Jeremia 17:14 - Digo Bible

¹⁴ Niphoza, ee Mwenyezi Mlungu, nami nindaphola; Nitivya, nami nindaokoka, mana uwe ndiwe ninayekutogola.

Jeremia 17:14 Iomraidhean Croise

Zaburi 106:47

Hutivye, ee Mwenyezi Mlungu, Mlungu wehu, hukusanye kula kahi ya mataifa ili hushukuru dzinaro takatifu na kudzikarya kpwa ngumazo.

Zaburi 109:1

Usinyamale, ee Mlungu nkutogolaye,

Zaburi 119:94

Mino ni wako, nitivya, mana nkahenda chadi kulunga malagizogo.

Zaburi 12:4

Mana nyo nkuamba, “Swino huchigomba hunaphaha hulondaro, hundagomba hulondaro na taphana ndiye huturya.”

Zaburi 148:14

Akaapha atue nguvu, atogolwe ni atue osi, Aiziraeli, atu ario vipendzivye. Haleluya. Naatogolwe Mwenyezi Mlungu!

Zaburi 54:1

Nitivya kpwa dzinaro, ee Mlungu, amula kukala sina makosa kpwa nguvuzo.

Zaburi 6:2

Nionera mbazi ee Mwenyezi Mlungu kpwa sababu ni mnyonje. Niphoza, mana mifupha yangu inaluma.

Zaburi 6:3

Nayugika sana mwangu moyoni. Ee Mwenyezi Mlungu, usikae kuniphoza!

Zaburi 6:4

Galuka unitivye; ee Mwenyezi Mlungu, unikombole kpwa ajili ya mendzwayo.

Zaburi 60:5

Niterya kpwa mkpwonoo wa kulume, hutivye, ili atuo uamendzao aweze kutivywa.

Isaya 6:10

Henda mioyo ya atu hano ikale mifu, masikiro gao gakale masito, funga matso gao, sedze akaona na matso gao, akasikira na masikiro gao akaelewa na mioyo yao, akagaluka akaphozwa.”

Jeremia 15:20

Nami ndakuhenda ukale imara dza ukuta wa shaba kpwa atu aha; andapigana nawe, ela taandakuturya mana ni phamwenga nawe nikuokole na kukukombola, mimi Mwenyezi Mlungu nkaamba.

Jeremia 3:23

Kpwa kpweli hukachengeka sana kuabudu hiko myangoni. Kpwa kpweli wokofu wa Iziraeli ula kpwa Mwenyezi Mlungu, Mlungu wehu.’

Jeremia 30:17

Mana ndakuhenda ukale mzima tsona na ndaphoza virondavyo, mimi Mwenyezi Mlungu nkaamba. Mana akakuiha chijego: ‘Sayuni, mudzi usio na aroromi!’ ”

Jeremia 31:18

Nkasikira Efuraimu anaula kuno anaamba, “Ukanitiya adabu dza mwana ndzau ambaye kadzangbwefundzwa kurima; nirekebisha niuye dza vyo kare, mana uwe u Mwenyezi Mlungu, Mlungu wangu.

Jeremia 33:6

Ela ndauphoza na niuhende ukaleto tsona, nindaaphoza atu angu na niahende ahamirwe kpwa kuongokerwa kunji na usalama.

Isabu 12:13

Ndipho Musa achimririra Mwenyezi Mlungu achimuamba, “Ee Mlungu, nakuvoya umuphoze.”

Mathayo 14:30

Ela ariphoona zira tsulu za maimbi, watishirwa na achiandza kuhoha. Phahi wakota kululu achiamba, “Bwana nitivya!”

Mathayo 8:25

Anafundzie akpwendamlamusa, kuno anaamba, “Bwana, hutivye, hunahoha!”

Luka 4:18

“Roho Mtakatifu a phamwenga nami, mana wanitsambula niarehere achiya habari nono. Akanihuma niatangazire afungbwa kuvugulwa kpwao na niatangazire vipofu kala andaona, kuaika huru aonerwao,

Kumbukumbu 10:21

Mtogoleni Iye, mana Iye ndiye Mlungu wenu ambaye akakuhenderani mambo higa makulu na ga kutisha mrigoona na matso genu enye.

Kumbukumbu 32:39

Vivi lolani na mmanye kukala Mimi machiyangu ndimi Mlungu na wala taphana wanjina isiphokala mimi. Mimi nkuolaga na kuika moyo, ninalumiza na kuphoza, na taphana yeyesi awezaye kutivya kula katika mikono yangu.