Jeremia 17:27 - Digo Bible

²⁷ Ela ichikala tamundaniphundza na kuihenda Siku ya Kuoya kukala takatifu kpwa kusatsukula mizigo muinjirapho maryango ga Jerusalemu, phahi ndaasa moho usiozimika ndioocha maryango ga Jerusalemu na madzumba ga mudzi wa chifalume.” ’ ”

Jeremia 17:27 Iomraidhean Croise

2 Afalume 22:17

Kpwa kukala akaniricha na akafukizira milungu yanjina uvumba ili atu anitsukize na kazi zosi azihendazo, phahi, tsukizi zangu zindaaka chinyume cha phatu phapha na tazindaweza kuhurizwa.

2 Afalume 25:9

Watiya moho nyumba ya Mwenyezi Mlungu, dzumba ra mfalume, nyumba zosi za Jerusalemu na chila nyumba ya mkpwulu.

2 Nyakati 36:19

Chisha Nyumba ya kuvoya Mlungu yaochwa ni majeshi ga Nebukadineza na ukuta wa Jerusalemu uchibomolwa na madzumbage ga chifalume na miyo ya samani yosi ichibanangbwa.

Zaburi 122:7

Namukale na amani ndani ya kutazo, na usalama ndani ya madzumbago.”

Isaya 1:20

Ela mchirema na mchiniasi maadui genu gandakuturyani mufwe vihani.” Mana Mimi Mwenyezi Mlungu nkaamba.

Isaya 1:31

Ariye na mkpwotse andakala kana pephe dza mabuwa, na kaziye indakala dza tsetse ya moho, osi andaphya phamwenga, wala taphandakala na wa kuzimya moho hinyo.

Jeremia 17:24

“ ‘Mwenyezi Mlungu anaamba, “Mchiniphundza na kusareha mizigo kutsupira maryango ga mudzi Siku ya Kuoya, ela kuihenda Siku ya Kuoya ikale takatifu na msihende kazi siku hiyo,

Jeremia 17:4

Indabidi muiangamize yo tsi niriyokuphani dza urisi wenu. Nami ndakuhendani muahumikire maadui genu kpwenye tsi msiyoimanya, mana mkalamusa tsukizi zangu ambazo zindaaka dza moho hata kare na kare.”

Jeremia 18:1

Riri ndiro neno ambaro Mwenyezi Mlungu wamuambira Jeremia,

Jeremia 21:12

mwi atu a nyumba ya Daudi! Mwenyezi Mlungu anaamba hivi: Lavyani uamuli wa haki ligundzu, okolani iye achiyefutwa kpwa nguvu, kula mikononi mwa iye amuoneraye. Bila ya hivyo tsukizi zangu zindatuluka dza moho ambao tauweza kuzimwa, kpwa sababu ya mahendo genu mai.’

Jeremia 21:14

Mwenyezi Mlungu anaamba, Nindakutiyani adabu kulengana na mahendo genu, ndatiya moho ko tsakani nao undaocha chila chitu chiricho kanda-kandaye.”

Jeremia 22:5

Ela msiphosikira maneno gaga, mimi Mwenyezi Mlungu naapa kpwa dzina rangu kukala nyumba ihi indakala gandzo.’

Jeremia 32:29

Nyo Akalidayo aupigao viha nyo mudzi andakpwedza autiye moho phamwenga na nyumba za atu ariofukizira uvumba vizuka vya Baali darini mwa nyumba zao na kulavira milungu yanjina sadaka za vinwadzi, ili anitsukize.

Jeremia 39:8

Nyo Akalidayo aocha dzumba ra mfalume na zo nyumba za atu na achibomola ukuta wa Jerusalemu.

Jeremia 44:16

“Swiswi tahundaphundza nyo ujumbeo ambao unaamba wahumwa ni Mwenyezi Mlungu.

Jeremia 49:27

Kuta za mudzi wa Damasikasi ndazitiya moho, nao undaocha madzumba ga chifalume ga Beni-Hadadi.”

Jeremia 52:13

Watiya moho nyumba ya Mwenyezi Mlungu, dzumba ra mfalume na nyumba zosi za Jerusalemu. Nyumba zosi za akulu wazitiya moho.

Jeremia 6:17

Mimi nakuikirani arindzi, nchiamba, ‘Phundzani yo sauti ya gunda!’ Ela nyo achiamba, ‘Swino tahundaphundza.’

Jeremia 7:20

“Kpwa hivyo Mwenyezi Mlungu anaamba, ‘Kureya kpwangu na tsukizi zangu zindamwagbwa phatu phapha, dzulu ya atu na nyama, dzulu ya mihi ya mindani na matunda ga weruni. Gandaaka na moho nao taundazimwa tse.’ ”

Sonono za Jeremia 2:6

Nyumbaye ya kuvoya akaibomola dza chibanda cha mundani, pho phatuphe pha kuusira sikukuuze zirizoikpwa akaphahenda gandzo. Mwenyezi Mlungu akahenda Sayuni iyale sikukuuze na Sikuze za Kuoya, na kpwa tsukizize kali akamrema mfalume na mlavyadzi-sadaka.

Sonono za Jeremia 4:11

Mwenyezi Mlungu wadigirika, bada ya kumwaga tsukizize kali. Iye waasa moho mo Sayuni, urioocha yo misingiye.

Ezekieli 16:41

Aho andaocha nyumbazo na akutiye adabu mbere za achetu anji. Nindakuhenda uriche kukala malaya na nkuhende uriche kuhonga azembeo.

Ezekieli 21:15

Phahi atu andavundzika mioyo na anji afwe. Nindaika upanga kahi za maryango gao gosi. Uho wahendwa umeke-meke dza limeme, walaviwa uolage.

Ezekieli 21:3

Uiambire, ‘Mwenyezi Mlungu anaamba hivi: Mimi ni chinyume na uwe Iziraeli. Nindatuluza upanga wangu chowani niolage atuo a haki na atu ayi.

Ezekieli 22:8

Mukabera vitu vyangu vitakatifu na mkaharira siku zangu za kuoya zikale za kawaida.

Ezekieli 23:38

Kanda na higo, anihendera higa: Anajisi phatu phangu phatakatifu na taayaishimu siku zangu za kuoya.

Hosea 8:14

Aiziraeli akayala muumba wao na kudzenga madzumba ga chifalume. Atu a Juda adzenga midzi minji yenye ngome. Ela yo midzi yao ndaitiya moho, nao undaocha ngome zao tsetsetse.

Amosi 1:10

Kpwa hivyo, ukuta wa Tiro ndautiya moho, nao undaocha ngomeze.”

Amosi 1:12

Kpwa hivyo, mudzi wa Temani ndautiya moho, nao undaocha ngome za Bosira.”

Amosi 1:14

Kpwa hivyo, ukuta wa Raba nindautiya moho, nao undaocha ngomeze, na siku iyo kundakala na kululu za viha, navyo viha vindavuma dza phuto.

Amosi 1:4

Kpwa hivyo, dzumba ririrodzengbwa ni mfalume Hazaeli nindaritiya moho, nao undaocha ngome za mfalume Beni-Hadadi.

Amosi 1:7

Kpwa hivyo ndautiya moho ukuta wa Gaza, nao undaocha ngomeze.

Amosi 2:2

Kpwa hivyo, tsi ya Moabu ndaitiya moho, nao undaocha ngome za Keriothi. Na Amoabu andafwa kahi za kululu za viha, chiriro, na kululu za gunda.

Kumbukumbu 32:22

Mana tsukizi zangu zikavuvurira moho, moho unaaka hadi tsini ya arizi, Undaocha dunia na vinavyovyalwa ndaniye, Undaitiya moho misingi ya myango.

Aeburania 12:25

Hakikishani munamphundza ye agombaye, mana akare enu arema kumphundza Musa ariyeaonya hipha duniani, nao achitiywa adabu kali. Naswi hakika hundatiywa adabu kali sana huchirema kumuogopha ye ahugombekezaye kula mlunguni.