Jakobo 4:10 - Digo Bible

¹⁰ Dzitserezeni mbere za Mlungu naye andakuunulani.

Jakobo 4:10 Iomraidhean Croise

2 Nyakati 7:14

Ichikala atu angu aihwao kpwa dzina rangu andagbwa maguluni anivoye, aniendze na ariche njira zao mbii, phahi mino ndasikira kula hiko mlunguni na ndaaswamehe dambi zao na tsi yao ndaiphoza.

Ayubu 22:29

Mana Mlungu nkuatsereza enye kudzikarya, ela nkutivya anaodzitsereza.

Ayubu 5:11

Iye nkuunula ario anyenyekevu, na aho asononekao nkuongokerwa na akakala salama.

Zaburi 113:7

Iye nkuunula achiya kula vumbini na kukpweza agayi kula dzalani,

Zaburi 147:6

Mwenyezi Mlungu anaaunula anyenyekevu ela atu ayi anaabwaga photsi.

Zaburi 27:6

Kpwa hivyo nindaunulwa dzulu ya maadui gangu ga pande zosi. Nindamlavira Mwenyezi Mlungu sadaka mwakpwe hemani kuno nampigira njerejere. Nindaimba na kumtogola Mwenyezi Mlungu.

Zaburi 28:9

Ativye atuo, ajaliye urisio kala mrisa wao, uarorome hata kare na kare.

Zaburi 30:1

Nindakutogola, ee Mwenyezi Mlungu, mana ukanitivya na kukaricha aviha angu anifyorere.

Kutsama 10:3

Phahi Musa na Aruni aphiya kpwa Farao achendamuamba, “Mwenyezi Mlungu, Mlungu wa Aeburania, anakuamba, ‘Kundagbwa maguluni mbere zangu hadi rini? Ariche atu angu auke ili akaniabudu.

Misemo 29:23

Ngulu za mutu zindamʼbwaga, ela mwenye moyo wa kugbwa maguluni andaishimiwa.

Ezekieli 21:26

Mwenyezi Mlungu anaamba hivi: Usa tadziyo na uvule chirembacho. Mambo tagandasala dza vyo garivyokala, anyenyekevu andaunulwa na adzikaryao andatserezwa.

Mathayo 23:12

Adzikpwezaye andatserezwa, na adzitserezaye andakpwezwa.

Luka 1:52

Waausira ufalume wao afalume akulu-akulu, na achiahenda muhimu anyonje.

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”

Luka 18:14

Alafu Jesu achiaambira, “Nakuambirani kpweli, hiye mtoza kodi waswamehewa dambize na achikubaliwa ni Mlungu. Ela kpwa yuya Mfarisayo taiyakala hivyo. Kpwa mana chila adzikpwezaye andatserezwa, na adzitserezaye andakpwezwa.”

1 Petero 5:6

Kpwa hivyo kalani atu apole anaodzitsereza tsini ya uwezo wa Mlungu naye andakuunulani wakatiwe uchifika.

1 Samueli 2:7

Mwenyezi Mlungu nkuhenda mutu akakala mchiya na piya nkumtajirisha; Nkumtsereza tsini, chisha nkumuunula dzulu.

1 Samueli 2:9

Iye andarinda maisha ga atakatifue; Ela ayi andaangamizwa jizani, Mana takuna mutu ndiyeshinda kpwa mkpwotsewe.