Jeremia 20:5 - Digo Bible

⁵ Zaidi ya gago, ndalavya utajiri wa nyo mudzi, mapato gosi, vitu vyosi vya samani na akiba zosi za afalume a Juda kpwa maadui gao ndiovihala aphiye navyo Babeli.

Jeremia 20:5 Iomraidhean Croise

2 Nyakati 36:10

Mwaka uriphosira, mfalume Nebukadineza wahuma ajumbe kpwendamuhala mateka Jehoyakini achimphirika hadi Babeli phamwenga na miyo ya samani kula nyumba ya Mwenyezi Mlungu. Zedekiya mwanao wa Jehoyakini waikpwa akale mfalume wa Juda na Jerusalemu.

Isaya 39:6

‘Siku ziredza ambapho vitu vyosi vya mwako nyumbani, na hazina zosi zirizoikpwa ni akareo hadi rero, zindahalwa ziphirikpwe Babeli. Taphandasazwa hata chitu chimwenga, Mwenyezi Mlungu anaamba.

Jeremia 12:12

Dzulu ya myango ko jangbwani aolagadzi andakpwedza mana upanga wa Mwenyezi Mlungu undaangamiza atu kula mwandzo hadi mwisho wa tsi. Taphana ndiyekala salama.

Jeremia 15:13

“Utajiri wenu na akiba zenu ndazilavya zewe. Ndazilavya bure kpwa sababu ya dambi zenu chila phatu kahi ya tsi yenu.

Jeremia 17:3

na dzulu ya myango kpwenye tsi yogbwa. Utajiri wenu na akiba zenu ndazilavya zewe kama garama ya dambi zenu chila phatu kpwenye tsi yenu.

Jeremia 3:24

“Ela hangu hu adide hendo hiri ra waibu rikaangamiza ana ehu alume na achetu phamwenga na chila chitu ambacho chaphahikana kpwa jasho ra akare ehu: vyaa vya mangʼondzi, mbuzi na ngʼombe.

Jeremia 32:24

Lolani Akalidayo akaika tsumbi za mtsanga kuzunguluka mudzi, akauzangira ili aphahe kuuvamia na kuuteka. Kpwa sababu ya upanga, ndzala na ukongo wa tauni, mudzi unalaviwa mikononi mwa Akalidayo auvamiao. Urigogomba ganatimiya dza uonavyo.

Jeremia 39:2

Iriphofika siku ya tisiya ya mwezi wa ne, mwaka wa kumi na mwenga wa utawala wa Zedekiya, ukuta wa nyo mudzi wabomolwa.

Jeremia 39:8

Nyo Akalidayo aocha dzumba ra mfalume na zo nyumba za atu na achibomola ukuta wa Jerusalemu.

Jeremia 4:20

Mafwa bada ya mafwa, tsi yosi ikakala wekee. Mara mwenga mahema gangu gakabanangbwa, vyandaruwa vyangu vikauswa.

Sonono za Jeremia 1:10

Adui akagolosa mikonoye ahale vitu vyosi vya samani vya Jerusalemu. Jerusalemu waona atu a mataifa ganjina achiinjira phatuphe phatakatifu, aratu ambao Mwenyezi Mlungu waakahaza kuinjira kpwenye mkpwutanowe.

Sonono za Jeremia 1:7

Jerusalemu inatambukira siku za mateso na sonono na vitu vyosi vya samani vyokala vyakpwe hangu kare. Atue ariphoshindwa ni avihae, napho taphayakala na wa kumkanira, avihae amlola na kumtseka wakati wa kushindwakpwe.

Sonono za Jeremia 4:12

Afalume a dunia, phamwenga na atu osi taayaamini, kukala maadui na aviha anaweza kuinjira maryango ga Jerusalemu.

Ezekieli 22:25

Fitina za akulue zi ndaniye dza simba angurumaye kuno anamwamula nyama achiyemgbwira. Anaolaga atu. Nkuhala kpwa nguvu hazina na vitu vya samani, nkuenjereza jumula ya magunguge mumo.

Danieli 1:2

Phahi Mwenyezi Mlungu wamtiya mfalume Jehoyakimu mikononi mwa Nebukadineza phamwenga na seemu ya miyo ya nyumba ya kuvoya Mlungu. Naye achiitsukula hadi tsi ya Shinari, achendayiinjiza phatu pha kuikira hazina kpwenye nyumba ya mlunguwe.

Hosea 13:15

Dzagbwe ndiye chiyeongokerwa kuriko nduguze, Mwenyezi Mlungu andahuma phepho kula mlairo wa dzuwa naro rindapiga kula weruni. Pulaze za madzi zindauma, visimavye vindauma. Nyumbaze za kuikira hazina zindavundzwa na vituvye vya samani vindahalwa.