Isaya 59:11 - Digo Bible

¹¹ Swiswi hosi hunanguruma dza dubu, na hunaula dza njiya kpwa sonono, hunalonda haki ela taipho, hunalorera wokofu, ela u kure naswi.

Isaya 59:11 Iomraidhean Croise

Zaburi 119:150

Hinyo anipangirao njama akanifikira phephi, ela aho a kure na shariyazo.

Zaburi 119:155

Wokofu u kure na atu ayi, mana aho taaendza shariyazo.

Zaburi 38:8

Nkalela na kuvundzika moyo ninaula kpwa sonono ya moyo.

Zaburi 55:2

Niphundza na unijibu shida zangu zikanizidiya, nkaremwezwa

Zaburi 85:9

Hakika iye a tayari kutivya hinyo amuogophao, ili ngumaye isale kpwenye tsi yehu.

Isaya 38:14

Nárira dza mbayumbayu au korongo, náula dza njiya ariravyo. Matso gangu garemwa kpwa kulola dzulu. Ee Mwenyezi Mlungu, ndzo uniterye mana nkaonerwa!

Isaya 51:20

Anao akafwa purungire, akagbwa kahi ya chila pembe ya barabara, dza kulungu chiyegbwirwa ni nyavu. Mwenyezi Mlungu, Mlunguo akaatiya adabu kali kpwa tsukizize.

Isaya 59:14

Uamuli wa haki ikaikpwa kanda na haki i kure naswi, kpweli ikarichwa kotini uaminifu taupho.

Isaya 59:8

Taamanya kuishi kpwa amani, na taphana uamuli wa haki, kahi yao. Adzitengezera njira za kumyoka. Chila atsupiraye njira zizo, kandaishi kpwa amani tsona.

Isaya 59:9

Kpwa sababu iyo, uamuli wa haki u kure naswi na haki taihufikira, hunagodzera mwanga, ela kosi kuna jiza, hunagodzera kungʼale, ela hunanyendeka kpwenye chilungulungu cha jiza.

Jeremia 8:15

Hwaendza amani, ela tahuyaiphaha, wakati wa kuphozwa, ela chokalapho ni kuogofyerwa.

Jeremia 9:1

Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!

Sonono za Jeremia 3:17

Moyo wangu ukafutwa amani, nikayala kufwahirwa ni utu wani.

Ezekieli 7:16

Na nyo ndiotiya andachimbirira myangoni, ambako andarira dza njiya a deteni; chila mmwenga andakala anasononekera dambize.

Hosea 7:14

Taaniririra kula mwao mioyoni, ela anamwagikpwa ni matsozi mwao vitandani, anadzikata-kata wakati anavoya milungu ya chijeni ili aphahe mtsere na uchi muphya nao akanilozera kogo.

Nahumu 2:7

Ninawi ikatiywa waibu, atue akatsamizwa kpwa lazima, atumishie a chichetu anarira dza njiya na kudzipiga-piga vifuwa.

Nahumu 2:8

Ninawi ni dza mtsara uchiovundza na madzige ganajera bila kusika. Atu anachimbira nao anaambwa, “Imani! Imani!” Ela taphana mutu alolaye nyuma.