Jeremia 15:19 - Digo Bible

¹⁹ Kpwa hivyo Mwenyezi Mlungu anaamba hivi, “Uchiniuyira, ndakuhenda ukale dza pho mwandzo nawe undaima mbere zangu, Ichikala undagomba maneno ga mana, si gasigoriwa ni tsango undakala mtumishi wangu. Aho naakusikize uwe, ela uwe usiasikize.

Jeremia 15:19 Iomraidhean Croise

1 Afalume 17:1

Phahi Elija kula chidzidzi cha Tishibi ko Giliadi wamuambira mfalume Ahabu, “Kama Mwenyezi Mlungu, Mlungu wa Iziraeli aishivyo, Mlungu ambaye namuhumikira, takundakala umande wala mvula miaka hino michache yedzayo hadi ndiphogomba.”

Kutsama 4:12

Sambi phiya, nindakuterya kugomba na nindakufundza ndigogomba.”

Misemo 22:29

Udzangbweona fundi mangungu? Hiye andahendera kazi afalume wala kandahendera kazi atu achiya.

Jeremia 1:9

Ndipho Mwenyezi Mlungu achigolosa mkpwono achiniguta mromo chisha achiamba, “Lola, nkatiya maneno gangu mwako kanwani.

Jeremia 15:1

Chisha Mwenyezi Mlungu achiniamba, “Hata Musa na Samueli akaima mbere zangu kuavoyera, nisingehamirwa ni atu ano. Auseni mbere zangu na muariche auke!

Jeremia 20:9

Ela nchiamba, “Sindamuhadza ye Mwenyezi Mlungu, wala kugomba tsona kpwa dzinare,” nenoro nkukala avi ni moho unaoaka mwangu moyoni moho uchiotiywa mwangu mifuphani. Nami najeza kuuzuwiya, ela nashindwa.

Jeremia 35:19

phahi mimi Mwenyezi Mlungu, Mlungu wa majeshi, Mlungu wa Iziraeli naamba kukala Jonadabu mwana mlume wa Rekabu kandakosa mutu wa kunihumikira.”

Jeremia 4:1

Mwenyezi Mlungu anaamba, “Kala nkuuya mwi Iziraeli, niuyirani Mchiusa milungu yenu ya kutsukiza mbere zangu, na kuyeya.

Jeremia 6:29

Tanu inaaka moho mkali, na vyuma vya risasi taviyayuka vikasira, sawa na atu ayi taauswa.

Sonono za Jeremia 1:11

Atue osi anaula kuno anaendza utu wa kurya, anakakana vitu vyao vya samani na chakurya ili auyize mikotse yao. “Nilola, Mwenyezi Mlungu, mana ninaberwa.”

Ezekieli 2:7

Ni uaambire maneno gangu ikale andasikira au taandasikira mana ni aasi.

Ezekieli 22:26

Alavyadzie-sadaka akavundza shariya yangu na akavitiya najisi vitu vyangu vitakatifu. Taatafwautisha vitu najisi na vitu viswafi, na akaninajisi kahi yao kpwa kusagbwira siku zangu za kuoya.

Ezekieli 44:23

Andaafundza atu angu kumanya tafwauti ya vitu vitakatifu na vitu vya kawaida na kuaonyesa kutafwautisha vitu najisi na virivyo swafi.

Alawi 10:10

Mnalondwa kuika tafwauti kahi ya mambo matakatifu na mambo ga kawaida, kahi ya mambo garigo najisi na sigokala najisi.

Alawi 14:57

kpwa kuonyesa ni chitu chani chinachokala najisi na chisichokala najisi. Higo ndigo malagizo kuhusu ukongo wa kuambukiza.

Jona 3:2

“Uka uphiye hadi mudzi mkpwulu wa Ninawi ukaambire garatu maneno nrigokuambira.”

Zakariya 3:7

“Mwenyezi Mlungu, Mlungu wa majeshi anaamba, ‘Ichikala undalunga njira zangu na kugbwira malagizo gangu, undatawala nyumba yangu na uimirire mihala yangu, nami nindakuruhusu uime phamwenga na nyo aimireo mbere zangu.

Luka 1:19

Malaika achimuamba, “Mimi ni Gaburaeli, niimaye mbere za Mlungu kumuhumikira, na nkahumwa nedze nikuambire higa mambo manono.

Luka 10:16

Jesu waambira afuasie, “Mutu ndiyekuphundzani ananiphundza mimi, na ndiyekukahalani ananikahala mimi; na ndiyenikahala mimi anamkahala hiye ariyenihuma.”

Luka 12:12

kpwa mana phapho hipho Roho Mtakatifu andakufundzani maneno ambago ni mugombe.”

Luka 21:15

kpwa mana nindakuphani maneno ga marifwa, ambago maadui genu gosi tagandaweza kugarema wala kugapinga.

Luka 21:36

Kpwa hivyo Kalani matso wakati wosi, na mvoye ili mphahe nguvu za kugatsupira mambo gago ndigohendeka, tsona muweze kuima mbere za ye Mutu Yela Mlunguni.”

Mahendo 20:27

Mana nákutangazirani mambo gosi ambago Mlungu wapanga kuhenda.

2 Akorintho 5:16

Phahi hangu sambi tahupima mutu kama vira atu a dunia ahendavyo. Hata dzagbwe swiswi piya hipho mwandzo hwampima Jesu dza atu a dunia amuonavyo, ela sambi tahumpima hivyo tsona.

Agalatia 1:10

Dze, gano nchigogomba ganaonyesa kala nalonda anadamu animendze? Hata chidide! Namendza Mlungu ahamirwe zaidi kuriko anadamu. Kala ncherelonda kufurahisha anadamu, phahi singekala mtumishi wa Jesu.

Agalatia 2:5

Naswi tahuyakubaliana nao hata chidide, ili mʼbaki na ukpweli wa habari nono kuhusu Jesu bila kugaluzwa.

Aeburania 5:14

Ela atu avyere nkurya chakurya chigumu, na kpwa njira hino nkudzifundza sana kutafwautisha manono na mai.

Juda 1:24

Naatogolwe iye awezaye kukurindani sedze mukagbwa chiroho ili akureheni mbereze hiko mlunguni. Phapho mbere za Mwenyezi Mlungu mundakala na raha mana mundakala tamuna dowa wala makosa.