Isaya 57:17 - Digo Bible

¹⁷ Kpwa sababu ya tamaa zao mbii, nátsukirwa nchiapiga, na kpwa sababu ya tsukizi nchiricha kualola, ela achienderera kuhenda mioyo yao irivyolonda.

Isaya 57:17 Iomraidhean Croise

Muhubiri 6:9

Baha kuhamirwa ni urichonacho kuriko kuhangaika kpwa kuaza chitu usichokala nacho. Gaga nago tagana mana, ni sawa na kuzoresa phepho.

Isaya 1:4

Shaka hiro, ro taifa renye dambi, atu ario tele uyi, atu ahendao makosa, atu amendzao kuhenda uyi! Akamricha Mwenyezi Mlungu akamʼbera Mtakatifu wa Iziraeli na kumlozera kogo.

Isaya 2:7

Tsi yao ikaodzala feza na zahabu hazina yao taiolangika. Tsi yao i tele farasi a viha magari gao ga kuvwehwa ni farasi tagaolangika.

Isaya 42:24

Ni ani ariyeatiya Aiziraeli mikononi mwa aivi, na chivyazi cha Jakobo akale mateka? Si ariyehenda hivyo ni Mwenyezi Mlungu? Iye ambaye Aiziraeli amkosera na achirema kulunga njiraze na shariyaze.

Isaya 45:15

Kpwa kpweli uwe u Mlungu udzifwitsaye, uwe u Mlungu na muokoli wa Iziraeli.

Isaya 56:11

Aho ni dza madiya matoni, ambago tagamvuna. Aho ni dza arisa asioelewa. Osi akagaluka na kulunga njira zao enye, na chila mmwenga anadziendzera fwaidaye mwenye.

Isaya 64:9

Usitsukirwe sana, ee Mwenyezi Mlungu, usitambukire dambi zehu hata kare na kare. Hunakuvoya uhulole, mana swiswi hosi hu atuo.

Isaya 66:3

“Ela ye ndiyelavya sadaka ya ndzau andakala avi akaolaga mutu. Na ndiyelavya sadaka ya mwana ngʼondzi, andakala dza mutu achiyevundza singo ya diya. Alavyaye sadaka ya mtsere ni dza arehaye mlatso wa nguluwe, na alavyaye sadaka ya kumbukumbu ya kufukiza ubani ni dza anayeabudu vizuka; kpwa kukala atsambula njira zao enye nao ahamirwa ni matsukizo gao.

Isaya 8:17

Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Isaya 9:13

Ela hinyo atu ariotiywa adabu taadzangbwetubu na kumuuyira hiye ariyeapiga, wala kumuendza Mwenyezi Mlungu, Mlungu wa majeshi.

Jeremia 2:30

Anao naatiya adabu bure, taalondere kurekebishwa. Mwimwi mwaolaga manabii genu enye kpwa upanga dza simba avwamukiravyo nyama wanjina.

Jeremia 22:17

Ela matsogo na moyoo unaphalahira mapato gasigo ga halali, kpwa kuolaga asio makosa, kuonera atu na kuahendera ujeuri.”

Jeremia 3:14

Uyani mwi anache msio aaminifu, mimi Mwenyezi Mlungu nkaamba, mana mimi ni Bwana wenu. Nindakuhalani, mmwenga kula kahi mudzi mmwenga na airi kula kahi ya mryango mmwenga nikureheni mudzi wa Sayuni.

Jeremia 3:22

“Uyani mwi ana msioaminika, mino ndakuphozani kusaamini kpwenu.” “Mwimwi munaamba, ‘Lola, hundakuuyira mana uwe ndiwe Mwenyezi Mlungu, Mlungu wehu.

Jeremia 5:3

Ee Mwenyezi Mlungu, uwe ukuendza uaminifu Uwe ukaapiga, ela taasikirire utsungu, waasaga, ela arema kugaluka. Ahenda nyuso zao kukala nyifu kuriko dziwe na kurema kutubu.

Jeremia 51:13

Uwe ukalaye kanda-kanda ya madzi manji, ambaye u tajiri, mwishoo ukafika, wakati wa kufwako ukafika.

Jeremia 6:13

“Mana kula mvyere hadi mdide, chila mmwenga akachifyula kuendza mali isiyo ya haki kula nabii hadi mlavyadzi-sadaka, chila mmwenga anahenda ga handzo.

Jeremia 8:10

Kpwa hivyo nindalavya achetu ao kpwa atu anjina na minda yao ndaipha ajeni. Kpwa sababu kula mdide hata mvyere chila mmwenga ni mtoni kpwa kuphaha gasigo ga haki; kula nabii hadi mlavyadzi-sadaka osi taahenda ga ukpweli.

Jeremia 8:6

Nikaaphundza na kuaphundza vinono, ela taagomba garigo sawa takuna mutu atubuye uyiwe, na kuamba, “Aya nkahendadze mino?” Chila mutu analunga njiraze, dza farasi ainjiraye vihani mairo.

Ezekieli 33:31

Phahi andakulokera kama kawaida edze asagale mberezo dza atu angu na kuphundza ugombago ela taandagalunga. Mana mendzwa yao ni ya mromo bahi, ela mioyo yao inahamirwa ni kuphaha mapato gasigo ga haki.

Luka 12:15

Chisha achiamba, “Dzimanyirireni! Dziepusheni na chila aina ya tamaa. Mana maisha ga mutu tagakala kamili kpwa unji wa mali arizo nazo.”

Akolosai 3:5

Phahi richani mahendo mai ga asili ya chibinadamu. Nago ni udiya, uzembe, na tamaa ya achetu ama alume anji. Piya msiaze mali za atu mana mundaabudu mali badala ya Mlungu.

1 Timothi 6:9

Ela atu aazao kukala matajiri mwishowe nkuinjira mashakani na kugbwirwa ni muhambo wa tamaa nyinji mbii za chipumbavu ambazo zinaabananga na kuangamiza.

2 Petero 2:14

Atu aha achiona mchetu nkumuaza, na tamaa yao ya kuzinga taisira. Nkurusa atu ambao taadinire chiroho na chila wakati achili zao nkufikiriya kuphaha pesa. Phahi atu aha analaniwa ni Mlungu.

2 Petero 2:3

Alimu aha a handzo ana ndani kulu, nao andakuchengani-chengani na adisi za handzo ili aphahe pesa zenu. Ela hangu kare Mlungu a tayari kuaamula, nao bila shaka andaangamizwa.