Isaya 8:17 - Digo Bible

¹⁷ Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Isaya 8:17 Iomraidhean Croise

Mwandzo 49:18

“Ee, Mwenyezi Mlungu, nagodza wokofuo.

Ayubu 13:24

Kpwa utu wani unanifwitsira usoo, na kunihenda aduio?

Ayubu 14:14

Dze, mutu achifwa anaweza kuuya moyo tsona? Mutu mimi ningegodzera, siku zosi za utumishi wangu, hata wakati wangu wa kuvugulwa ukafika.

Ayubu 35:14

Andakujibu viphi ichikala unaamba kumuona, na lauro ri mbereze nawe unamgodzera!

Zaburi 130:5

Namgodzera Mwenyezi Mlungu, moyo wangu unagodzera, matumaini gangu ni kpwenye nenore.

Zaburi 27:14

Mkuluphire Mwenyezi Mlungu. Dina chilume, wala usivundzike moyo. Mkuluphire Mwenyezi Mlungu!

Zaburi 33:20

Mioyo yehu inamkuluphira Mwenyezi Mlungu, iye ndiye msada wehu na ngao yehu.

Zaburi 37:34

Mgodze Mwenyezi Mlungu na ugbwire njiraze, naye andakuunula na akuhende umiliki tsi, nawe undashuhudiya atu ayi achiangamizwa.

Zaburi 39:7

Na sambi Mwenyezi Mlungu, ndakuluphira ani mino? Mimi tumaini rangu ni uwe.

Zaburi 40:1

Nágodza Mwenyezi Mlungu aniterye kpwa kuvumirira naye achiniphundza na achisikira chiriro changu.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Isaya 25:9

Siku iyo atu andaamba, “Lola, hiyu ndiye Mlungu wehu. Ndiye huriyemgodza ahuterye. Yuyu ndiye Mwenyezi Mlungu nahupige njerejere na kufwahirwa ni wokofuwe.”

Isaya 26:8

Uwe Mwenyezi Mlungu hunakugodza kahi ya njirazo na uamulio; hamu ya mioyo yehu ni kuritambukira dzinaro na kuritogola.

Isaya 30:18

Mwenyezi Mlungu anagodza kpwa hamu akukubalini na kukuonerani mbazi. Mwenyezi Mlungu ni Mlungu ahendaye haki, iye nkujaliya anaomkuluphira.

Isaya 33:2

Nakuvoya Mwenyezi Mlungu uhuonere mbazi, swiswi hunakukuluphira uwe. Hutiye nguvu chila ligundzu na uhutivye chila wakati wa mashaka.

Isaya 45:15

Kpwa kpweli uwe u Mlungu udzifwitsaye, uwe u Mlungu na muokoli wa Iziraeli.

Isaya 50:10

Ni ani kahi yenu amuogophaye Mwenyezi Mlungu, na kulunga kauli ya mtumishiwe? Ni iye anyendekaye jizani kusiko mwanga, kuno anamkuluphira Mwenyezi Mlungu na kuadamira Mlunguwe.

Isaya 54:8

Kpwa tsukizi nyinji nakufwitsa uso wangu kpwa muda mfupi, ela kpwa mendzwa ya kare na kare, nindakuonera mbazi,” Mwenyezi Mlungu mkombolio aambavyo.

Isaya 57:17

Kpwa sababu ya tamaa zao mbii, nátsukirwa nchiapiga, na kpwa sababu ya tsukizi nchiricha kualola, ela achienderera kuhenda mioyo yao irivyolonda.

Isaya 59:2

Ela makosa genu gakakutengani mwimwi na Mlungu wenu, na dambi zenu zikaufwitsa usowe musiuone, ndiyo mana kakusikirani.

Isaya 64:4

Mana hangu kare, takuna ariyeona Mlungu wanjina isiphokala uwe, uhendaye mambo kpwa sababu ya aratu akugodzerao.

Isaya 64:6

Swiswi hosi hukakala dza mutu mkolo, na mahendo gehu gosi ga haki ni dza mademu machafu. Swiswi hosi hunanyala dza makodza, dambi zehu zinahuphepherusa dza makodza gaphepheruswavyo ni phepho.

Isaya 64:7

Taphana mutu ahadzaye dzinaro wala mwenye chadi cha kukulunga, mana ukafwitsa usoo, na kuhubananga-bananga kpwa sababu ya uyi wehu.

Jeremia 33:5

Akalidayo aredza mpigane nao, ela yo mitaru mikulu indaodzala nyufu za atu ambao ndaaolaga kpwa tsukizi kali. Mudzi uhu nkaulozera kogo kpwa sababu ya uyi wao wosi.

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Mika 3:4

Siku zedzazo andamririra Mwenyezi Mlungu, ela ye kandaajibu. Wakati hinyo andaafwitsa usowe kpwa sababu ya mahendo gao mai.

Mika 7:7

Ela mino ninamlola Mwenyezi Mlungu, ndamgodza Mlungu muokoli wangu, Mlungu wangu andasikira chiriro changu.

Habakuki 2:3

Ruwiya hizi zindatimiya kpwa wakatiwe, tsona gandahendeka upesi mana sigo ga handzo. Hata gachioneka kala ganachelewa, gagodzere mana ni gatimiye, tagandachelewa.

Luka 2:38

Wakati uratu ura, Ana wadzituluza mbere zao, achimshukuru Mlungu na achigomba na atu osi okala anagodza wakati Mlungu ndiphoikombola Jerusalemu. Phahi wagomba nao kuhusu yuya mwana.

Luka 24:27

Alafu waaeleza vinono mambo goandikpwa kumuhusu iye, kuandzira vitabu vya Musa hadi goandikpwa ni manabii anjina gosi.

Kumbukumbu 32:20

Achiamba hivi, “Nindakufwitsani uso wangu nione mwisho wenu undakaladze. Mana mwimwi mu chivyazi chinachohenda mai, anache asiokala na uaminifu wowosi.

1 Athesalonike 1:10

Chisha anagomba kuhusu vira mgodzeravyo Mwanawe edze kula mlunguni. Mlungu wamfufula, naye ndiye ndehutivya na hukumu kali yedzayo.

2 Athesalonike 3:5

Mlungu naakulongozeni mmanye mendzwaye na vira Bwana Jesu arivyovumirira mateso.

Aeburania 2:13

Tsona anaamba, “Ndamkuluphira Mlungu.” Na piya anaamba, “Himi hipha phamwenga na ana nriohewa ni Mlungu.”

Aeburania 9:28

vivyo hivyo, Jesu walaviwa sadaka limwenga ili ahale dambi za atu anji. Na andakpwedza kano ya phiri, si kpwa kuusa dambi, ela kuarehera wokofu hara amgodzerao kpwa hamu.