Jeremia 18:13 - Digo Bible

¹³ Phahi mimi Mwenyezi Mlungu naamba hivi, “Uzani kula nyo atu a mataifa, ni ani achiyesikira mambo higa? Ye mwanamwali Iziraeli akahenda utu uyi sana.

Jeremia 18:13 Iomraidhean Croise

Isaya 36:22

Phahi, Eliakimu mwana wa Hilikiya ariyekala muimirizi wa nyumba ya mfalume, na Shebuna yekala muandishi wa mfalume na Joa mwana wa Asafu, muiki wa kumbukumbu, aphiya kpwa Hezekiya kuno akakpwanyula nguwo zao, achimsemurira maneno ga yuya mkulu wa jeshi.

Isaya 66:8

Ni ani ariyesikira utu dza huno? Ni ani ariyeona mambo dza gano? Dze, tsi inaweza kuvyalwa kpwa siku mwenga? Au taifa kuvyalwa gafula? Ela Sayuni iriphogbwirwa ni utsungu tu, yavyala anae mara mwenga.

Jeremia 14:17

Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.

Jeremia 18:14

Dze, yo barafu ya Lebanoni nkusira ko myambani? Dze, yo myuho ya madzi ga kuzizima ijerayo kula dzulu nkuuma?

Jeremia 23:14

Ela kahi ya nyo manabii a Jerusalemu nkaona utu wa kutsukiza aho nkuzinga na kulunga njira za handzo; nkuungana mikono na ahendao mai, hata phasikale na mutu wa kurichana na kuhenda mai. Kpwangu osi ni dza atu a Sodoma, na atu a Jerusalemu ni ayi dza atu a Gomora.”

Jeremia 31:4

Nindakudzenga tsona uwe Iziraeli, nawe undakalato, uwe mwanamwali Iziraeli! Undahala tamburini uphiye ukavwine na atu ario na raha.

Jeremia 5:30

Utu wa kuangalaza na wa kuogofya ukahendeka kpwenye tsi ihi:

Sonono za Jeremia 1:15

Mwenyezi Mlungu waarema masujaa osi ariokala kahi yangu, waiha mkpwutano chinyume changu ili aapige ahana angu. Mwenyezi Mlungu akamvyoga-vyoga ye mwanamwali, mwana mchetu wa Juda, dza zabibu zivyogbwavyo.

Hosea 6:10

Nikaona utu uyi sana kahi ya atu a Iziraeli. Atu a Efuraimu anahenda umalaya, Aiziraeli akadzitiya najisi.

Amosi 5:1

Mwi atu a Iziraeli, phundzani huno wira wa sonono nilondao kuimba kukuhusuni.

Amosi 5:2

Mwanamwali Iziraeli akagbwa, na kandaunuka tsona. Akarichwa macheye kpwenye tsiiye, taphana mutu wa kumuunula.

1 Akorintho 5:1

Kpwa kpweli náambirwa kukala kuna atu adiya kahi yenu. Tsona udiya uhu ni wa kpwaangalaza sana. Unatsapa hata wa atu asiomkuluphira Mlungu, mana myawenu mmwenga anazinga na mkpwaza ise!

1 Samueli 4:7

Afilisti aogopha, na achiiamba, “Hundamenyaphi swino! Milungu ikainjira kambini, dzambo dza hiri tahudzangbweriona.