Jeremia 2:25 - Digo Bible

²⁵ Manyirira magulugo sedze ukagaremweza na umiroo ukakala na chiru kpwa kuzola hiku na hiku. Ela uwe uchiamba, ‘Taina mana kunikahaza mana namendza milungu ya chijeni, nami ndailunga.’

Jeremia 2:25 Iomraidhean Croise

2 Nyakati 28:22

Hata wakati ariphokala mashakani, mfalume Ahazi waenderera kusakala muaminifu kpwa Mwenyezi Mlungu.

2 Nyakati 28:23

Iyo milungu ya Damasikasi iriyomʼbwaga ye wailavira sadaka achiamba, “Kpwa kukala milungu ya afalume a Shamu ikaaterya kuniturya, nami nailavira sadaka ili initerye.” Ela gago ndigo garigomrehera maangamizi iye phamwenga na Iziraeli yosi.

Isaya 2:6

Ukaricha atuo atu a nyumba ya Jakobo kpwa kukala analunga mila za atu a mlairo wa dzuwa; anapiga mburuga dza Afilisti na kugbwirana na atu asioamini kukala kuna Mlungu.

Isaya 57:10

Wadziremweza kpwa kulunga njira nyire, ela kuyavundzika moyo. Waphaha mkpwotse muphya, na kpwa vivyo kuyafwa moyo.

Jeremia 13:21

Kuna atu urioahenda asenao, dze, undaahariradze achihendwa atawalao? Dze, kundasikira utsungu? Dza hura wa mchetu alondaye kudzivugula?

Jeremia 13:22

Na mo mwako moyoni uchiamba, “Kpwadze nkafikpwa ni mambo higa?” Mambo gaga gakahendeka kpwa sababu ya uyio ndiyo mana nguwoyo ikasegbwa na kuhendwa vibaya.

Jeremia 14:10

Mwenyezi Mlungu anaamba hivi, kuhusu atu ano, “Ano anamendza sana kuangaika taaweza kuzuwiya nyayo zao kpwa hivyo Mwenyezi Mlungu akaarema vivi andatambukira mai gao nami ndaatiya adabu kpwa dambi zao.”

Jeremia 18:12

Ela aho andajibu aambe, “Higo ni bure! Swino hundaenderera na mipango yehu, chisha chila mutu andahenda kulengana na moyowe mui ndivyomlongoza.”

Jeremia 2:31

Phahi mwimwi a chivyazi chichi, rigbwireni neno ra Mwenyezi Mlungu. Dze, mino nkakala weru kpwa Iziraeli? Ama tsi ya chilungulungu cha jiza? Kpwa utu wani atu angu anaamba, ‘Swiswi u huru; swiswi tahundauya kpwako tsona?’

Jeremia 22:20

“Ambukani mphiye Lebanoni mkarire, atu a Jerusalemu kotani kululu ko Bashani, chisha mphiye Abarimu mkarire, mana asena enu akaolagbwa.

Jeremia 22:21

Nágomba nawe wakati mambogo ganakuphihirato, ela we uchiamba, ‘Sindagasikira tse.’ Ndivyo urivyo, hangu ubarobaroo kuniphundza, yani kuogopha sauti yangu.

Jeremia 3:13

Uwe kubali tu kukala u mkosa, kukala waniasi mimi Mwenyezi Mlungu, Mlunguo na uchimendza milungu ya chijeni na kuiabudu tsini ya mihi mikulu na kukala kuyaphundza sauti yangu, mimi Mwenyezi Mlungu nkaamba.

Jeremia 44:17

Ela hundahenda hurichoapa kuchihenda. Hundamfukizira uvumba mlungu aihwaye Malikiya wa mlunguni na kummwagira sadaka za vinwadzi dza vyo hurivyokala huchihenda swiswi na akare ehu, afalume ehu na vilongozi ehu arivyohenda hiko midzi ya Juda na kpwenye barabara za Jerusalemu. Wakati hinyo kala huna chakurya cha kutosha, tahutsowere chitu na tahuphahirwe ni utu wowosi uyi.

Sonono za Jeremia 1:2

Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.

Sonono za Jeremia 4:4

Lilimi ra mwana aamwaye rikagbwirana na lilakalaka kpwa chiru. Anache anavoya chakurya ela taphana aaphaye.

Ezekieli 20:32

“ ‘Na go muazago mwenu mioyoni tagandakala bii, mana munaamba, “Swiswi nahukale dza atu a mataifa na makabila ga tsi zanjina ambao anaabudu vizuka vya mihi na vya mawe.”

Hosea 2:3

nisedze nikamvula nguwo akakala chitsaha dza arivyovyalwa. Chisha nimuhende akale dza jangbwa, dza tsi ya chitsapi, na nimuolage na chiru.

Hosea 2:5

Kpwa mana nine yao wahenda umalaya, iye wagbwira mimba katika waibu. Mana iye wáamba, “Nindaalunga azembe angu, mana aho ndio aniphao chakurya na madzi, nyoya za mangʼondzi na katani, mafuha na uchi wangu.”

Malaki 3:14

Mwimwi munaamba, ‘Kumuhumikira Mlungu ni kazi ya bure. Ni fwaida yani huriyophaha kpwa kulunga malagizoge? Hebu ko kudzinyenyekeza na kusononeka mbere za Mwenyezi Mlungu, Mlungu wa majeshi kpwahufwahani?

Luka 15:22

Ela ise achiaambira ahendadzi-kazie, ‘Upesi kahaleni kandzu nono mumvwike, piya muhale pete na virahu mumvwike.

Luka 16:24

Phahi, wamuiha Burahimu, ‘Baba Burahimu, nionera mbazi umhume Lazaro adyoge madzi na tsa ya chalache edze anireze lilimi, mana nagaya sana na huno moho!’

Arumi 8:24

Hangu Mlungu ariphohuokola, hunagodzera kpwa hamu iyo nguma yedzayo. Ela ichikala unatumaini kuphaha chitu ambacho unachiona, siyo kutumaini. Hebu ni ani ambaye anaweza kutumaini kuphaha chitu aricho nacho?

Kumbukumbu 28:48

vivi undahumikira maaduigo ndigorehwa chinyumecho ni Mwenyezi Mlungu. Undagahumikira kuno una ndzala, chiru, u chitsaha na ukaphungukirwa ni chila chitu. Andakufunga gogolo ra chuma hadi akuangamize tsetsetse.

Kumbukumbu 32:16

Mchimtiya wivu kpwa milungu yenu mijeni, mchimfyakatsira areye kpwa mahendo genu ga kutsukiza.