Jeremia 2:2 - Digo Bible

² “Phiya ukaatangazire chingʼangʼa atu a Jerusalemu asikire. Aambire Mwenyezi Mlungu anaamba hivi, ‘Nátambukira uaminifuo wa wanacheni, urivyokala uchinimendza dza bibi harusi, na urivyonilunga ko jangbwani, kpwenye tsi isiyovyala chochosi.

Jeremia 2:2 Iomraidhean Croise

Zaburi 129:1

“Maadui gangu ganigayisa hangu ni barobaro,” Aiziraeli naambe,

Kutsama 14:31

Aiziraeli aona hendo hiro ra ajabu arirohenderwa Amisiri. Phahi achimuogopha Mwenyezi Mlungu na achimuamini phamwenga na mtumishiwe Musa.

Kutsama 16:8

Tsona Musa achiamba, “Dziloni Mwenyezi Mlungu andakuphani nyama, na ligundzu andakuphani chakurya chanjina murye mvune. Mlungu wasikira chiriro mrichomririra. Kpwa sababu swino si chochosi, mwimwi kala tamnungʼunikira swiswi, ela kala munamnungʼunikira Mwenyezi Mlungu.”

Misemo 1:20

Ikima inaiha kpwa raka ra dzulu kpwenye njira kulu, inakota kululu cheteni,

Wira wa Selemani 3:11

Tulukani, mwi asichana a Sayuni, mwedze mlole mfalume Selemani, akavwala tadzi ariyovwikpwa ni nine siku ya arusiye, siku yohamira sana moyowe.

Wira wa Selemani 3:6

Ni ani yuya edzaye kula jangbwani? Ambaye anaonekana dza ingu ra mosi rinarounuka, rinaronukia manemane na ubani phamwenga na chila aina ya manukato garehwago ni achuuzi.

Isaya 58:1

“Piga kululu, usiriche. Piga kululu dza tarumbeta. Atangazire atu angu makosa gao, na uambire atu a nyumba ya Jakobo dambi zao.

Jeremia 11:6

Chisha Mwenyezi Mlungu achiniamba, “Katangaze maneno gaga midzi yosi ya Juda na kpwenye barabara zosi za Jerusalemu. Aambire, ‘Phundzani go maneno ga chilagane hichi na mgalunge.

Jeremia 19:2

Chisha tuluka uphiye Dete ra mwana wa Hinomu phephi na phatu pha kuinjirira kutsupira ryango ra madzaya, kuko ukatangaze ndigokuambira.

Jeremia 2:1

Mwenyezi Mlungu achiniamba,

Jeremia 2:6

Aho tauzire, ‘Akuphi ye Mwenyezi Mlungu ariyehutuluza kula tsi ya Misiri na kuhulongoza ko nyikani, tsi ya jangbwa na madibwa, tsi kavu yenye chilungulungu cha jiza, tsi isiyotsupirwa ni mutu wala kusagalwa?’

Jeremia 3:4

Dze, vino kuniambire, ‘Baba, na msena wangu hangu wanache wangu,

Jeremia 7:2

“Ima pho ryango ra nyumba ya Mwenyezi Mlungu, na utangaze neno hiri, uambe, ‘Sikirani neno ra Mwenyezi Mlungu, mwi mosi a Juda muinjirao maryango gaga kuabudu Mwenyezi Mlungu.

Ezekieli 16:22

Na kahi ya mambogo gosi ga kutsukiza na kuzingako, kuyatambukira wakati wa usichanao, uriphokala chitsaha bila nguwo, unagalagala kahi ya milatsoyo.

Ezekieli 16:60

Ela ndatambukira chilagane nrichoika nawe wakati wa usichanao, nami ndaika chilagane cha kudumu na uwe.

Ezekieli 16:8

“ ‘Niriphotsupa tsona nákuona ukakula nawe kala ukafika wa kuphaha wende, nchihala vwazi rangu nchibwiningiza chitsahacho, narya chirapho nchiika chilagane na uwe, Mwenyezi Mlungu anaamba, nawe uchikala wangu.

Ezekieli 23:19

Ela waenjereza kuhenda umalayawe, achitambukira siku za usichanawe, ariphohenda umalaya ko Misiri.

Ezekieli 23:3

Aho auandza umalaya wao ko Misiri hangu achere adide. Kuko kpwenye yo tsi, nyaho zao zagutwa-gutwa na vifuwa vyao ambavyo kala tavidzangbwegutwa ni alume vichiphaphaswa.

Ezekieli 23:8

Iye karichire umalayawe ariouandza ko Misiri hangu usichanawe, atu alala naye achiusa hamu zao na kuvumbira nyahoze tsanga.

Hosea 11:1

Iziraeli ariphokala achere mwanache, náammendza, námuiha mwanangu kula Misiri.

Hosea 2:15

Na kuko ndiko ndikomuuyizira mindaye ya mizabibu, na kurihenda ro Dete ra tabu rikale mryango wa kumrehera kuluphiro. Nchimuiha andaihika dza wakati ariphokala msichana, dza siku ariphotuluka kula Misiri.

Hosea 2:17

Sindamruhusu kuhadza madzina ga mabaali, naye kandagatambukira tsona.

Hosea 2:7

Iye andaalunga azembee ela kandaaphaha andaaendza ela kandaaona. Ndipho andaamba, “Nindauya kpwa mlume wangu, mana hiko nakala vinono kuriko vi nirivyo sambi.”

Hosea 8:1

Piga gunda! Umanyise atu kukala adui aredza chinyume cha atu a nyumba ya Mwenyezi Mlungu dza kozi mana akavundza chilagane changu na akaasi shariya zangu.

Hosea 9:10

Nriphoaona Aiziraeli, yakala ni dza kuona zabibu ko weruni. Nriphoaona akare enu, yakala dza kuona tini za kpwandza dzulu ya mtini. Ela ariphofika Baali-Peori, adzitenga kpwa ajili ya Baali, utu wa waibu, achikala tsukizo dza hicho chizuka arichochimendza.

Jona 1:2

“Uka uphiye hadi mudzi mkpwulu wa Ninawi, ukakote kululu uaambire atu a Ninawi kukala, uyi wao ukanifikira hiku dzulu.”

Mathayo 11:15

Ariye na masikiro, naasikire!”

Luka 12:13

Alafu mutu mmwenga pho kundini wamuamba Jesu, “Mwalimu, muambire mwenehu aniganyire urisi wa baba nami.”

Kumbukumbu 2:7

Kpwa kukala Mwenyezi Mlungu, Mlungu wenu akakujaliyani katika chila dzambo mrirohenda. Anamanya vira murivyotsapa kpwenye jangbwa hiri kulu. Mana Mwenyezi Mlungu, Mlungu wenu kala a phamwenga namwi miaka yosi mirongo mine; tamdzangbwephungukirwa ni chitu chochosi.

Kumbukumbu 33:3

Mwenyezi Mlungu anaamendza atue, atakatifue osi ni maliye. Kpwa hivyo anasagala phakpwe maguluni na kuphaha malagizo kula kpwakpwe.

Kumbukumbu 8:2

Tambukirani vira ambavyo Mwenyezi Mlungu, Mlungu wenu, wakulongozani njira yosi kutsupira hiko jangbwani kpwa muda wa miaka hino mirongo mine, ili akuhendeni mnyenyekee na kukujezani kusudi amanye garigo mwenu mioyoni; napho mndagbwira amurize au hata.

Jakobo 4:4

Mwi adiya! Tammanya kala kumendza dunia ni kumzira Mlungu? Mutu yeyesi adzihendaye msena wa dunia, anakala adui wa Mlungu.

Maono 2:4

Hata hivyo, muna utu ambao unanisononesa. Utu wenye ni kukala tamnimendza dza hipho mwandzo mriphookoka.