Jeremia 2:15 - Digo Bible

¹⁵ Simba akamngurumira, mngurumo mkpwulu sana, akaihenda tsiiye chitsapi; midziye ni magandzo, taina atu.

Jeremia 2:15 Iomraidhean Croise

Ayubu 4:10

Ayi nkunguruma dza simba, ela Mlungu nkuanyamaza na kuvundza meno gao.

Zaburi 57:4

Nkazungulukpwa ni simba aroho, a kurya atu, meno gao avi ni mikuki na mivi, ndimi zao avi ni panga kali.

Isaya 1:7

Tsi yenu ikasala bila chitu midzi yenu ikatiywa moho. Minda yenu inahalwa na kubanangbwa ni ajeni kuno enye munalola.

Isaya 24:1

Lola, Mwenyezi Mlungu akaihenda dunia ikale tuphu. Anaihenda chiya, anaipendula na kutsamula asagalao mumo.

Isaya 5:29

Mngurumo wao ni dza wa simba, ananguruma dza mwana simba angurumavyo. Nkunguruma agbwirapho nyama chiyemuindza na akauka naye na taphana wa kumtivya.

Isaya 5:9

Namsikira Mwenyezi Mlungu, Mlungu wa majeshi anaamba, “Hakika nyumba nyinji zindakala magandzo. Nyumba kulu tsona nono zindakala bila enye.

Isaya 6:11

Ndipho nchiuza, “Ee Mwenyezi Mlungu, hadi rini?” Naye achinijibu achiamba, “Hadi midzi ndiphokala magandzo, na ikale wekee bila atu, nyumba zitsamwe na minda irichwe bila kurimwa.

Jeremia 10:22

Phundzani ndziyendziye ziredza! Misindo ya farasi iredza kula tsi ya vurini, kuhenda midzi ya Juda ikale magandzo, panga za makala.

Jeremia 25:30

“Phahi tabiri maneno gaga gosi na uambire: Mwenyezi Mlungu andanguruma kula dzulu, andaruruma kula phatuphe phatakatifu, andangurumira atue kpwa nguvu, andakota kululu dza atu aminyao zabibu, andangurumira atu osi a duniani.

Jeremia 25:9

phahi, ndahuma makabila gosi ga tsi ya vurini na mtumishi wangu Nebukadineza mfalume wa Babeli. Nami nindahenda apige tsi ihi na osi akalao mumo na mataifa ganjina jirani. Mimi nindakuangamizani tse na kukuhendani mkale atu a kuzemererwa na a kuberwa hata kare na kare. Mimi Mwenyezi Mlungu nkaamba.

Jeremia 26:9

Kpwa utu wani ukatabiri kpwa dzina ra Mwenyezi Mlungu kukala nyumba ihi indakala dza Shilo na mudzi uhu undakala wekee bila ya atu?” Phahi Jeremia wazangirwa ni atu ndani ya nyumba ya Mwenyezi Mlungu.

Jeremia 33:10

“Mimi Mwenyezi Mlungu naamba, ‘Munaamba kukala phatu phapha ni gandzo phasipho na mana, phasipho na mutu wala nyama. Ela mo ndani ya midzi ya Juda yotsamwa na barabara za Jerusalemu zorichwa wekee bila atu wala nyama, kundasikirwa tsona

Jeremia 34:22

Mimi Mwenyezi Mlungu ndaamuru, auye kahi ya mudzi uhu. Yo midzi andaipiga viha, aiteke na kuiocha. Nami ndaihenda yo midzi ya Juda ikale magandzo na wekee bila atu.”

Jeremia 4:7

Simba akatuluka kula phakpwe tsakani, mʼbanangi wa mataifa ganjina akatuluka, akatuluka phatuphe aihende tsi yenu ikale bila chitu midzi yenu indakala magandzo gasigosagala atu.

Jeremia 44:22

Ye Mwenyezi Mlungu ariphokala kaweza tsona kuvumirira uyi wenu na go mambo ga kutsukiza mrigogahenda, tsi yenu yahendwa ndzimo ya kulanira, ichikala gandzo tsona wekee bila mutu dza irivyo rero.

Jeremia 5:6

Kpwa hivyo simba kula tsakani andaavamia, bawa kula jangbwani andaamwamula. Tsui andapiga chamba phephi na midzi yao, yeyesi ndiyetuluka andamwamulwa-mwamulwa; kpwa sababu makosa gao ni manji na auya nyuma kano nyinji.

Jeremia 50:17

“Atu a Iziraeli ni dza mangʼondzi gachigoondoswa ni simba. Wa mwandzo kuavamia kala ni mfalume wa Ashuru, na wa mwisho kuvundza mifupha yao ni Nebukadineza, mfalume wa Babeli.

Jeremia 51:38

Atue osi ananguruma dza simba, ananguruma dza ana simba.

Jeremia 6:8

Nakukanya uriche uwe Jerusalemu, au niriche kukuririkana na kuihenda tsiiyo ikale gandzo, phatu phasiphoishi atu.”

Jeremia 9:10

Nindatulukpwa ni matsozi kpwa kuririra yo myango, na kusononekera nyasi za jangbwani, mana zindabanangbwa na takuna ndiyetsapira, na ngʼombe tazindasikirwa zichirira tsona Nyama a mapha na nyama a tsakani akachimbira na kuzirimika.

Jeremia 9:11

Nindahenda Jerusalemu ikale tsumbi ya dzala na pango ra makala, tsona ndahenda midzi ya Juda iangamizwe hata kusisagale mutu.

Ezekieli 36:3

Phahi lavya unabii uambe, ‘Mwenyezi Mlungu anaamba hivi: Kpwa kukala amuhenda mkale wekee bila atu na kuazulumu chila uphande, ili mkale mali ya mataifa ganjina na mkale atu a kugombwa vii na kuocherwa ngulu,

Ezekieli 5:14

Tsona ndakuhenda gandzo na utu wa kuberwa ni mataifa ganjina gachigokuzunguluka na atu osi atsupao na njira.

Hosea 11:10

Andamlunga Mwenyezi Mlungu, iye andanguruma dza simba, na angurumapho anae andakpwedza kula mtswerero wa dzuwa kuno anakakama.

Hosea 5:14

Mana nindakala dza simba kpwa atu a Efuraimu na dza mwana simba kpwa atu a Juda. Ndaamwamula-mwamula vipande-vipande mimi mwenye, chisha niuke, nindaaguruta niphiye nao na taphana ndiyeweza kuativya.

Amosi 3:12

Mwenyezi Mlungu anaamba, “Aiziraeli achache asagalao mudzi wa Samariya andatiya na kutsola-tsola vipande vya makochi na magunguhi ga vitanda bahi. Indakala dza wakati ambao mrisa andatsola marondo mairi au chipande cha sikiro ra ngʼondzi chiroriwa ni simba.”

Amosi 3:4

Dze, simba anaweza kunguruma tsakani, wakati kana nyama? Dze, simba mdide anaweza kurira phakpwe asagalapho, ichikala kagbwirire chitu?

Amosi 3:8

Simba achinguruma, ni ani asiyeogopha? Mwenyezi Mlungu akaamba, ni ani ambaye kandatabiri?

Nahumu 2:11

Ga kuphi go makalo ga simba, phatu pha simba adide, ambapho simba mlume na simba mchetu nkuphiya, ambapho ana aho nkukala, bila kuyugbwa ni yeyesi?

Zefania 1:18

Siku iyo ya tsukizi za Mwenyezi Mlungu, feza na zahabu zao tazindaweza kuaokola. Tsi yosi indaochwa na moho wa wivuwe. Osi asagalao mumo andaangamizwa gafula.

Zefania 2:5

Shaka hiro mwi atu kula Kerethi msagalao pwani kulunga-lunga bahari. Neno ra Mwenyezi Mlungu ri chinyumecho uwe Kanani, yani tsi ya Afilisti. Ndakuangamiza na taphana hata mutu ndiyesala kpwenye tsiiyo.

Zefania 3:6

Mwenyezi Mlungu anaamba, “Nkaangamiza mataifa na minara yao iriyo kpwenye pembe za ngome ikakala magandzo. Barabara zao názibananga, na njira zao tazitsupirwa ni mutu. Midzi yao ikakala magandzo, na taisagalwa ni mutu.

Zakariya 11:3

Phundzani cho chiriro cha arisa a atu mana marisa gao manono gakabanangbwa! Phundzani vyo simba angurumavyo, mana vitsaka virivyo kanda-kanda ya muho Joridani vikabanangbwa!

Aamuli 14:5

Phahi Samsoni watserera hadi Timuna phamwenga na Ise na nine. Ariphofika minda ya mizabibu ya mudzi wa Timuna, gafula Samsoni washambuliwa ni simba mdide.