Isaya 7:3 - Digo Bible

³ Ndipho Mwenyezi Mlungu achimuambira Isaya, “Phiya uwe na mwanao Sheari-Jashubu mkakutane na Ahazi hiko mwisho wa mfumbi uinjizao madzi kpwenye birika ra dzulu ririro barabara ya kuphiya chiwanjani kufumwako nguwo.

Isaya 7:3 Iomraidhean Croise

2 Afalume 16:1

Ahazi mwana wa Jothamu, mfalume wa Juda, waandza kutawala mwaka wa kumi na sabaa wa utawala wa Peka mwana wa Remaliya, mfalume wa Iziraeli.

2 Afalume 18:17

Chisha mfalume wa Ashuru wamuhuma jemedariwe, mkpwulu wa matowashi na mkpwuluwe wa jeshi, na jeshi kulu kula Lakishi kuphiya kpwa mfalume Hezekiya hiko Jerusalemu. Aambuka hadi achifika Jerusalemu. Nao ariphofika, ainjira na achiima phephi na mfumbi wa mtsara okala uphande wa dzulu wa njira kulu iphiyayo chiwanja cha mfuli wa nguwo.

2 Afalume 20:20

Mahendo ganjina ga Hezekiya, usujaawe na maelezo dzulu ya vira arivyodzenga chisima na kutsimba mfumbi wa kureha madzi ndani ya Jerusalemu, gaandikpwa kpwenye Chitabu cha mahendo ga afalume a Juda.

Nehemia 3:16

Seemu ya ukuta yolungira kuelekezana na vikurani pha Daudi hadi dimbwi rohenda tsimbwa, hadi nyumba ya masujaa, yarekebishwa ni Nehemia mwana wa Azibuki, chilongozi wa nusu ya wilaya ya Bethi-Suri.

Kutsama 7:15

Phahi, phiya ukakutane na Farao ligundzu achikala anaphiya muhoni, phiya ukamgodzere kanda-kanda ya muho wa Naili kuno ukagbwiririra yo ndata iriyogaluka nyoka.

Isaya 10:21

Atu achache a chivyazi cha Jakobo andasala na andamuuyira Mlungu Mwenye nguvu.

Isaya 22:10

Mwaolanga nyumba za Jerusalemu mchibomola zanjina ili muhumire mawege kuuhenda ukuta udine.

Isaya 22:11

Mchidzenga birika ra madzi kahi-kahi ya zo kuta mbiri, kpwa kuikira madzi ga ro birika ra kare. Ela tamyamkuluphira Mlungu ariyeritengeza wala kumuona chitu hiye ariyeripanga hangu kare.

Isaya 36:2

Mfalume wa Ashuru wamuhuma mkpwulu wa jeshi kula Lakishi, aphiye kpwa mfalume Hezekiya ko Jerusalemu na jeshire kulu. Ye mkpwulu wa jeshi waphiya achendaima phephi na mfumbi uinjizao madzi mtsara wa dzulu kpwenye barabara kulu iphiyayo chiwanja cha mfuli wa nguwo.

Isaya 55:7

Mutu mui naariche uyiwe, na mutu asiye na haki naariche maazoge mai, amuuyire Mwenyezi Mlungu, naye andaonerwa mbazi. Naamuyire Mlungu wehu, naye andamswamehe tsetsetse.

Isaya 6:13

Dzagbwe seemu mwenga ya kumi indakala ikasala mumo, indaochwa tsona. Ela dza chisichi cha mvure au muhi uihwao mwaloni chitsephulavyo bada ya kukatwa ndivyo ndivyokala yo mbeyu takatifu kpwenye yo tsi.”

Jeremia 22:1

Mwenyezi Mlungu waniambira, “Tserera hadi nyumbani kpwa mfalume wa Juda, ukaambire atu maneno higa,

Arumi 9:27

Naye nabii Isaya anaamba hivi kuhusu Aiziraeli: “Hata dzagbwe Aiziraeli ni anji dza mtsanga wa pwani, ela ndiotivywa ni nyo ndiosala.