Jeremia 1:19 - Digo Bible

¹⁹ Andapigana nawe ela taandakuturya tse, mana ni phamwenga nawe ili nikuokole. Mimi Mwenyezi Mlungu nkaamba.”

Jeremia 1:19 Iomraidhean Croise

Zaburi 129:2

“Hangu ni barobaro maadui gangu ganigayisa sana, ela taakaweza kuniturya.

Jeremia 1:18

Rero nkakuhenda ukale mudzi wenye ngome, mnara wa chuma na ukuta wa shaba. Undaweza kuima chinyume cha tsi ndzima, afalume a Juda, maofisaage, alavyadzi-sadaka na atu osi a tsi hiyo.

Jeremia 1:8

Usiaogophe mana ni phamwenga nawe ili nikuokole. Mimi Mwenyezi Mlungu nkaamba.”

Jeremia 11:19

Nami nchikala dza mwana ngʼondzi mpole anayephirikpwa chitsindzironi. Simanyire kukala kala akapanga njama chinyume changu achiamba, “Nahuolage nyo muhi na matundage, nahumuuse kpwenye tsi ya ario moyo, ili dzinare risitambukirwe tsona.”

Jeremia 11:21

Kpwa hivyo Mwenyezi Mlungu, Mlungu wa majeshi anagomba kuhusu atu a Anathothi anaoindza uhaio, aambao, “Usitabiri kpwa dzina ra Mwenyezi Mlungu, au hundakuolaga.”

Jeremia 18:18

Chisha nyo atu achiamba, “Ndzoni humpangire njama Jeremia, mana go mafundzo ga shariya kula kpwa alavyadzi-sadaka tagandaangamika, wala ushauri wa atu a ikima, wala neno ra Mlungu kutsupira manabii. Ndzoni hugombe vii kumuhusu na husigatiye manani gosi agombago.”

Jeremia 2:1

Mwenyezi Mlungu achiniamba,

Jeremia 20:10

Násikira anji achigomba pokopoko kunihusu, nao ananiogofyera chila uphande, aho anaamba “Mshitakini, nahumshitaki!” Asena angu a kurya na kuusa, ananiazira mai. Aho anaamba, “Mendzerepho andachengeka, ndipho humturye na hudziriphize.”

Jeremia 20:11

Ela uwe Mwenyezi Mlungu u phamwenga nami dza sujaa wa viha. Kpwa hivyo anigayisao andadzikpwala, na taandaweza kuniturya. Andaaibika sana, mana taandafwaulu. Takuna ndiye yala waibu wao.

Jeremia 26:8

Bada ya Jeremia kumarigiza kugomba maneno gosi ambago Mwenyezi Mlungu kala akamlagiza aambire atu osi, alavyadzi-sadaka, manabii na atu osi amgbwira achimuamba, “Uwe ni lazima ufwe!

Jeremia 30:11

Mana ni phamwenga nawe ili nikutivye, mimi Mwenyezi Mlungu nkaamba. Go mataifa ganjina gosi ambago kala nkakutsamula ndagaangamiza tsetsetse ela uwe sindakuangamiza. Sindakuricha bila kukutiya adabu, nindakutiya adabu kpwa haki.

Jeremia 39:17

Ela mino ndakuokola siku iyo. Kundatiywa mikononi mwa hinyo atu uaogophao, mimi Mwenyezi Mlungu nkaamba.

Jeremia 42:11

Msimuogophe ye mfalume wa Babeli ambaye hivi sambi munamuogopha, msikale na wasiwasi kumuhusu, mimi Mwenyezi Mlungu nkaamba. Mana ni phamwenga namwi, nami ndakutivyani na kukukombolani kula mwakpwe mikononi.

Jeremia 46:28

Usiogophe, uwe Jakobo mtumishi wangu, mimi Mwenyezi Mlungu nkaamba, mana ni phamwenga nawe. Nindaangamiza mataifa ganjina gosi tsetsetse kosi ambako nakuphirika, ela uwe sindakuangamiza. Ndakutiya adabu chidide tu, sindakuricha bila kukutiya adabu.”

Danieli 3:25

Naye achijibu achiamba, “Vino mbona naona atu a ne ambao taafungirwe ananyendeka kahi-kahi ya nyo moho tsona taaphya. Chisha ye wa ne ni dza mwana wa milungu.”

Isabu 14:9

Ela tu msimuasi Mwenyezi Mlungu, na msiaogophe atu a yo tsi, kpwa kukala aho si chochosi kpwehu, mana urindzi wao ukauswa na Mwenyezi Mlungu a phamwenga naswi. Msiaogophe.”

Mahendo 26:17

Nindakutivya kula kpwa Ayahudi na atu asio kala Ayahudi, na nindakuhuma kpwao

Joshuwa 1:9

Kpwani siyakulagiza? Udine chilume na ukale jasiri, usiogophe, wala usivundzike moyo mana mimi Mwenyezi Mlungu, Mlunguo ni phamwenga nawe phophosi uphiyapho.”