Jeremia 12:12 - Digo Bible

¹² Dzulu ya myango ko jangbwani aolagadzi andakpwedza mana upanga wa Mwenyezi Mlungu undaangamiza atu kula mwandzo hadi mwisho wa tsi. Taphana ndiyekala salama.

Jeremia 12:12 Iomraidhean Croise

Isaya 34:6

Upanga wa Mwenyezi Mlungu ukaodzala milatso na marunya. Milatso ya ana ngʼondzi na mbuzi, marunya ga figo za maturume. Mana Mwenyezi Mlungu analavya sadaka hiko Bosira, akatsindza sana katika tsi yosi ya Edomu.

Isaya 57:21

Mlungu wangu anaamba, “Takuna amani kpwa atu ayi.”

Jeremia 15:2

Na ndiphokuuzani kuamba, ‘Swino huphiyephi?’ mundaambira, Mwenyezi Mlungu anaamba hivi, Aho achiopangirwa kufwa, andafwa, na nyo ndioolagbwa na upanga, andaolagbwa na upanga. Na ndioolagbwa ni ndzala, andaolagbwa ni ndzala, na ndiohalwa mateka, andahalwa.

Jeremia 16:5

“Mana Mwenyezi Mlungu anaamba, ‘Usiinjire nyumba za mahanga, ama kpwendasononeka nao ama kuaonyesa mbazi, kpwa kukala nikausa amani yangu, mendzwa yangu isiyosika na mbazi kula kpwa atu aha.

Jeremia 25:11

Tsi ihi yosi indabanangbwa na ikale wekee bila ya atu na mataifa gaga gandahumikira mfalume wa Babeli kpwa muda wa miaka mirongo sabaa.

Jeremia 3:2

Unula usoo ulole mizuka ko myangoni! Kuna phatu ambapho kudzangbwedzinajisi kpwa kuabudu vizuka? Wasagala kanda-kanda za njira kugodzera azembeo dza Mwarabu atangaye-tangaye ko jangbwani. Tsi ukaitiya najisi kpwa umalayao na mahendogo mai.

Jeremia 3:21

Kululu zinasikirika dzulu ya myango, Aiziraeli anarira na kuvoya Mlungu kpwa sababu njira zao zikakala mbii, akamyala Mwenyezi Mlungu, Mlungu wao.

Jeremia 30:5

“Mwenyezi Mlungu anaamba, Hukasikira chiriro cha kubabaisha chiriro cha kuogofya wala si cha amani.

Jeremia 34:17

Kpwa hivyo Mwenyezi Mlungu anaamba, “Mwimwi tamyaniogopha kpwa kutangaza uhuru, chila mmwenga kpwa nduguye na jiraniwe. Lola, nakutangazirani kuolagbwa na upanga, ukongo mui na ndzala, Mwenyezi Mlungu anaamba. Nindakuhendani mkale utu wa kutisha matsoni pha falume zosi duniani.

Jeremia 4:27

Mana Mwenyezi Mlungu anaamba, “Tsi yosi indabanangbwa-banangbwa, dzagbwe sindaibananga kabisa.

Jeremia 46:10

Ela siku iyo ni siku ya Mwenyezi Mlungu, Mlungu wa majeshi ni siku ya kuriphiza chisasi avihae. Upangawe undarya hadi umvune, undanwa mlatso wao hadi ukolwe. Mana ye Mwenyezi Mlungu, Mlungu wa majeshi andalavya sadaka kuko tsi ya vurini kanda-kanda ya muho Yufurati.

Jeremia 47:6

Munarira ‘upanga wa Mwenyezi Mlungu vino undaoya rini? Uya mwako chowani, ukahurire na kunyamala!’

Jeremia 48:2

Tsi ya Moabu taindatogolwa tsona. Ko Heshiboni atu andaipangira njama mbii aambe, ‘Ndzoni hurikomese ro taifa!’ Mwi a koma namwi mundaolagbwa, upanga undakulungani.

Jeremia 8:15

Hwaendza amani, ela tahuyaiphaha, wakati wa kuphozwa, ela chokalapho ni kuogofyerwa.

Sonono za Jeremia 3:17

Moyo wangu ukafutwa amani, nikayala kufwahirwa ni utu wani.

Ezekieli 14:17

Au nchireha upanga chinyume cha yo tsi na kuamba, ‘Upanga, tsupa kahi-kahi ya tsi ihi ikale na viha na kuolaga atu na nyama aho mumo,’

Ezekieli 21:28

“Nawe mwanadamu, lavya unabii uambe, ‘Mwenyezi Mlungu anaamba hivi kuhusu Aamoni na vyo alaphizavyo Aiziraeli, amba: Upanga, upanga watuluzwa chowani kuolaga, ukanolwa ili uangamize, na kumeka dza limeme.

Ezekieli 21:4

Kpwa sababu iyo ndautuluza upanga wangu chinyume cha chila mutu, mwenye haki na mui, kula mwakani hadi vurini.

Ezekieli 21:8

Mwenyezi Mlungu achigomba nami achiamba,

Ezekieli 21:9

“Mwanadamu, lavya unabii uambe, ‘Mwenyezi Mlungu anaamba hivi: Upanga, upanga ukanolwa na kutsuswa piya,

Ezekieli 5:2

Siku za kuzangirwa Jerusalemu zichisira, undaocha seemu mwenga ya tahu ya zo nyere kahi-kahi ya nyo mudzi. Undahala seemu mwenga ya tahu ya zo nyere uzikate na upanga kuzunguluka nyo mudzi, na seemu ya tahu undaitsamula iphepheruswe ni phuto. Mana ndaazoresa kuno nkagbwiririra upanga.

Alawi 26:33

Nindakutsamulani kahi za mataifa na kukureherani viha. Tsi yenu indakala bila chitu na midzi yenu indabanangbwa.

Amosi 9:4

Na hata achitsamizwa kpwa lazima ni maadui gao, kuko ndalagizira upanga, nao undaaolaga. Nami nkapanga kuahendera mai wala si manono.”

Zefania 2:12

Mwenyezi Mlungu anaamba, “Piya mwimwi atu a Kushi mundaolagbwa na upanga wangu.”

Kumbukumbu 32:42

Mivi yangu ndairevya na milatso, upanga wangu undarya nyama, milatso ya ariofwa na nyo ariohalwa zewe kula kpwa maadui sujaa a viha.

Maono 6:4

Phahi phatuluka farasi wanjina ambaye kala a kundu. Na mutu yekala dzuluye anamphirika wahewa upanga mkpwulu na uwezo wa kureha viha duniani, ili atu aolagane.