Isaya 57:13 - Digo Bible

¹³ Ndiphorira, vyo vizuka urivyovikusanya navikutivye, phepho rindaviphepherusa, pumuzi chache indaviusa. Ela mutu anikuluphiraye andarisi tsi na mwango Mtakatifu undakala wakpwe.”

Isaya 57:13 Iomraidhean Croise

2 Afalume 3:13

Elisha achimuuza mfalume wa Iziraeli, “Kuna maneno gani kahi ya mimi na uwe? Phiya uvoye mashauri kpwa manabii ambao sowe na mayoo aalunga.” Mfalume wa Iziraeli wajibu achiamba, “Sivyo! Mwenyezi Mlungu ndiye wawiiha swiswi afalume ahahu kusudi ahutiye mikononi mwa mfalume wa Moabu.”

Ayubu 21:18

Kpwani nkuphepheruswa ni phepho dza makodza ga kuuma, au dza wiswa uphepheruswavyo ni chikulukulu?

Zaburi 1:4

Ela atu ayi taahivyo, aho ni dza wiswa uphepheruswao ni phepho.

Zaburi 118:8

Baha umchimbirire Mwenyezi Mlungu kuriko kumkuluphira mwanadamu.

Zaburi 125:1

Amukuluphirao Mwenyezi Mlungu ni dza mwango wa Sayuni, ambao tauweza kusumbiswa, ela unadumu hata kare na kare.

Zaburi 37:11

Ela hinyo anaogbwa maguluni andarisi tsi, nao andasagala kpwa amani na aongokerwe.

Zaburi 37:22

Mana ariojaliwa ni Mwenyezi Mlungu andarisi tsi, ela ariolaniwa ni Mwenyezi Mlungu andaangamizwa.

Zaburi 37:29

Atu a haki andamiliki tsi na kusagala mumo hata kare na kare.

Zaburi 37:3

Mkuluphire Mwenyezi Mlungu na uhende manono, ili uishi salama kpwenye yo tsi na uongokerwe.

Zaburi 37:34

Mgodze Mwenyezi Mlungu na ugbwire njiraze, naye andakuunula na akuhende umiliki tsi, nawe undashuhudiya atu ayi achiangamizwa.

Zaburi 37:9

Mana atu ahendao mai andaangamizwa, ela anaomkuluphira Mwenyezi Mlungu andarisi tsi.

Zaburi 58:9

Naauswe upesi kabila taadzangbweelewa, naangʼolwe dza miya, mimea ya weruni au kpwekpwe, katika tsukizize Mlungu naaphepheruse kure wakati achere moyo.

Zaburi 84:12

Ee Mwenyezi Mlungu, Mlungu wa majeshi, baha hiye akukuluphiraye.

Misemo 28:25

Mutu mchoyo nkusunganya atu ahehe, ela mutu akuluphiraye Mwenyezi Mlungu andaongokerwa.

Isaya 11:9

Kahi za mwango wangu mtakatifu, takuna ndiyelumiza au kubananga mana dunia indaodzala atu anaommanya Mwenyezi Mlungu dza bahari irivyo tele madzi.

Isaya 14:32

Dze, ajumbe a Afilisti ajibiwedze? Naambwe kukala, “Mwenyezi Mlungu akaimarisha Sayuni na atue ariogaya akaphaha phatu pha kudzifwitsa.”

Isaya 25:4

Mana ukakala ngome ya agayi, ngome ya hiye anayehitaji wakati wa hajaye. Phatu pha kuchimbirira wakati wa tabu; pepho wakati wa dzuwa kali mana pumuzi ya hinyo atishao ni dza phuto ripigaro ukuta,

Isaya 40:24

Aho ni dza mbeyu ambayo ichiphandwa tu, kabila taidzangbwehenda mizi mtsangani, iye nkuavuvurira phepho akanyala, na chikulukulu nkuaphepherusa dza mibuwa ya kuuma.

Isaya 41:16

Undavipheha, phuto riviphepheruse, na chikulukulu chindavitsamula-tsamula. Nawe undahamirwa ni Mwenyezi Mlungu, na kumtogola Mtakatifu wa Iziraeli.

Isaya 45:20

Dzikusanyeni na mwedze phamwenga mwi atu a mataifa muriosala! Aho atsukulao vizuka vyao vya kutsonga, na kuvoya milungu isiyotivya, ni azuzu.

Isaya 49:8

Mwenyezi Mlungu anaamba hivi, “Wakati wangu uriokubalika uchifika ndakujibu, siku ya wokofu, nindakuterya. Nindakuikato nami ndakuhenda ukale chilagane cha atu aha, ili kuyiuyizato yo tsi yobanangbwa na kuauyizira enye.

Isaya 56:7

nindaareha kahi za mwango wangu mtakatifu nindaafurahisha kahi za nyumba yangu ya mavoyo. Sadaka zao za kuochwa na sadaka zanjina, zindakubaliwa dzulu ya phatu phangu pha kulavira sadaka, mana nyumba yangu indaihwa nyumba ya mavoyo kpwa mataifa gosi.”

Isaya 60:21

Atuo osi andakala enye haki, nao andairisi tsi hata kare na kare. Aho ni mitse ambayo náiphanda mwenye, ni kazi ya mikono yangu, ili ionyese nguma yangu.

Isaya 65:11

Ela mwimwi mumrichao Mwenyezi Mlungu, na kuyala mwango wangu mtakatifu, muabuduo mlungu wa bahati, na kumlavira sadaka ya uchi wa zabibu mlungu wa majaliwa,

Isaya 65:25

Mabawa na ana ngʼondzi andarisa phamwenga, simba andarya nyasi dza ngʼombe, ela nyoka andarya vumbi. Taandalumiza atu wala kubananga chitu kpwenye mwango wangu mtakatifu,” Mwenyezi Mlungu anaamba.

Isaya 65:9

Nindaareha atu a chivyazi cha Jakobo, a mbari ya Juda, atu angu nrioatsambula, arisi tsi ihi ya myango yangu, nao andakala atumishi angu.

Isaya 66:20

Nao andareha ndugu zenu osi kula mataifa ganjina gosi dza sadaka kpwa Mwenyezi Mlungu. Andaareha dzulu ya farasi, magari ga kuvwehwa ni farasi, na dzulu ya marukpwama, nyumbu na ngamia hadi Jerusalemu, mwango wangu mtakatifu. Aho andaareha dza Aiziraeli arehavyo sadaka zao za mtsere kpwenye chombo chiswafi, kpwenye nyumba ya Mwenyezi Mlungu.”

Jeremia 2:28

Kpwani yo milungu yenu mriyoitengeza enye i kuphi? Iricheni iunuke napho inaweza kukutivyani wakati wa shida! Mana dza vyo midzi yenu irivyo minji ndivyo milungu yenu, mwimwi atu a Juda.

Jeremia 22:20

“Ambukani mphiye Lebanoni mkarire, atu a Jerusalemu kotani kululu ko Bashani, chisha mphiye Abarimu mkarire, mana asena enu akaolagbwa.

Jeremia 22:22

Arisa enu andakukuswa ni phuto na asena enu andahalwa mateka; phahi undagbwirwa ni haya na kuberwa kpwa sababu ya uyio.

Jeremia 30:14

Asenao na azembeo osi akakuyala, taakujali kpwa chochosi. Mana nkakupiga dza adui apigavyo, pigo ra mviha asiye na mbazi, kpwa sababu kosaro nkulu dambizo ni nyinji sana.

Ezekieli 20:40

Mana kahi za mwango wangu mtakatifu, mwango mure wa Iziraeli, Mwenyezi Mlungu anaamba, ndiko ambako atu osi a Iziraeli andanihumikira kahi za yo tsi. Kuko nindaakubali na kuzikubali sadaka zao na malumbuko gao, phamwenga na vitu vyao vyosi vitakatifu.

Hosea 13:3

Kpwa hivyo aho andakala dza kunje ra ligundzu, andakala dza manena gaumago mara mwenga. Andakala dza wiswa uphepheruswao ni phepho kula phatu pha kuwagira, au andakala dza mosi utulukao na dirishani.

Joeli 3:17

Ndipho mndiphomanya kukala mimi Mwenyezi Mlungu, Mlungu wenu nasagala Sayuni, mwango wangu mtakatifu. Jerusalemu undakala mudzi mtakatifu na ajeni taandauvyoga tsona.

Zakariya 7:13

Mwenyezi Mlungu, Mlungu wa majeshi anaamba, ‘Náaiha ela taayaniphundza, phahi ariphoniiha nami siyaaphundza.

Aamuli 10:14

Phiyani mkaririre yo milungu mriyoitsambula ikutivyeni na mashaka genu.”