Jakobo 3:5 - Digo Bible

⁵ Lilimi naro dza vivyo, hata dzagbwe ni chitu chidide mwirini, ela rinaweza kudzikarya sana. Hebu lola tsaka kulu sana nkutiywa tsandzala ni tsetse ndide ya moho.

Jakobo 3:5 Iomraidhean Croise

Ayubu 22:17

Amuamba Mlungu, ‘Huukire hipha,’ na ‘Ye Mwenye Nguvu Zosi anaweza kuhuhenderani?’

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Zaburi 17:10

Taanionera mbazi tsona anagomba maneno ga kudzikarya.

Zaburi 39:1

Mimi náamba: “Nindamanyirira njira zangu, sedze nikahenda dambi kpwa maneno nigombago. Sindagomba chitu napho atu ayi a phephi nami.”

Kutsama 15:9

Adui wadzikarya achiamba, ‘Nindaalunga-lunga na nindaagbwira, ndaafuta vitu vyao niviganye zewe na niahende nilondavyo; nindatsomola upanga wangu na mkpwono wangu undaangamiza.’

Kutsama 5:2

Farao achiamba, “Kpwani ye Mwenyezi Mlungu ni ani hata nimusikize na niriche Aiziraeli auke? Ye Mwenyezi Mlungu simmanya, na nyo Aiziraeli sindaaruhusu auke.”

Misemo 12:18

Maneno ga ovyo ganakata dza upanga, ela ariye na achili manenoge ganaphoza.

Misemo 15:2

Mromo wa mutu wa achili nkugoteza marifwa, ela miromo ya azuzu nkueneza ujinga.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Misemo 26:20

Moho uchikosa kuni nkufwa na bila ya fyakatsi kondo nkusira.

Jeremia 18:18

Chisha nyo atu achiamba, “Ndzoni humpangire njama Jeremia, mana go mafundzo ga shariya kula kpwa alavyadzi-sadaka tagandaangamika, wala ushauri wa atu a ikima, wala neno ra Mlungu kutsupira manabii. Ndzoni hugombe vii kumuhusu na husigatiye manani gosi agombago.”

Ezekieli 28:2

“Mwanadamu, muambire mfalume wa Tiro, ‘Mwenyezi Mlungu anaamba hivi: Kpwa kukala una moyo wa kudziunula, nawe ukaamba, “Mimi ni mlungu ninasagarira chihi cha utawala cha milungu, kahi-kahi ya bahari,” ela u mutu tu, ku mlungu, dzagbwe unadzihenda kukala una ikima dza mlungu.

Ezekieli 29:3

Gomba naye uambe, ‘Mwenyezi Mlungu anaamba hivi: Lola mimi ni chinyumecho, uwe Farao, mfalume wa Misiri, uwe dzoka kulu uambalalaye kahi ya vidzuhovyo, unaamba, “Muho Naili ni wangu nadzitengezera mwenye.”

Danieli 3:15

Vivi mndiphosikira sauti za magunda, vivoti, mazeze, vinanda, ngephephe, ndzumari na aina zosi za vifwaya, gbwani na muabudu cho chizuka nrichotengeza namwi mundakala salama. Ela msiphochiabudu, mundatsuphiwa ndani ya chumba cha moho mkali mara mwenga. Vino ni mlungu yuphi awezaye kukuokolani kula mwangu mikononi?”

Danieli 4:30

iye waamba, “Uno si mudzi mkpwulu wa Babeli, ambao naudzenga kpwa nguvu zangu kpwa ajili ya nguma yangu ili ukale makalo gangu ga chifalume?”

Jakobo 3:4

Tsona nauhaleni mfwano wa meli. Vyo irivyo kulu nkugaluzwa ni usukani mdide sana na ikaphiya kura dereva alondako, hata dzagbwe kuna phuto kali.

2 Petero 2:18

Aha nkugomba maneno ga chizuzu na kudzikarya. Kpwa kuhumira tamaa mbii za mwiri anarusa afuasi ambao anaandza kuishi maisha manono chinyume cha hara anaoishi maisha mai.

Juda 1:16

Atu hinya nkunungʼunika siku zosi na kulaumu, na kulunga tamaa zao mbii. Nkugomba maneno manji ga kudzikarya, na kutogola atu anjina sana kpwa fwaida yao enye.