Isaya 61:4 - Digo Bible

⁴ Nao andagadzenga luphya magandzo ga kare, andaimisa midzi iriyobanangbwa pho kare. Andayiuyiza luphya midzi, iriyorichwa magandzo vivyazi vinji virivyotsupa.

Isaya 61:4 Iomraidhean Croise

Ezira 9:9

Dzagbwe swiswi kala hu atumwa, uwe Mlungu wehu kuhurichire bii kahi za utumwa wehu. Ukahuonyesa mendzwaye isiyosika mbere za afalume a Pashia. Ukahutiya nguvu luphya huidzenge nyumbayo ambayo kala ikakala gandzo. Chisha ukakala ukuta wa kuhurinda hipha Juda na Jerusalemu.

Zaburi 46:8

Ndzoni muone mahendo ga Mwenyezi Mlungu, muone vyo arivyobananga dunia.

Zaburi 74:3

Tsupa kahi za magandzo gaga ga hangu kare, adui akabananga chila chitu kpwenye nyumba ya kuvoya Mlungu.

Isaya 52:9

Kotani kululu phamwenga kpwa kuhererwa mwimwi magandzo ga Jerusalemu, kpwa kukala Mwenyezi Mlungu akaphoza marenda atue, akakombola mudzi wa Jerusalemu.

Isaya 58:12

Magandzogo ga kare gandadzengbwa luphya, undaimisa misingi ya kare, mundaihwa atu a kurekebisha kuta zenye myanya, na njira za midzi.

Mika 7:11

Wakati wa kudzenga kuta zenu u phephi! Wakati hinyo miphaka yenu indaenjerezwa.

Zakariya 1:17

Ye malaika waniamba nikote kululu tsona niambe, Mwenyezi Mlungu, Mlungu wa majeshi anaamba hivi, “Midzi yangu indaongokerwa sana, chisha Mwenyezi Mlungu andaitiya moyo Sayuni na aitsambule tsona Jerusalemu.”