Jeremia 14:2 - Digo Bible

² “Tsi ya Juda ina chiriro na maryangoge gakarejera. Atue anasononeka pho photsi, na chiriro cha Jerusalemu chikafika dzulu.

Jeremia 14:2 Iomraidhean Croise

Ayubu 34:28

Aho ahenda chiriro cha achiya chichimfikira, naye achisikira chiriro cha agayao.

Zaburi 144:14

ngʼombe zehu zitsukule mizigo miziho chiyovunwa. Husivamiywe ni adui na kuvundzirwa kuta zehu, husitsamizwe kpwa lazima wala husikale na chiriro cha sonono!

Kutsama 2:24

Mlungu wasikira kururumika kpwao na achitambukira chilagane arichoika na Burahimu, Isaka na Jakobo.

Isaya 15:5

Moyo wangu unaririra Moabu mana atue anachimbirira Soari na Egilathi-Shelishiya. Anjina anaambuka na barabara iphiyayo Luhithi kuno anarira. Anjina anazorera Horonaimu kuno anarira kululu kusononekera kuangamizwa kpwao.

Isaya 24:11

Atu anarira kpwenye barabara kulu kpwa sababu ya uchi. Takuna raha tsona.

Isaya 24:4

Dunia inarira, atu anafwa purungire, dunia inakosa mkpwotse na akulu a dunia anafwa purungire.

Isaya 24:7

Uchi muphya wa zabibu tauphahikana, mizabibu ikanyala na osi ariokala na raha anarira.

Isaya 3:26

Mudzi wosi undarira na kukala na sonono, Jerusalemu, indasagala photsi dza mchetu, kpwa sababu atue taapho.

Isaya 33:9

Minda taimera chitu mana yauma, mwango Lebanoni ukagbwirwa ni waibu mana mihiye ikanyala. Seemu ya tsi ya kugbwa iriyo na rutuba, yiihwayo Sharoni ikakala jangbwa. Mihi ya tsi ya kugbwa iihwayo Bashani na tsaka ra mwango Karimeli rinakuta makodza.

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Jeremia 11:11

Kpwa hivyo Mwenyezi Mlungu anaamba hivi, ‘Nindaarehera mashaka ambago taandaweza kugaepuka. Dzagbwe andaniririra, mino sindaaphundza.

Jeremia 12:11

Akauhenda litsapi nao unaniririra. Tsi yosi ikahendwa litsapi ela taphana mutu atambukiraye.

Jeremia 12:4

Yo tsi indaenderera kusononeka hadi rini? Na zo nyasi kunyala mindani? Kpwa sababu ya uyi wa nyo asagalao mumo nyama na nyama a mapha akamalwa tse mana aamba, “Mlungu kandagaona go huhendago.”

Jeremia 18:22

Chiriro nachisikirwe mwao madzumbani undiphoarehera avamizi gafula, mana akatsimba dibwa ili nigbwe nao akahega mihego ili nigbwirwe.

Jeremia 4:28

Kpwa sababu ihi dunia indakala na chiriro, na ko dzulu mlunguni kundakala na jiza, mana nkagomba na sindagaluza nia yangu, nikakata shauri na sindagaluza.”

Jeremia 46:12

Mataifa ganjina gakasikira uchivyotiywa waibu, atu osi duniani akasikira chirirocho mana asikari mmwenga andakpwala wanjina, osi andagbwa phamwenga.”

Jeremia 8:21

Nasononeka kpwa kukala atu angu akalumizwa, Moyo wangu unaluma.

Sonono za Jeremia 2:8

Mwenyezi Mlungu wakata shauri kubomola ukuta wa mwana mchetu wa Sayuni. Iye wahumira mkpwowa wa kupimira naye kayausa mkpwonowe wakati anabomola. Wahenda nyo ukuta wa kondze na wa ndani usononeke, zosi mbiri zabomolwa phamwenga.

Sonono za Jeremia 2:9

Maryangoge gakadodomea mtsangani, akabananga na kubomola magbwamage ga kufungira, mfalumewe na akulue anasagala kahi ya mataifa. Alavyadzi-sadaka taafundza tsona shariya, na manabiige tagaona ruwiya tsona kula kpwa Mwenyezi Mlungu.

Sonono za Jeremia 5:10

Miri yehu i moho dza dziko ra kuochera mikahe, chisa ni ndzala.

Hosea 4:3

Kpwa sababu hiyo, yo tsi indauma na osi asagalao mumo anaonda. Nyama a tsakani, nyama a mapha hadi ngʼonda a baharini anafwa.

Joeli 1:10

Minda ikabanangbwa-banangbwa tsi ikarichwa bila ya chitu. Takuna mtsere, uchi wa mizabibu ukauma na mizaituni ikanyala.

Joeli 1:11

Mwi akurima, kuluhukpwani! Mwi mroromao mizabibu kotani kululu mrire sononekani, kpwa ajili ya nganu na shayiri, mana mavuno ko mindani gakabanangbwa-banangbwa.

Joeli 1:14

Tengani muda wa kufunga na kuvoya, tangazani mkpwutano mtakatifu. Kusanyani atumia osi na atu anjina osi anaoishi himu tsi ya Juda edze amririre Mwenyezi Mlungu, kpwenye nyumba ya Mwenyezi Mlungu, Mlungu wenu.

Joeli 2:6

Atu nkugbwirwa ni wuoga aaonapho nao nkukakama.

Hagai 1:11

Nikareha dzuwa riumise tsi na myango ili minda yenu isivyale chochosi na kazi zosi zihendwazo ni anadamu zisikale. Dzuwa hiro rindaocha mimea ya nafaka isivyale nafaka, mizabibu isituluze uchi wenu muphya wa zabibu na mizaituni isituluze mafuha. Dzuwa hiro rindahenda anadamu na nyama agaye.”

Zakariya 7:13

Mwenyezi Mlungu, Mlungu wa majeshi anaamba, ‘Náaiha ela taayaniphundza, phahi ariphoniiha nami siyaaphundza.

1 Samueli 5:12

Hara ambao taayafwa agbwirwa ni maphu na chiriro cha atu a mudzi hinyo chafika mlunguni.

1 Samueli 9:16

“Muhondo, wakati dza uhu, ndakurehera mutu kula tsi ya Benjamini nawe mtiye mafuha ili akale mtawala wa atu angu Aiziraeli. Iye andativya atu angu kula kpwa Afilisti, mana nkaona mateso ga atu angu na chiriro chao chikanifikira.”