Isaya 64:12 - Digo Bible

¹² Ee Mwenyezi Mlungu, dze, undadzizuwiya usihende chitu bada ya gago? Vino undaenderera kunyamala na kuhutiya adabu kali?”

Isaya 64:12 Iomraidhean Croise

Zaburi 10:1

Ee Mwenyezi Mlungu, mbona ukaima kure? Kpwa utu wani unadzifwitsa wakati swino hu tabuni?

Zaburi 79:5

Ee Mwenyezi Mlungu, undatsukirwa hadi rini? Dze, undatsukirwa hata kare na kare? Dze, tsukizizo za wivu zindaaka dza moho hadi rini?

Zaburi 83:1

Ee Mlungu, usikale gbwi usinyamale, ee Mlungu, na usihurire!

Isaya 42:14

Mlungu anaamba, “Nkanyamala siku nyinji, nikanyamala na kudzizuwiya, ela vivi nindaula dza mchetu ariye na utsungu wa kudzivugula, na kupiga pumuzi.

Isaya 63:15

Hulole kula ko mlunguni, na uone kula kpwenye makalogo matakatifu ga nguma. U phaphi wivuo na uwezoo? Usiriche kuhuonera mbazi,

Isaya 65:6

Lola, dzambo riri náriandika nami sindanyamala bii, ela ndariphiza, ndariphiza kulengana na makosa gao.

Zakariya 1:12

Ndipho ye malaika wa Mwenyezi Mlungu achiamba, “Ee Mwenyezi Mlungu, Mlungu wa majeshi undaonera mbazi rini mudzi wa Jerusalemu na midzi ya Juda? Mana ukaitsukirirwa kpwa muda wa miaka mirongo sabaa.”

Maono 6:10

Phahi hizo roho zakota kululu zichiamba, “Bwana wa uwezo wosi, uriye wa haki na wa kpweli, mbona unakaa? Undaamula rini atu a dunia na kuariphiza kpwa kuhuolaga?”