Isaya 55:1 - Digo Bible

¹ “Haya, chila mwenye chiru naaedze anwe madzi, na iye ambaye kana pesa naaedze agule arye. Ndzoni mugule uchi wa zabibu na maziya bila pesa na bila garama.

Isaya 55:1 Iomraidhean Croise

Zaburi 143:6

Nakugolosera mikono yangu, moyo wangu unakuaza dza tsi ichiyokosa mvula siku nyinji.

Zaburi 63:1

Uwe Mlungu, u Mlungu wangu, nami nakuendza; roho yangu ina chiru nawe. Mwiri wangu unatunu nawe kahi ya tsi kavu isivyokala na madzi.

Misemo 8:4

“Mwinoo! Mino naiha mwimwi, mwiho wangu ni wa anadamu mosi.

Misemo 9:1

Ikima akadzenga nyumbaye, akaichitira nguzo sabaa.

Misemo 9:5

“Ndzo urye chakurya changu, na unwe uchi wa zabibu nchiotengeza.

Wira wa Selemani 1:2

Naanidonere na mromowe mana mendzwaye ni nono kutsupa uchi wa zabibu

Wira wa Selemani 1:4

Nigbwira mkpwono huhende wangbwi! Mfalume akaniphirika kpwakpwe chumbani. Hunahererwa kpwa ajili yenu huna raha kpwa sababuyo ee, mfalume kpwa kpweli mendzwayo i mtswano kutsupa uchi wa zabibu. Ni sawa asichana kukumendza.

Wira wa Selemani 5:1

Nredza kpwangu mundani, mwenehu mchetu, wende wangu. Nikakusanya manemane phamwenga na vilungo vyangu, nikarya phalala ra asali yangu ya mtswano, nkanwa uchi wangu wa zabibu na maziya gangu. Toshekani na mendzwa! Mnaomendzana, nwani sana mendzwa. Inweni kukolwa!

Isaya 1:19

Napho mundakubali na kuhenda nilondago phahi mundafwaidi manono gosi ga tsi.

Isaya 44:3

Mana nindamwaga madzi dzulu ya tsi kavu, na nindahenda vidzuho vya madzi kpwenye tsi ya kukpwalala. Nindamwaga Roho wangu dzulu ya chivyazicho, na nindaajaliya nyo ambao undaavyala.

Isaya 52:3

Mana Mwenyezi Mlungu anaamba hivi, “Mwaguzwa bure, namwi mundakombolwa bila pesa.”

Sonono za Jeremia 5:4

Ni lazima huriphire madzi hunwago, kuni uhumirazo ni huzigule.

Ezekieli 47:1

Ye mutu achiniuyiza hadi phatu pha kumenyera nyumba ya kuvoya Mlungu, na nchiona madzi ganatuluka tsini ya chizingiti cha yo nyumba, gojera kuelekea uphande wa mlairo wa dzuwa (mana yo nyumba ya Mwenyezi Mlungu kala inalola uphande wa mlairo wa dzuwa). Go madzi kala ganajera kula tsini uphande wa kulume wa yo nyumba, uphande wa mwakani wa pho phatu pha kulavira sadaka.

Ezekieli 47:9

Kokosi nyo muho uphiyako, chila chiumbe chiojoreracho mumo chindaweza kuishi. Namo mundakala na ngʼonda anji sana kpwa kukala madzi gaga ganaphiya kuko ili madzi ga bahari gakale pepho. Kokosi muho ndikophiya chila chitu chindakala moyo.

Hosea 14:4

Mwenyezi Mlungu anaamba, “Nindaaphoza ko kukosa kpwao uaminifu, nindaamendza bila aho kunihendera utu. Mana sindaatsukirirwa tsona.

Joeli 3:18

Wakati hinyo kundakala na uchi munji wa zabibu hiko dzulu myangoni, na ko vidzangoni kundakala na maziya manji, chila chidzuho kpwenye tsi ya Juda chindajera madzi. Himo nyumbani mwa Mwenyezi Mlungu mundaomboka pula za madzi na madzige gandajera Dete ra Shitimu.

Zakariya 10:7

Chisha atu a Efuraimu andakala dza masujaa, na mioyo yao indahamirwa dza atu achionwa uchi mchache wa zabibu. Ana aho andagaona na ahamirwe, nao andahererwa mwao mioyoni kpwa sababu ya Mwenyezi Mlungu.

Zakariya 2:6

Mwenyezi Mlungu anaamba, “Haya! Haya! Chimbirani kula tsi ya vurini, mana nkakutsamulani chila uphande.

Zakariya 9:15

Mwenyezi Mlungu, Mlungu wa majeshi andaarinda, nao andaturya maadui gao kpwa kuhumira mawe ga tero. Aho andakota kululu mo vihani avi akalewa uchi wa zabibu, nao andakala tele dza bakuli richingirwaro mlatso wa nyama chiyelaviwa sadaka, na kulwama dza pembe za phatu pha kulavira sadaka.

Mathayo 10:8

Kaphozeni akongo a mahana na akongo anjina, kafufuleni ariofwa, na kutuluza pepho. Mwahewa bure kpwa hivyo kalavyeni bure.

Mathayo 13:44

“Nindakuelezani vira ambavyo mutu anaweza kukubali ukpweli kunihusu na kukala mmwenga katika ufalume ambao Mlungu wanipha. Mutu mmwenga waona amana yokala ikafwitswa mundani, na achiona baha aifwitse zaidi. Na kpwa raha ariyokala nayo wakpwendaguza chila chitu arichokala nacho, achedzagula hura munda.

Mathayo 26:29

Nakuambirani, sindanwa tsona uchi wa zabibu hadi siku iyo ndiphounwa luphya phamwenga namwi kahi ya ufalume wa Baba.”

Mathayo 5:6

Baha ahirikao na ndzala na chiru ya kuhenda vira Mlungu alondavyo, mana mundamvuniswa.

Mahendo 8:20

Ela Petero achimuamba, “Angamika na zo pesazo! Unafikiri unaweza kugula zawadi yolaviwa bure ni Mlungu?

Arumi 3:24

ela kpwa sababu ya mbazize, Mlungu wakubali atu kukala na haki mbereze bila ya kuripha chochosi. Wahenda hivyo kpwa kumhuma Jesu Muokoli yekpwedzausa dambi zehu na achihukombola.

1 Akorintho 3:2

Kpwa vira kala tamdzangbwephera, yanihenda nikupheni maziya badala ya chakurya chigumu. Na hata sambi tamdzangbwekala tayari,

1 Petero 2:2

Vivi mkatata kare na mkaandza kumanya kukala Bwana ni mnono. Phahi, dza viratu ana atsanga aazavyo maziya ga nine zao, namwi kalani na chiru ya maziya manono ga chiroho ambago mchinwa mundaweza kuphera kpwa kummanya Mlungu chikpweli-kpweli.

Maono 21:6

Phahi achiniamba tsona, “Mambo vivi gakahendeka. Mimi ndimi Alifa na ndimi Omega, yani ndimi Mwandzo na ndimi Mwisho. Chila mutu ariye na chiru nindamupha madzi ga bure anwe kula pula za madzi, madzi garehago uzima.

Maono 22:1

Chisha ye malaika wanionyesa muho wa madzi garehago uzima, utulukao phara phenye chihi cha chifalume cha Mlungu na Mwana ngʼondzi. Nyo muho kala unangʼala-ngʼala dza chilolo.

Maono 22:17

Roho Mtakatifu na hiye bibi arusi wa Mwana ngʼondzi anamuiha Bwana anaamba, “Ndzo.” Na atu osi ndiosikira mambo higo naambe, “Ndzo.” Yeyesi ariye na chiru alondaye madzi, naaedze anwe bure madzi ga uzima.

Maono 3:18

Kpwa hivyo nakuambirani mugule vitu vivi kula kpwangu: Zahabu nono ya zosi ili mkale matajiri, kandzu nyereru mvwale ili mzibe vitsaha vyenu, na muhaso wa kutiya matsoni ili muone.

Ruthi 4:1

Chisha Boazi achendasagala hiko ryango ra mudzi phatu pha kuhendera mikutano. Ndipho hiye mʼbari wa Elimeleki ariyeambwa ni Boazi achitsapa na phapho, Boazi achimuiha achimuamba, “Ndzo hiku mwenehu husagale.” Phahi waphiya achendasagala.