Jeremia 15:3 - Digo Bible

³ “Mimi Mwenyezi Mlungu naamba, ‘Nindaaphirikira aina ne za abanangi. Ndaaphirikira upanga wa kuaolaga, madiya ambago gandaamwamula, nyama a mapha na nyama a tsakani ndioarya na kuaangamiza.

Jeremia 15:3 Iomraidhean Croise

Zaburi 68:23

Ili magulu genu gaoge milatso ya aviha enu na madiya genu gailambe kumvuna kama mtalo wao.”

Isaya 18:6

Vyosi hivyo vindarichirwa nyama a mapha hiko myangoni na nyama anjina a tsakani. Nyama asiru a mapha andarya wakati wa kazikazi, na minga ya mnyevu, nyama a tsakani andarya.”

Jeremia 12:9

Atu angu akakala dza chinyama cha mapha, chichozungulukpwa na kutsotwa ni makozi pande zosi. Phiya ukakusanye nyama osi a tsakani, arehe edze arye nyama za atu angu.

Jeremia 14:12

Dzagbwe nkufunga, sindasikira chiriro chao, na hata dzagbwe analavya sadaka za kuochwa na za mtsere, mino sindazikubali. Ela nindaangamiza kpwa upanga, ndzala na ukongo mui.”

Jeremia 14:16

Na nyo atu alavirwao unabii andabwagbwa mo barabara za Jerusalemu kpwa sababu ya ndzala na viha. Chisha taphandakala na mutu wa kuazika: nyo enye, achetu ao, ana aho alume na ana aho achetu. Mana ndaahenda ariphe kpwa sababu ya uyi wao.

Jeremia 16:4

Aho andaolagbwa ni makongo mai. Taphana mutu ndiyeasononekera wala kuazika, aho andakala dza mavi pho dzulu ya tsi. Andaolagbwa na upanga na ndzala, na nyufu zao zindakala chakurya cha nyama a mapha na nyama a tsakani.

Jeremia 7:33

Zo nyufu za atu aha zindakala chakurya cha nyama a mapha na nyama a tsakani, napho taphandakala na mutu wa kuashinga.

Sonono za Jeremia 3:11

Iye wanivwamukira ko njirani na achinimwamula vipande-vipande na achiniricha bila msada.

Ezekieli 14:21

“Mana Mwenyezi Mlungu anaamba, ‘Indakaladze ndiphoreha hukumu zangu ne zirizo kali chinyume cha Jerusalemu, yani upanga, ndzala, nyama a tsakani na makongo ndigoolaga atu na nyama ao?

Ezekieli 33:27

Aambire hivi, ‘Mwenyezi Mlungu anaamba hivi: Kpwa kpweli dza niishivyo, aho asagalao magandzoni andaolagbwa na upanga na ario weruni nindaalavya ariwe ni nyama a tsakani na ario ngomeni na mapangoni andaolagbwa ni makongo.

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

Alawi 26:22

Nindareha nyama a tsakani kahi yenu ambao andaolaga ana enu na kurya mifugo yenu na kuphunguza isabu yenu hadi njira zenu zikale wekee bila atu.

Alawi 26:25

Nindakureherani viha ili nkutiyeni adabu kpwa kuvundza chilagane. Mchizorera kpwenye midzi yenu, nindakureherani ukongo mui namwi mundatiywa mikononi mwa maadui genu.

Amosi 5:19

Ni dza mutu achimbiraye simba, akakutana na dubu. Ama mutu ainjiraye nyumbani akajejemeza mkpwonowe ukutani, na akaondzwa ni nyoka.

Kumbukumbu 28:26

Nyufu zenu zindakala chakurya cha nyama a mapha na nyama a tsakani wala takundakala mutu ndiyeatsunga.

Kumbukumbu 32:24

Mundaondezwa ni ndzala, mundaphya na dzoho kali na makongo ga kuolaga. Nindareha nyama a tsakani enye meno makali akushambuliyeni na nyoka zenye sumu ziambalazo vumbini zikungʼateni.

Maono 6:8

Phahi nátsupha matso nchiona farasi wa ivu-ivu. Na hiye yekala anamphirika kala aihwa Chifo, na kuzimu kala inamlunga-lunga phephi nyumaze. Nao kala akahewa uwezo wa kuolaga robo ya atu duniani na viha, ndzala, makongo na nyama a weruni.