Isaya 63:4 - Digo Bible

⁴ Mana yo siku ya kuriphiza kala i moyoni mwangu, na mwaka wa kukombola atu ukafika.

Isaya 63:4 Iomraidhean Croise

Zaburi 107:2

Hinyo ariokombolwa ni Mwenyezi Mlungu naagombe hivyo, ariokombolwa kula mikononi mwa aviha.

Isaya 1:24

Kpwa hivyo Mwenyezi Mlungu, Mlungu wa majeshi, Mwenye Nguvu Zosi wa Iziraeli, anaamba, “Ndakupigani mwimwi maadui gangu kpwa tsukizi zangu, ndakuriphizani kpwa mai gosi mrigonihendera.

Isaya 1:27

Sayuni indakombolwa ni uamuli wa haki, na hinyo ario himo ndani achitubu andakombolwa ni haki.

Isaya 13:6

Rirani mana wakati wa uamuli wa Mwenyezi Mlungu ukafika phephi. Uamuli uredza na uwezo wosi wa kuangamiza kula kpwa iye Mwenye Nguvu Zosi.

Isaya 13:9

Lola, siku ya Mwenyezi Mlungu iredza, siku ya tsukizi na usiru munji. Iye andaangamiza chila chitu kpwenye tsi na kubananga atu enye dambi.

Isaya 34:8

Mana Mwenyezi Mlungu ana wakatiwe wa kuriphiza chisasi. Wakati ambapho andaakanira atu a mudzi wa Sayuni chinyume cha atu a tsi ya Edomu na mataifa ganjina.

Isaya 35:4

Hinyo achiomaka kpwa wuoga aambireni, “Msiogophe, dzitiyeni nguvu! Mlungu wehu aredza! Aredza ariphize chisasi, aredza akutivyeni.”

Isaya 35:9

Njira iyo taindakala na simba wala nyama yeyesi msiru wa tsakani. Ela hinyo ariotivywa ni Mwenyezi Mlungu ndio ndiotsupira njira hiyo.

Isaya 47:3

Undavulwa nguwo urichwe chitsaha mbere za atu, nawe undatiywa waibu. Ndakuriphiza chisasi na sindamuonera mbazi mutu hata mmwenga.”

Isaya 52:3

Mana Mwenyezi Mlungu anaamba hivi, “Mwaguzwa bure, namwi mundakombolwa bila pesa.”

Isaya 61:2

Akanihuma niutangaze mwaka ambao Mwenyezi Mlungu andaonyesa mbazize, na siku ambayo Mlungu wehu andariphiza chisasi, na kuaphoza marenda osi asononekao.

Jeremia 50:15

Ipigireni kululu za viha chila uphande, iyo ikakubali kuturywa kutaze zikavundzwa na kubwagbwa mana Mwenyezi Mlungu andadziriphiza. Iriphize chisasi, dza vyo irivyohendera anjina.

Jeremia 51:6

Chimbirani kula Babeli, chila mutu naachimbize rohoye! Musiangamizwe kpwa ajili ya dambize, mana uhu ni wakati wa Mwenyezi Mlungu kudziriphiza andamripha kulengana na uyiwe.

Ezekieli 25:14

Ndahumira atu a Iziraeli kuriphiza Edomu chisasi na kuko andahenda kulengana na tsukizi zangu nyinji, nao andamanya mimi ndimi nriphizaye chisasi, Mwenyezi Mlungu anaamba.

Zakariya 3:8

Phahi phundza uwe Joshuwa, mlavyadzi-sadaka mkpwulu na ayao asagalao mberezo, mana aho ni ishara ya mambo manono gedzago. Mimi nindareha mtumishi wangu aihwaye Panda.

Luka 21:22

Kpwa sababu siku hizo zindakala ni siku za kutiywa adabu ili gosi goandikpwa ndani ya Maandiko ga Mlungu gatimiye.

Maono 11:13

Phapho hipho dunia ichisumba sana hata ichibananga seemu mwenga ya kumi ya mudzi wosi. Atu elufu sabaa achifwa, na anjina osi ariosala achitishirwa na achimtogola Mlungu akalaye dzulu mlunguni.

Maono 18:20

Hererwani mwimwi muishio ko mlunguni, atu a Mlungu, mitume na manabii, mana Mlungu akauamula hinyo mudzi kpwa sababu yenu.