Jeremia 18:18 - Digo Bible

¹⁸ Chisha nyo atu achiamba, “Ndzoni humpangire njama Jeremia, mana go mafundzo ga shariya kula kpwa alavyadzi-sadaka tagandaangamika, wala ushauri wa atu a ikima, wala neno ra Mlungu kutsupira manabii. Ndzoni hugombe vii kumuhusu na husigatiye manani gosi agombago.”

Jeremia 18:18 Iomraidhean Croise

2 Samueli 15:31

Daudi achiambirwa kukala, “Ahithofeli ni mmwenga wa hinyo ariokuricha achigbwirana na Abusalomu.” Ndipho Daudi achiamba, “Ee Mwenyezi Mlungu, nakuvoya, urigaluze shauri ra Ahithofeli rikale ovyo.”

2 Samueli 17:14

Naye Abusalomu na atu osi a Iziraeli achiamba, “Ushauri wa Hushai ni mnono kuriko ushauri wa Ahithofeli.” Kpwa mana Mwenyezi Mlungu kala wakusudiya kurivundza shauri nono ra Ahithofeli ili amrehere Abusalomu mashaka.

1 Afalume 22:24

Zedekiya mwana wa Kenaana wamsengerera Mikaya, achimuwanga kofi ra ndzeya na achimuamba, “Ye Roho wa Mwenyezi Mlungu akatulukadze kpwangu ili edze agombe na uwe?”

2 Nyakati 24:21

Phahi hinyo atu ampangira njama na kpwa amuri ya mfalume achimpiga mawe hadi achimuolaga muhalani pha nyumba ya Mwenyezi Mlungu.

Ayubu 5:13

Iye nkugbwira enye ikima kahi ya ulachu wao, na mipango ya enye ikima nkubanangbwa upesi.

Zaburi 21:11

Dzagbwe nkukupangira mai, taandafwaulu.

Zaburi 52:2

Mutsi wosi unapanga mai lilimiro rikakala dza wembe mkali u mjuzi wa kuchenga!

Zaburi 57:4

Nkazungulukpwa ni simba aroho, a kurya atu, meno gao avi ni mikuki na mivi, ndimi zao avi ni panga kali.

Zaburi 64:3

Atu aha ananola ndimi zao dza panga na kutuluza maneno genye sumu dza mivi.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Isaya 32:7

Njira za mutu wa handzo ni mbii. Anapanga hila, ili aangamize achiya na agayi, kpwa kulavya ushaidi wa handzo hata napho enye analalamikira haki.

Jeremia 1:19

Andapigana nawe ela taandakuturya tse, mana ni phamwenga nawe ili nikuokole. Mimi Mwenyezi Mlungu nkaamba.”

Jeremia 11:19

Nami nchikala dza mwana ngʼondzi mpole anayephirikpwa chitsindzironi. Simanyire kukala kala akapanga njama chinyume changu achiamba, “Nahuolage nyo muhi na matundage, nahumuuse kpwenye tsi ya ario moyo, ili dzinare risitambukirwe tsona.”

Jeremia 18:11

Chisha aambire atu a Juda na nyo asagalao Jerusalemu kukala Mwenyezi Mlungu anaamba hivi, “Lola, ninaapangira uyi. Chila mmwenga naariche njiraze mbii, agaluze mahendoge na masagazige.”

Jeremia 18:19

Niphundza ee Mwenyezi Mlungu, phundza nyo ashitaki angu agombavyo!

Jeremia 2:8

Alavyadzi-sadaka tauzire, ‘Akuphi ye Mwenyezi Mlungu?’ Ario manyirira shariya taanimanyire tse, na vilongozi aniasi. Manabii alavya unabii kpwa dzina ra Baali na kulunga vitu visivyo na mana.

Jeremia 20:10

Násikira anji achigomba pokopoko kunihusu, nao ananiogofyera chila uphande, aho anaamba “Mshitakini, nahumshitaki!” Asena angu a kurya na kuusa, ananiazira mai. Aho anaamba, “Mendzerepho andachengeka, ndipho humturye na hudziriphize.”

Jeremia 26:11

Phahi alavyadzi-sadaka na manabii aambira nyo maofisaa na atu osi, “Mutu yuyu anafwaha kuhukumiwa chifo, kpwa kukala akatabiri kuhusu mudzi uhu dza mchivyosikira enye.”

Jeremia 37:13

Ela ariphofika Ryango ra Benjamini, mkpwulu wa arindzi aihwaye Irija mwana wa Shelemia, mdzukulu wa Hanania, achimgbwira nabii Jeremia achimuamba, “Uwe unachimbira ukadziunge na Akalidayo!”

Jeremia 43:2

Azaria mwana wa Hoshaya na Johanani mwana wa Karea na atu osi ajeuri achimuamba Jeremia, “Uwe unahuchenga. Mwenyezi Mlungu, Mlungu wehu kakakuhuma uambe, ‘Musiphiye Misiri mchasagala kuko,’

Jeremia 44:16

“Swiswi tahundaphundza nyo ujumbeo ambao unaamba wahumwa ni Mwenyezi Mlungu.

Jeremia 44:17

Ela hundahenda hurichoapa kuchihenda. Hundamfukizira uvumba mlungu aihwaye Malikiya wa mlunguni na kummwagira sadaka za vinwadzi dza vyo hurivyokala huchihenda swiswi na akare ehu, afalume ehu na vilongozi ehu arivyohenda hiko midzi ya Juda na kpwenye barabara za Jerusalemu. Wakati hinyo kala huna chakurya cha kutosha, tahutsowere chitu na tahuphahirwe ni utu wowosi uyi.

Jeremia 8:8

Mnawezadze kuamba, “Huna marifwa na shariya za Mwenyezi Mlungu hunazo”? Ela lolani, aandishi akazigaluza akazihenda kukala za handzo.

Sonono za Jeremia 3:62

Maadui gangu ganagomba pokopoko wakati ananipangira mai chinyume changu mutsi wosi.

Ezekieli 7:26

Kundahendeka mafwa bada ya mafwa na uvumi undakala wa kpwenderera. Andaendza ruwiya kula kpwa nabii na taandaphaha; mafundzo ga shariya galaviwago ni mlavyadzi-sadaka na ushauri wa atumia undaangamika.

Alawi 10:11

Mundaafundza Aiziraeli malagizo gosi ambago Mwenyezi Mlungu wakuambirani kutsupira Musa.”

Mika 3:6

Kpwa hivyo mundakala na usiku usio na ruwiya mwedzerwe na jiza msiweze kutabiri. Dzuwa rindakutswererani nyo manabii na mutsi undakala jiza kpwao.

Mika 3:7

Aonadzi andagbwirwa ni haya, na apigi a mburuga agbwirwe ni haya, osi andafunga kanwa zao mana taphana jibu kula kpwa Mwenyezi Mlungu.”

Malaki 2:7

Mana alavyadzi-sadaka analondwa atundzeto marifwa na atu analondwa aphiye kpwao akafundzwe shariya mana alavyadzi-sadaka ni ahumwa a Mwenyezi Mlungu, Mlungu wa majeshi.

Luka 11:45

Alafu mwalimu mmwenga wa Shariya wamuamba Jesu, “Mwalimu, uchiamba hivyo, unahuinjirira hata swiswi alimu a Shariya piya.”

Johana 9:40

Mafarisayo anjina ariokala phephi na Jesu amsikira anagomba hivyo, achimuuza, “Yani hata swiswi naswi hu vipofu?”