Isaya 7:6 - Digo Bible

⁶ ‘Huphiyeni hukashambuliye tsi ya Juda. Nahukabomoleni huihale ikale yehu na humuike mwana wa Tabeeli akale mfalumewe.’ ”

Isaya 7:6 Iomraidhean Croise

1 Afalume 12:16

Phahi, atu osi a Iziraeli ariphoona kukala mfalume kaaphundza, amuambira: “Huna mtalo wani swino kpwa Daudi? Tahuna urisi wowosi kpwa mwana wa Jese. Uyani kpwenu, mwimwi Aiziraeli! Na uwe Daudi kamanyirire mwenye nyumbayo.” Phahi Aiziraeli achiuya chila mutu kpwakpwe.

2 Afalume 11:2

Ela Jehosheba, mwana wa chichetu wa mfalume Jehoramu, ndugungbwa mchetu wa Ahaziya, wamuhala Joashi mwana wa Ahaziya chisiri-siri, kula kahi ya ana a mfalume ariokala analondwa aolagbwe. Wamuhala iye phamwenga na mreziwe achiatiya chumba cha kulala, achimfwitsa mumo, ili asionewe ni Athalia, kpwa hivyo kaolagirwe.

2 Nyakati 13:8

Na vino sambi munaona mundaupinga ufalume wa Mwenyezi Mlungu unaolongozwa ni mbari ya Daudi, kpwa kukala mu ndulu ya atu namwi muna vizuka vya ana ngʼombe a zahabu muriotengezerwa ni Jeroboamu?

2 Nyakati 21:7

ela phahi Mwenyezi Mlungu kayalonda kubananga nyumba ya Daudi, kpwa sababu ya chilagane arichokala akachiika naye. Daudi kala waahidiwa kukala andahewa taa phamwenga na chivyaziche hata kare na kare.

2 Nyakati 28:5

Ndipho Mwenyezi Mlungu achimtiya mfalume Ahazi mkpwononi mwa mfalume wa Shamu ambaye wamturya na achihala mateka atue anji sana achiaphirika Damasikasi. Piya watiywa mkpwononi mwa mfalume wa Iziraeli na achipigbwa vibaya, atue anji achiolagbwa.

Zaburi 21:11

Dzagbwe nkukupangira mai, taandafwaulu.

Zaburi 83:3

Akaapangira atuo njama mbii, anashauriana vira ndivyoahenda vii hinyo unaoarinda.

Misemo 19:21

Moyo wa mwanadamu una mipango minji; ela ropangbwa ni Mwenyezi Mlungu ndiro rikalaro.

Isaya 7:1

Wakati Ahazi mwana wa Jothamu, mwana wa Uziya anatawala Juda, mfalume Resini wa tsi ya Shamu na mfalume Peka wa tsi ya Iziraeli ambaye kala ni mwana wa Remaliya, aambuka Jerusalemu ili akapigane na Juda ela taayaweza kuiteka.

Isaya 7:5

Shamu, mfalume wa Iziraeli na atue akampangira mai. Aho akaambirana,

Isaya 7:7

Mwenyezi Mlungu, mkpwulu wa osi anaamba, “Tavindahendeka, tavikala bii.

Isaya 8:6

“Kpwa sababu atu hano akarema madzi ga Shiloa ambago ganajera pore-pore, na anahererwa ni Resini na mwana wa Remaliya,