Jeremia 20:8 - Digo Bible

⁸ Mana nigombapho, nkukala narira na kululu kuamba, “Fujo na kuangamizwa!” Mana kutangaza neno ra Mwenyezi Mlungu kukanihenda niolohewe na kuberwa dii yosi.

Jeremia 20:8 Iomraidhean Croise

2 Afalume 2:23

Elisha wauka Jeriko, achiphiya Betheli. Ariphokala a njirani, barobaro anjina kula kpwenye mudzi, aandza kumzemerera achiamba, “Phiya vyako, we wa lilazi!”

2 Nyakati 36:16

Ela hinyo atu aatseka na kuanyetera hinyo ahumwa a Mlungu. Aenderera kubera maneno ga Mwenyezi Mlungu hadi achimtsukiza na ichikala taphana budi kuatiya adabu.

Isaya 57:4

Munamnyetera ani mwi enye? Munabenyurira ani madomo? Mwimwi mu ana a aasi na chivyazi cha atu a handzo.

Jeremia 15:10

Ee maye mino! Baha kala sivyarirwe! Chila mmwenga tsi yosi ananipinga na kuheha nami. Sidzangbweaphaswa ni mutu wala kuaphasa mutu yeyesi ela osi ananilani.

Jeremia 15:15

Ee, Mwenyezi Mlungu, unamanya chila chitu, nitambukira na wedze uniterye na uniriphizire nyo maadui gangu. Uwe unavumirira, usiniriche nikaangamika, manya kukala ninalaphizwa kpwa ajiliyo.

Jeremia 17:27

Ela ichikala tamundaniphundza na kuihenda Siku ya Kuoya kukala takatifu kpwa kusatsukula mizigo muinjirapho maryango ga Jerusalemu, phahi ndaasa moho usiozimika ndioocha maryango ga Jerusalemu na madzumba ga mudzi wa chifalume.” ’ ”

Jeremia 20:7

Ee Mwenyezi Mlungu wanichenga, nami nchichengeka; uwe una nguvu kunishinda nawe ukaniturya. Atu anasinda dii kunitseka, chila mutu ananibera.

Jeremia 28:8

Nyo manabii ariohutanguliya atabiri viha, ndzala na makongo chinyume cha mataifa manji na falume zenye nguvu.

Jeremia 5:1

Zolani mairo kpwenye barabara za Jerusalemu, lolani na mdzionere enye! Chunguzani mo mwakpwe mihalani ichikala mundaona angaa mutu mmwenga, ahendaye haki na aendzaye kpweli ili niswamehe mudzi uhu.

Jeremia 5:6

Kpwa hivyo simba kula tsakani andaavamia, bawa kula jangbwani andaamwamula. Tsui andapiga chamba phephi na midzi yao, yeyesi ndiyetuluka andamwamulwa-mwamulwa; kpwa sababu makosa gao ni manji na auya nyuma kano nyinji.

Jeremia 6:10

Nigombe na ani na kumkanya ani hata asikire? Lola, masikiro ni mazito, taaweza kusikira; lola, neno ra Mwenyezi Mlungu anaribera, taafwahirwa ni ro neno.

Jeremia 7:9

Munaiya, munaolaga, munazinga, munaapa kpwa handzo, kuocha mavumba kpwa Baali na milungu yanjina ambayo kala tamuimanya

Habakuki 1:3

Kpwa utu wani unihende nione uyi na nigaye? Atu a kubananga na a fujo a mbere zangu, kuna kuheha na kukosana vivyo kpwa vivyo.

Luka 11:45

Alafu mwalimu mmwenga wa Shariya wamuamba Jesu, “Mwalimu, uchiamba hivyo, unahuinjirira hata swiswi alimu a Shariya piya.”

Aeburania 11:26

Wakuta kuteswa kpwa ajili ya Jesu Masihi kuna fwaida zaidi kuriko raha na utajiri wa Misiri, kpwa sababu kala anagodzera tuzo ra siku zedzazo.

Aeburania 13:13

Phahi naswi nahumlungeni kuko kondze ya mudzi, hukavumirire waibu dza iye arivyovumirira sana.

1 Petero 4:14

Ichikala mundalaphizwa kpwa sababu mu afuasi a Jesu, manyani kukala mundajaliwa, mana ukulu wa Roho Mtakatifu undaonekana wazi kukala u phamwenga namwi.