Jeremia 17:6 - Digo Bible

⁶ Iye andakala dza chidzihi ko jangbwani, iye kandaongokerwa bii. Mutu iye andaishi phatu pha litsapi ko weruni, kpwenye tsi ya munyu isiyosagala atu.

Jeremia 17:6 Iomraidhean Croise

2 Afalume 7:2

Jemedari mrindzi wa mfalume wamuambira Elisha, “Hata kama Mwenyezi Mlungu mwenye angehenda madirisha mlunguni, dzambo hiri ringewezekana?” Elisha wamjibu achiamba, “Undaona na matsogo mwenye, ela kundavirya.”

Ayubu 20:17

Iye kandaishi kufwahirwa ni vidzuho, myuho ichiyoodzala asali na maziya.

Ayubu 39:6

Námupha jangbwa rikale kayaye, na tsi ya munyu ikale makaloge.

Zaburi 1:4

Ela atu ayi taahivyo, aho ni dza wiswa uphepheruswao ni phepho.

Zaburi 107:34

nkuhenda tsi yenye rutuba ikakala litsapi kpwa sababu ya uyi wa atu anaosagala mumo.

Zaburi 92:7

Dzagbwe atu ayi anakula dza nyasi nao ahendao mai achioongokerwa, mwisho wao ni kuangamika hata kare na kare.

Isaya 1:30

Mana mundakala dza muhi wa mwaloni ukutao makodza, na dza munda usio na madzi.

Jeremia 29:32

phahi mimi Mwenyezi Mlungu ndamtiya adabu Shemaya phamwenga na chivyaziche, na taphana hata mutu mmwenga ndiyetiya na aone manono ambago ndagahendera atu angu, mana akaahenda atu angu aniasi. Mimi Mwenyezi Mlungu nkaamba.”

Jeremia 48:6

Chimbirani! Tivyani maisha genu! Kalani dza punda wa tsakani!

Ezekieli 47:11

Ela madzi ga madimbwini tagandakala pepho, gandarichwa gakale ga munyu.

Zefania 2:9

Kpwa hivyo, mimi Mwenyezi Mlungu, Mlungu wa majeshi naamba, kpwa kpweli dza niishivyo, mimi Mlungu wa Iziraeli, naapa kukala Moabu indakala dza Sodoma na Amoni indakala dza Gomora. Tsi hizo zindamera mihi ya miya na madibwa ga munyu, na zindakala tuphu hata kare na kare. Atu angu ndiosala andaziteka tsi zao, atu a taifa rangu ndiosala andazihala zikale urisi wao.”

Kumbukumbu 29:23

tsi yosi ikakala litsapi ikabwiningizwa ni mawe ga moho wa chibiriti na munyu; takuna ndichophandwa hata nyasi tazindamera kuko. Tsi ikakala dza midzi ya Sodoma na Gomora, Adima na Seboimu ambazo Mwenyezi Mlungu waziangamiza wakati kala akatsukirwa sana.

Aamuli 9:45

Siku ndzima Abimeleki wapigana na atu a nyo mudzi hadi mudzi achiuhala, na atue osi ariokala himo achiaolaga, mudzi achiubomola na achiumwagira-mwagira munyu.