Jeremia 15:15 - Digo Bible

¹⁵ Ee, Mwenyezi Mlungu, unamanya chila chitu, nitambukira na wedze uniterye na uniriphizire nyo maadui gangu. Uwe unavumirira, usiniriche nikaangamika, manya kukala ninalaphizwa kpwa ajiliyo.

Jeremia 15:15 Iomraidhean Croise

Nehemia 13:22

Nchilagiza Alawi adzitakase, edze arinde go maryango ili aihende Siku ya Kuoya isitiywe najisi. Nitambukira kpwa gaga nago ee Mlungu wangu, kulengana na ukulu wa mendzwayo isiyosika.

Nehemia 13:31

Piya nahakikisha kukala kuni za phatu pha kuochera sadaka na malimbuko ga mavuno garehwe kpwa wakati uriopangbwa. Nitambukira kpwa manono nirigohenda ee Mlungu wangu.

Nehemia 5:19

Nitambukira kpwa manono ee Mlungu wangu, kpwa gosi nrigoahendera atu hinya.

Nehemia 6:14

Návoya nchiamba, “Ee Mlungu wangu, tambukira nrigohenderwa ni Tobia na Sanibalati, piya utambukire Noadia nabii wa chichetu na manabii anjina ariolonda kunitiya wuoga.”

Ayubu 10:7

Uwe unamanya kukala sina lawama, na takuna wa kunitivya kula mwako mkpwononi?

Zaburi 102:24

Kpwa hivyo naamba, “Uwe Mlungu wangu, usinihale sambi kahi-kahi ya maisha gangu, uwe ambaye unaishi hata kare na kare!

Zaburi 106:4

Nitambukira, ee Mwenyezi Mlungu, wakati uonyesapho atuo mbazizo, uniterye wakati unaphoakombola

Zaburi 119:84

Mino mtumishio nigodzere hadi rini, undaatiya adabu rini ano anaonigayisa?

Zaburi 17:3

Uwe ukanedzera usiku, ukanichunguza ukakuta sina uyi wowosi, mana nkaamuwa kusahenda dambi na kanwa yangu.

Zaburi 39:13

Lola kanda ili nkale na raha tsona kabila sidzangbwefwa, nsikaleko tsona.”

Zaburi 44:22

Ela swino hunaolagbwa chila siku kpwa ajiliyo hunahendwa dza mangʼondzi ganagophirikpwa gakatsindzwe.

Isaya 38:3

“Uwe Mwenyezi Mlungu, nakuvoya utambukire vira nrivyokuhumikira kpwa uaminifu, na kpwa moyo wangu wosi, na kuhenda manono mberezo.” Naye Hezekiya achirira sana kpwa utsungu.

Jeremia 12:3

Ela uwe Mwenyezi Mlungu unanimanya unaniona na ukujeza moyo wangu vyo ukumendzavyo. Agurute dza mangʼondzi gaphirikpwago chitsindzironi, na kupangirwa siku ya kutsindzwa.

Jeremia 15:10

Ee maye mino! Baha kala sivyarirwe! Chila mmwenga tsi yosi ananipinga na kuheha nami. Sidzangbweaphaswa ni mutu wala kuaphasa mutu yeyesi ela osi ananilani.

Jeremia 15:20

Nami ndakuhenda ukale imara dza ukuta wa shaba kpwa atu aha; andapigana nawe, ela taandakuturya mana ni phamwenga nawe nikuokole na kukukombola, mimi Mwenyezi Mlungu nkaamba.

Jeremia 17:16

Sidzangbwericha kukala mrisa wala siaza siku ya chifo yedze. Uwe mwenye unamanya nrigogomba na kanwa yangu, nirigogomba ga wazi mberezo.

Jeremia 18:23

Uwe Mwenyezi Mlungu unamanya mipango yao ya kulonda kuniangamiza. Usiaswamehe uyi wao, wala kufuta dambi zao. Naagbwe photsi mberezo, shuulika nao wakati ukatsukirwa.

Jeremia 20:11

Ela uwe Mwenyezi Mlungu u phamwenga nami dza sujaa wa viha. Kpwa hivyo anigayisao andadzikpwala, na taandaweza kuniturya. Andaaibika sana, mana taandafwaulu. Takuna ndiye yala waibu wao.

Jeremia 20:12

Ee Mwenyezi Mlungu, Mlungu wa majeshi, uchunguzaye enye haki, unayeona ulachu wa mutu na mutu aazavyo, nijaliya nione unavyoriphiza maadui gangu, mana chisa changu nikachiika mwako mikononi.

Jeremia 20:8

Mana nigombapho, nkukala narira na kululu kuamba, “Fujo na kuangamizwa!” Mana kutangaza neno ra Mwenyezi Mlungu kukanihenda niolohewe na kuberwa dii yosi.

Sonono za Jeremia 3:64

Ariphe vyo inavyofwaha, ee Mwenyezi Mlungu, kulengana na kazi za mikono yao.

Sonono za Jeremia 3:66

Azorese na tsukizi na uabanange-banange ahende asionekane tsona duniani, ee Mwenyezi Mlungu.

Mathayo 10:22

Atu osi andakuzirani kpwa sababu yangu. Ela ndiyevumirira hadi mwisho andaokolwa.

Mathayo 19:29

Na yeyesi arichaye mudziwe ama ndugu alume na achetu, ise ama nine, anae ama minda, kpwa ajili ya dzina rangu, andaphaha kano gana zaidi, na Mlungu andamupha uzima wa kare na kare.

Luka 21:17

Atu osi andakuzirani kpwa sababu yangu.

Arumi 12:19

Asena angu, msiriphize chisasi, ela mrichireni Mlungu atiye adabu atu anaokukoserani. Mana Mlungu mwenye anaamba mo mwakpwe Maandikoni, “Kuriphiza chisasi nirichirani, mimi ndariphiza.”

Arumi 8:35

Takuna chochosi ndichoweza kuhutenga na mendzwa ya Jesu! Hata ichikala huna mashaka makulu na mateso au hunagaya, Jesu anahumendza. Hata kala hunahirika na ndzala na tahuna nguwo, anaenderera kuhumendza. Ichikala huna hatari kulu au hata huchiolagbwa, Jesu anahumendza vivyo.

2 Akorintho 5:11

Hunamanya kala Mlungu andaamula atu osi, kpwa hivyo hunahenda chadi kuabembeleza atu amkuluphire. Mlungu mwenye anahumanya vinono, na anamanya huhendaro; nami naaza kala mwimwi namwi mnamanya huhendaro.

2 Timothi 4:14

Yuya fundi wa vyuma aihwaye Isikanda, wanihendera vibaya sana. Bwana andamripha kpwa gara arigonihendera.

Maono 18:20

Hererwani mwimwi muishio ko mlunguni, atu a Mlungu, mitume na manabii, mana Mlungu akauamula hinyo mudzi kpwa sababu yenu.

Maono 6:10

Phahi hizo roho zakota kululu zichiamba, “Bwana wa uwezo wosi, uriye wa haki na wa kpweli, mbona unakaa? Undaamula rini atu a dunia na kuariphiza kpwa kuhuolaga?”

Aamuli 16:28

Phahi Samsoni wavoya Mwenyezi Mlungu achiamba, “Mwenyezi Mlungu, nakuvoya unitambukire na unitiye nguvu tsona kano ihi mwenga tu! Ee! Mlungu ili nidziriphize kpwa Afilisti kpwa sababu ya kusokola matso gangu mairi.”