Isaya 59:2 - Digo Bible

² Ela makosa genu gakakutengani mwimwi na Mlungu wenu, na dambi zenu zikaufwitsa usowe musiuone, ndiyo mana kakusikirani.

Isaya 59:2 Iomraidhean Croise

Misemo 15:29

Mwenyezi Mlungu a kure na atu ayi, ela anaphundza mavoyo ga enye haki.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Isaya 50:1

Mwenyezi Mlungu anaamba hivi, “Chi kuphi cheti cha kumricha mayo yenu? Kpwani nakuguzani ili niriphe madeni? Hata, nárichana na mayo yenu na mwimwi nchikuguzani kpwa sababu ya dambi zenu.

Isaya 57:17

Kpwa sababu ya tamaa zao mbii, nátsukirwa nchiapiga, na kpwa sababu ya tsukizi nchiricha kualola, ela achienderera kuhenda mioyo yao irivyolonda.

Isaya 58:4

Saumu zenu zinasirira na kukosana, kuzirana, na kupigana ngumi. Kufunga kuku, mufungako, takundakuhendani musikirwe ko dzulu.

Jeremia 5:25

Mahendo genu mai gakahenda gosi higa gauke dambi zenu zikahenda manono gaga gakale kure namwi.

Sonono za Jeremia 1:8

Jerusalemu akahenda dambi sana, kpwa hivyo akakala najisi osi ariokala anamuishimu anamʼbera mana akaona chitsahache. Ye mwenye anaula na kufyula usowe kpwa waibu.

Ezekieli 39:29

Nami sindaalozera kogo tsona, ndiphomwagira atu a Iziraeli Roho wangu, mimi Mwenyezi Mlungu nkaamba.”

Mika 3:4

Siku zedzazo andamririra Mwenyezi Mlungu, ela ye kandaajibu. Wakati hinyo andaafwitsa usowe kpwa sababu ya mahendo gao mai.

Joshuwa 7:11

Aiziraeli akahenda dambi, mana akavundza chilagane nrichoalagiza achilunge. Akahala bazi ya vitu nrivyovitenga kpwa ajili yangu. Akaviiya, kuchenga na akaviika phamwenga na vitu vyao.

1 Samueli 4:3

Anajeshi ariotiya ariphofika kpwao kambini, atumia a Iziraeli aauza, “Mbona Mwenyezi Mlungu rero akahuricha hupigbwe ni Afilisti? Huphiyeni Shilo hukarehe sanduku ra chilagane ra Mwenyezi Mlungu hiku, ili hukale naro na rihutivye na aviha ehu.”