Isaya 66:13 - Digo Bible

¹³ Nindakuphoza marenda dza viratu mayo amphozavyo marenda mwanawe, namwi mundaphozwa marenda mo Jerusalemu.

Isaya 66:13 Iomraidhean Croise

Zaburi 137:6

Lilimi rangu narigbwirane na lilakalaka, napho sindakutambukira uwe, napho sindakuririkana uwe Jerusalemu, kuriko chochosi chinachonifwahira.

Zaburi 94:19

Moyo wangu uriphokala unayugika na mambo manji, uwe waniphoza marenda na uchinihenda nihererwe.

Isaya 12:1

Wakati hinyo undaamba, “Uwe Mwenyezi Mlungu nindakushukuru mana dzagbwe wanitsukirirwa tsukizizo zikadigirika nawe ukanihuriza moyo.

Isaya 40:1

Mlungu wenu anaamba, “Aphozeni marenda atu angu, aphozeni marenda.

Isaya 40:2

Gombani na atu a Jerusalemu kpwa upole, atangazireni kukala mateso gao gakasira, na dambi zao zikaswamehewa. Mwenyezi Mlungu waatiya adabu kano mbiri kpwa sababu ya dambi zao zosi.”

Isaya 49:13

Ko dzulu mlunguni na kuimbe na raha, tsi naihererwe na myango yiimbe. Mana Mwenyezi Mlungu akaaphoza marenda atue, na andaaonera mbazi atue ariogayiswa.

Isaya 51:12

“Mimi ndimi ninaye kuphozani marenda. Kpwa utu wani mumuogophe mwanadamu ambaye andafwa na aole dza nyasi?

Isaya 51:3

Mana Mwenyezi Mlungu andaphoza marenda mudzi wa Sayuni, na chila phatu phokala gandzo, na andahenda weru wa mudzi hinyo ukale dza bustani ya Edeni, na jangbware rikale dza munda wa Mwenyezi Mlungu. Atu a himo andahererwa na kuhamirwa, sauti za shukurani na kuimba zindasikirwa kula mumo.

Isaya 66:10

Fwahirwani phamwenga na Jerusalemu, hererwani kpwa ajiliye, mwimwi mosi mmendzao Jerusalemu, hererwani sana phamwenga nao, mwimwi msononekao kpwa ajiliye.

2 Akorintho 1:3

Naatogolwe Mlungu ambaye piya ni Isengbwa wa Bwana wehu Jesu Masihi. Mlungu ambaye ndiye chandzo cha mbazi na iye ndiye ahuphozaye maroho.

2 Akorintho 1:4

Iye nkuhuphoza maroho wakati wa tabu zehu zosi, ili naswi huweze kuphoza maroho ayawehu ario na tabu, dza vira hurivyophozwa maroho ni Mlungu.

1 Athesalonike 2:7

Kpwa vira hu mitume a Jesu, hungeonyesa uwezo wehu na kuvoya mambo fulani kula kpwenu. Ela swino hwakala a pole kpwenu dza mchetu areraye anae atsanga.