Jeremia 2:28 - Digo Bible

²⁸ Kpwani yo milungu yenu mriyoitengeza enye i kuphi? Iricheni iunuke napho inaweza kukutivyani wakati wa shida! Mana dza vyo midzi yenu irivyo minji ndivyo milungu yenu, mwimwi atu a Juda.

Jeremia 2:28 Iomraidhean Croise

2 Afalume 3:13

Elisha achimuuza mfalume wa Iziraeli, “Kuna maneno gani kahi ya mimi na uwe? Phiya uvoye mashauri kpwa manabii ambao sowe na mayoo aalunga.” Mfalume wa Iziraeli wajibu achiamba, “Sivyo! Mwenyezi Mlungu ndiye wawiiha swiswi afalume ahahu kusudi ahutiye mikononi mwa mfalume wa Moabu.”

Isaya 45:20

Dzikusanyeni na mwedze phamwenga mwi atu a mataifa muriosala! Aho atsukulao vizuka vyao vya kutsonga, na kuvoya milungu isiyotivya, ni azuzu.

Isaya 46:2

Anazama phamwenga, taaweza kuhula yo mizigo nyo enye anatsamizwa kpwa lazima.

Isaya 46:7

Nkuchipiga tsuritsuri akachitsukula achachiimisa phatuphe. Pho ndiphoikpwa tachiweza kuuka, na hata mutu akachiririra tachiweza kumjibu, wala kumtivya na tabuze.

Isaya 57:13

Ndiphorira, vyo vizuka urivyovikusanya navikutivye, phepho rindaviphepherusa, pumuzi chache indaviusa. Ela mutu anikuluphiraye andarisi tsi na mwango Mtakatifu undakala wakpwe.”

Jeremia 1:16

Nindatangaza uamuli wangu dzulu ya atu angu kpwa sababu ya uyi wao wa kuniricha na kulavira sadaka za kuochwa milungu yanjina na kuabudu vizuka ambavyo avitengeza na mikono yao.

Jeremia 11:12

Chisha nyo atu a midzi ya Juda na Jerusalemu andaphiya akairirire yo milungu aifukizirayo uvumba, ela taindaativya ndiphophahwa ni go mashaka.

Jeremia 11:13

Mana muna milungu minji dza midzi yenu irivyo minji mwi atu a Juda. Na dza barabara zirivyo nyinji Jerusalemu ndivyo murivyo munji mwatu mwa kufukizira uvumba Baali, mlungu wenu wa waibu.’

Jeremia 30:7

Wee! Siku iyo ni ya kutisha sana takuna dza iyo undakala wakati wa kuteseka kpwa Jakobo, ela andativywa na gago.”

Jeremia 37:19

Akuphi nyo manabiio ariokulavira unabii kpwa kuamba kukala mfalume wa Babeli kandakuvamia uwe wala tsi ihi?

Hosea 10:1

Aiziraeli akala dza mzabibu uriowanda vinono, uvyalao zabibu kpwa unji. Dza zabibu zirivyoenjerezeka, ndivyo arivyoenjereza mwatu mwa kulavira sadaka. Dza tsi yao irivyoenjerezeka kukala tajiri, ndivyo arivyozidi kupamba zo nguzo za kuabudira.

Habakuki 2:18

Chizuka china mana yani, chitu chihendacho tengezwa ni mwanadamu? Nacho ni mfwano unaochenga atu. Ye mutu achitengezaye nkukuluphira kazi ya mikonoye. Mana ni chizuka sichoweza kugomba.

Habakuki 2:19

Shauriye hiye achiambaye chizuka cha muhi “Unuka,” au chizuka cha dziwe “Lamuka” Vino chizuka chinaweza kulavya malagizo? Tachiphuma dzagbwe chikafwinikpwa na zahabu na feza.

Kumbukumbu 32:37

Halafu Mwenyezi Mlungu andauza, i kuphi milunguyo, mwamba muriouchimbirira mkale salama?

Aamuli 10:14

Phiyani mkaririre yo milungu mriyoitsambula ikutivyeni na mashaka genu.”