Isaya 52:7 - Digo Bible

⁷ Vinahama sana kumuona muhumwa arehaye habari nono a ko myangoni aredza, iye atangazaye amani, arehaye habari nono za mambo manono, iye atangazaye wokofu, aambiraye atu a mudzi wa Sayuni, “Mlungu wenu anatawala!”

Isaya 52:7 Iomraidhean Croise

Zaburi 59:13

Aangamize katika tsukizizo, aangamize hadi asire tsetsetse ili atu amanye kukala Mlungu anatawala chivyazi cha Jakobo hadi pembe zosi za dunia.

Zaburi 68:11

Mwenyezi Mlungu walavya amuri naro jeshi kulu ra achetu achitangaza habari.

Zaburi 93:1

Mwenyezi Mlungu anatawala na akavwala nguma Mwenyezi Mlungu akavwala nguma na ana nguvu, dunia ikaikpwa imara taindasumba.

Zaburi 96:10

Gaambireni mataifa, “Mwenyezi Mlungu anatawala! Dunia yiimara taisumbisika. Andaamula mataifa na haki!”

Zaburi 97:1

Mwenyezi Mlungu anatawala, dunia naihererwe tsi za pwani nazikale na raha.

Zaburi 98:2

Mwenyezi Mlungu akahenda ushindiwe umanyikane, akaonyesa hakiye kpwa mataifa ganjina.

Zaburi 98:3

Akatambukira mendzwaye isiyosika na uaminifuwe kpwa nyumba ya Aiziraeli. Dunia yosi ikawoona ushindi wa Mlungu wehu.

Zaburi 99:1

Mwenyezi Mlungu anatawala, mataifa nagakakame. Chihiche cha chifalume chi dzulu ya makerubi dunia naisumbe.

Wira wa Selemani 2:8

Nasikira raka ra wende wangu, lola, hiyu aredza anaambuka myango na kuteremuka vidzangoni mairo.

Isaya 24:23

Dzuwa na mwezi undagbwirwa ni haya kpwa kukala Mwenyezi Mlungu, Mlungu wa majeshi andatawala hiko Mwango Sayuni, hiko Jerusalemu na akulu a atue andaona utukufuwe.

Isaya 33:22

Mwenyezi Mlungu ndiye muamuli wehu na mtawala wehu. Mwenyezi Mlungu ndiye mfalume wehu iye ndiye ndiyehutivya.

Isaya 40:9

Uwe ambaye unahubiri habari nono ko Sayuni, kpwera dzulu ya mwango mure. Uwe ambaye unahubiri habari nono Jerusalemu, kota kululu kpwa nguvu. Kota kululu, usiogophe, iambire midzi ya Juda, “Lolani, Mlungu wenu hiyu.”

Isaya 41:27

Nákala wa kpwandza kuwaambira mudzi wa Sayuni, ‘Lola, si hinya hipha!’ Nami nindaapha atu a Jerusalemu mjumbe wa kuarehera habari nono.

Isaya 42:11

Jangbwa na midziye naikote kululu, vidzidzi visagalavyo atu a Kedari navishangiliye. Atu a Sela naaimbe, naakote kululu kula kpwenye virere vya myango.

Mika 4:7

Aho ni dza viswere ario kure na kpwao, ela ndakala na mwandzo muphya na nyo ariosala, nao andakala taifa kulu. Mwenyezi Mlungu andaatawala kula mwango Sayuni hangu wakati uho hata kare na kare.

Nahumu 1:15

Mwi atu a Juda, lolani ko myangoni kuredza mutu mwenye habari nono. Iye anatangaza habari nono ya amani. Sherekeyani sikukuu zenu na kuusa naziri zenu. Atu ayi taandakuuyirani tsona mana andauswa kamare.

Nahumu 2:1

Adui ndiyekutsamula aredza chinyumecho uwe Ninawi. Rinda ngomezo na uchunguze njirazo. Tayarisha jeshiro kpwa ajili ya viha.

Zakariya 9:9

Hererwani sana, mwi atu a Sayuni! Kotani kululu, mwi atu a Jerusalemu! Lolani, mfalume wenu aredza, iye ni wa haki, chisha ni mshindi, iye ni mpole, naye akapanda dzulu ya punda, akapanda dzulu ya mwana punda.

Mathayo 25:34

“Chisha nindaambira hara atu ario uphande wa mkpwono wa kulume, ‘Ndzoni mosi muriojaliwa ni Baba, phokerani majaliwa mrigotengezerwa hangu kuumbwa kpwa dunia.

Mathayo 28:18

Chisha Jesu waasengerera phara kala aripho, achiaambira, “Náhewa uwezo wosi dzulu mlunguni na duniani.

Mariko 13:10

Na kabila dunia kuangamizwa, ni lazima habari nono kunihusu itangazwe kpwa atu a mataifa gosi.

Mariko 16:15

Ndipho achiaambira, “Phiyani chila phatu duniani mkatangaze habari nono kunihusu kpwa makabila gosi duniani.

Luka 2:10

Ela malaika achiaambira, “Msiogophe! Nkakureherani habari nono za raha sana kpwa atu osi.

Luka 24:47

Kpwa sababu yangu, kuandzira hipha Jerusalemu, atu a makabila gosi duniani andasikira kukala Mlungu anaswamehe dambi za osi anaokubali makosa gao na kumuuyira Mlungu.

Aefeso 6:15

Na habari nono kuhusu Jesu zirehazo amani zindakala dza virahu, ili muimeto.

Maono 11:15

Phahi yuya malaika wa sabaa wapiga gundare. Alafu násikira sauti za kululu hiko mlunguni, ambazo kala zinaamba, “Uwezo wa kutawala dunia ukahalwa ni Bwana Mlungu wehu na hiye Ariyetsambulwa Kuokola Atu. Naye andatawala hata kare na kare.”

Maono 14:6

Chisha nchiona malaika wanjina anauruka ko mainguni. Malaika hiye kala ana ujumbe mnono wa kare na kare kuambira atu akalao duniani, atu a tsi zosi na chila kabila dunia ndzima.