Jeremia 13:26 - Digo Bible

²⁶ Mimi mwenye ndimi ndiyekusega nguwoyo na atu andaona waibuo.

Jeremia 13:26 Iomraidhean Croise

Isaya 47:3

Undavulwa nguwo urichwe chitsaha mbere za atu, nawe undatiywa waibu. Ndakuriphiza chisasi na sindamuonera mbazi mutu hata mmwenga.”

Jeremia 13:22

Na mo mwako moyoni uchiamba, “Kpwadze nkafikpwa ni mambo higa?” Mambo gaga gakahendeka kpwa sababu ya uyio ndiyo mana nguwoyo ikasegbwa na kuhendwa vibaya.

Jeremia 49:10

Ela nkaricha atu a chivyazi cha Esau chihuphu, nikafwenula mwatu mwao mwa kudzifwitsa, nao taaweza kudzifwitsa tsona. Aho akaangamizwa phamwenga na ndugu zao na majirani gao tsi yao taindakalako tsona.

Sonono za Jeremia 1:8

Jerusalemu akahenda dambi sana, kpwa hivyo akakala najisi osi ariokala anamuishimu anamʼbera mana akaona chitsahache. Ye mwenye anaula na kufyula usowe kpwa waibu.

Ezekieli 16:37

ndakusanya azembeo ambao mwahamirwa phamwenga, osi urioamendza na osi urioamena. Ndaakusanya chinyumecho kula chila uphande nikuvule nguwo mbere zao aone chitsahacho.

Ezekieli 23:29

Kpwa kukala anakumena andahala chila chitu urichophaha kpwa jashoro nao andakuricha chitsaha, muhuphu na waibu wa udiyao uikpwe wazi, uzembeo na umalayao.

Hosea 2:10

Nindamvula nguwo nimriche chitsaha mbere za azembee na takuna ndiyemuusa kula mwangu mikononi.

Hosea 2:12

Iyo mizabibuye na mitiniye, ambayo mwenye waamba, ‘Ihi ni maripho gangu nrigoriphiwa ni azembe angu,’ ndaibananga. Nindaihenda ikale tsaka, na matundage gariwe ni nyama a tsakani.

Nahumu 3:5

Mwenyezi Mlungu, Mlungu wa majeshi anaamba, “Mimi ni chinyumecho ndafwenula na kuunula nguwozo hata zifwinike usoo, ili atu a mataifa ganjina gosi aone chitsahacho na falume zione waibuo.