerusalemu. Eliakimu wagalizwa dzina achiihwa Jehoyakimu, ela Neko wamuhala Jehoahazi achiphiya naye Misiri.

Muhubiri 4:2

Nami nchiona kukala baha atu ariofwa kare kuriko atu ario moyo.

Isaya 57:1

Mutu wa haki achifwa, taphana mutu ajaliye, atu amuogophao Mlungu nkuuswa duniani, taphana aelewaye kukala enye haki nkuuswa ili asiphahwe ni mai.

Jeremia 16:7

Taphana mutu ndiyeapha chakurya afwererwa wala kuapha pore hata napho akafwererwa ni ise zao au nine zao.

Jeremia 22:11

Phahi kuhusu Shalumu mwana wa mfalume Josiya wa Juda ariyetawala badala ya ise ela achitsamizwa kpwa lazima, Mwenyezi Mlungu anaamba, “Kandauya ngʼo.

Jeremia 22:18

Kpwa hivyo kuhusu Jehoyakimu mwana wa mfalume Josiya wa Juda Mwenyezi Mlungu anaamba, “Atu taandamririra, kuamba, ‘Aa mwenehu mlume!’ au ‘Aa mwenehu mchetu!’ Aho taandamririra kuamba, ‘Aa Mwenyezi Mlungu!’ au ‘Aa ngumaye!’

Jeremia 22:27

Namwi tamundauya tsetsetse tsi ambayo mundakala munaiaza.”

Jeremia 25:27

Chisha Mwenyezi Mlungu achiniamba, “Aambire, Mimi Mwenyezi Mlungu, Mlungu wa majeshi, Mlungu wa Iziraeli naamba, ‘Nwani mlewe hata muhaphike, mugbwe na msiweze kuima tsona, kpwa sababu ya nyo upanga ndioureha kahi yenu.’

Jeremia 28:4

Chisha ndamuuyiza phapha Jekonia mwana wa Jehoyakimu, mfalume wa Juda na atu anjina osi ariohalwa mateka kula Juda achiphirikpwa Babeli, mana ndarivundza ro gogolo ra mfalume wa Babeli, Mwenyezi Mlungu anaamba.’ ”

Jeremia 42:18

“ ‘Mwenyezi Mlungu, Mlungu wa majeshi, Mlungu wa Iziraeli anaamba, “Mwimwi ndiphophiya Misiri ndakutsukirirwani na kukutiyani adabu dza nrivyotsukirirwa na kuatiya adabu atu a Jerusalemu. Mundakala atu a kulaphizwa na a kuzemererwa, utu wa kutisha, ndzimo ya kulanira na atu a kunyeterwa. Namwi tamundaona tsi ihi tsona.” ’ ”

Jeremia 44:14

Taphana hata mmwenga kahi ya atu a Juda ariosala achiophiya Misiri, ndiyechimbira au kutiya au kuuya Juda. Dzagbwe anaaza kuuya na kuishi kuko, taandauya isiphokala atu achache tu ndiotiya.”

Sonono za Jeremia 4:9

Baha nyo arioolagbwa na upanga kuriko nyo ahirikao, ambao anafwa pore-pore kpwa kukosa chakurya kula mindani.

Ezekieli 24:16

“Mwanadamu, lola, kpwa pigo mwenga nindausa cho ambacho chinahamira matsogo, nawe ni usisononeke, usirire wala kumwagikpwa ni matsozi.

Luka 23:28

Ela Jesu waagalukira hara achetu na achiaambira, “Ano mayo a Jerusalemu, msiniririre, ela dziririreni enye na ana enu.