Isaya 66:16 - Digo Bible

¹⁶ Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.

Isaya 66:16 Iomraidhean Croise

Isaya 10:4

Mundahalwa mateka, au mufwe vihani. Na bado Mwenyezi Mlungu andakala achere na tsukizi, na andaenderera kuitiya adabu Iziraeli.

Isaya 27:1

Siku iyo Mwenyezi Mlungu andahumira upangawe uryao, mkpwulu na wa nguvu, kumtiya adabu nyoka aihwaye Leviathani, nyoka iye aambalaye upesi. Naye andariolaga rira dzoka rikalaro baharini.

Isaya 3:13

Mwenyezi Mlungu aimire ili kulumba laure, a tayari kuamula atue.

Isaya 30:30

Mwenyezi Mlungu andakala msiru. Sautiye kulu ya kuogofya indasikirika na mkpwonowe undakala tayari kupiga. Usiruwe undakala dza moho uochao tsetsetse, uchilungirwa ni chiguruguru na phuto.

Isaya 31:8

Aashuru andaolagbwa ela si kpwa panga za atu. Aho andajeza kuchimbira upanga na barobaro aho andagbwirwa alazimishwe kukala atumwa.

Isaya 34:2

Mwenyezi Mlungu akatsukizwa sana ni mataifa na majeshi gao. Akaamua kukala ni gaolagbwe tsetsetse.

Isaya 65:12

ndakuhendani muolagbwe kpwa upanga, namwi mosi mundatsindzwa, kpwa kukala nákuihani ela tamuihikire, nágomba ela tamuniphundzire. Mwahenda mai phangu matsoni, na mchitsambula mambo gasigonihamira.”

Jeremia 25:31

Mbiru indasikirwa hadi mwisho wa dunia, mana Mwenyezi Mlungu andashitaki go mataifa, andaamula anadamu osi, na ayi andaolagbwa na upanga,” Mwenyezi Mlungu anaamba.

Jeremia 25:33

Ndioolagbwa ni Mwenyezi Mlungu wakati uho andaenea chila phatu duniani. Takuna ndiye asononekera, ndiyekusanya nyufu zao wala kuazika, andakala dza mavi chigogota chila phatu.

Jeremia 45:5

Dze, unadzilondera mambo makulu? Usigalonde, mana nindaarehera atu osi mashaka, ela ndativya maishago kpwahali kokosi ambako undaphiya. Nayo indakala ni zawadiyo, mimi Mwenyezi Mlungu nkaamba.’ ”

Jeremia 46:15

Kpwa utu wani mlungu wenu Apisi akachimbira? Hicho chizuka chenu cha ndzau tachiyavumirira, mana Mwenyezi Mlungu akachibwaga photsi.

Ezekieli 28:18

Kpwa dambizo nyinji na bisharazo zisizo za haki wahenda mwatumo mtakatifu mkale najisi. Phahi nákuhenda uake moho nao uchikuocha nami nchikuhenda ukale ivu pho photsi mbere za osi ariokala anakulola.

Ezekieli 38:17

“ ‘Mwenyezi Mlungu anaamba hivi: Uwe ndiwe nriyekuhadza pho kare kutsupira atumishi angu manabii a Iziraeli, ariolavya unabii miaka minji ya kukala ndakureha upigane nao.

Ezekieli 5:15

Undakala utu wa kuberwa na wa kutsekpwa; undakala fundzo na dzogofyo kpwa atu a mataifa ganjina ganago kuzunguluka wakati nakutiya adabu kpwa tsukizi na hasira zangu kali, mimi Mwenyezi Mlungu nkaamba.

Joeli 3:2

nindakusanya mataifa ganjina gosi na nigatsereze kpwenye Dete ra Jehoshafati, Nkaamula kuko kpwa ajili ya atu angu Aiziraeli. Aho aatsamula atu angu kahi za mataifa na achiganya tsi yangu.

Amosi 7:4

Higa ndigo Mwenyezi Mlungu arigonionyesa: Námuona Mwenyezi Mlungu anaiha uamuli wa moho, dzohore richiumisa vivwa vikulu na uchiandza kuocha tsi kavu.

Nahumu 3:15

Hata muhendedze mudzi wenu undaochwa na mwi enye muolagbwe kpwa upanga. Mwimwi mundaangamizwa dza viratu ndzije aryavyo mimea. Enjerezekani dza mabandzi, enjerezekani dza ndzije!

Nahumu 3:3

Apandadzi-farasi anashambuliya, panga na mafumo ganameka-meka. Anji akalumizwa nyufu zirere tandala miri isiyoolangika hata nyo anajeshi ashambuliyao anazikpwala.

Zakariya 14:5

Namwi mundachimbira kutsupira dete ririro kahi-kahi ya myango ya Mwenyezi Mlungu, dete ambaro rinaphiya hadi Azeli. Mwimwi mundachimbira dza akare enu arivyochimbira msumbo wa tsi wakati mfalume Uziya kala anatawala Juda. Badaye, Mwenyezi Mlungu, Mlungu wehu andakpwedza phamwenga na atakatifu osi.