Isaya 59:5 - Digo Bible

^5-6 Mipango muhendayo ni mii dza mayayi ga bafwe. Mwenga richivundzwa, bafwe nkutuluka. Ela mipango yenu taindakufwaidini, mipango dza iyo taina mana dza nguwo ichiyotengezwa na muhambo wa dzwidzwidzwi.

Isaya 59:5 Iomraidhean Croise

Ayubu 8:14

Tegemeo rao nkuvundzika-vundzika, na kuluphiro rao ni dza muhambo wa dzwidzwidzwi.

Misemo 23:32

Mana mwisho unangʼata dza nyoka, kulumakpwe ni dza kuratu kpwa kuondzwa ni bafwe.

Isaya 14:29

Mwi Afilisti! Iyo fwimbo yokala inakupigani ikavundzika ela msihererwe. Mana kula pho chiphofwa nyoka phandatuluka bafwe naro rindavyala dzoka siru ra kuuruka renye sumu kali.

Isaya 34:15

Vimburu vindadzidzengera nyumba zao vibwage mayayi, viahire na vikokote na kukusanya vidzana vyao na kuvirinda. Viphanga piya vindakusanyika kuko chila chichetu na chiyawe chilume.

Mathayo 12:34

Mwi ana a nyoka! Mnawezadze kugomba manono ichikala mwi enye mu ayi? Mana mutu nkugomba gachigoodzala mwakpwe moyoni.

Mathayo 3:7

Ela ariphoona Mafarisayo na Masadukayo anji aredza abatizwe, waambira, “Ee, nyoka mwi! Mnalonda kuchimbira adabu ya Mlungu yedzayo bila ya kutubu kpweli! Iyo siyo sababu nono ya kukala mnalonda mʼbatizwe!