Isaya 50:4 - Digo Bible

⁴ Mwenyezi Mlungu akanifundza ga kugomba, ili niatiye moyo achioremwa. Chila ligundzu ananilamusa ili niphahe kuphundza mambo alondago kunifundza.

Isaya 50:4 Iomraidhean Croise

Ayubu 4:4

Manenogo gaterya iye yekala anagbwa, nawe wahenda mavwindi gasigo nguvu gakale na nguvu.

Zaburi 119:147

Nikurauka chiti na kuvoya msada, tumaini rangu nkariika kpwenye nenoro.

Zaburi 143:8

Ligundzu nanisikire kuhusu mendzwayo isiyosika, mana mino nakukuluphira uwe. Nionyesa njira ya kulunga mana moyo wangu nkauelekeza kpwako.

Zaburi 40:7

Ndipho nchiamba, “Himi nkedza, malagizo utakago nigbwire dza vyoandikpwa kunihusu kpwenye chitabu cha shariya.

Zaburi 45:2

Uwe u mnono kuriko anadamu osi; maneno ga mbazi nkutuluka kula mwako kanwani, kpwa mana Mlungu wakubariki hata kare na kare.

Zaburi 5:3

Ligundzu uwe Mwenyezi Mlungu, ukuphundza sauti yangu. Ligundzu nkukuvoya, chisha nkagodzera unijibu.

Zaburi 88:13

Ela ninakuririra uwe, ee Mwenyezi Mlungu, chila ligundzu nkukuvoya.

Misemo 12:25

Moyo uchihenda wasiwasi mwanadamu nkukosa raha, ela maneno manono ganachangamusha.

Misemo 15:23

Kulavya jibu nono kunafurahisha, ni ajabu kuphaha neno ra kufwaha kano unaphoritaka!

Misemo 25:11

Neno rilaviwaro wakati wa kufwaha ni dza matunda ga zahabu kpwenye chano cha feza.

Isaya 28:19

Rorosi ndirokpwedza rindakuphahani, chila siku, ikale mutsi, ikale usiku rindakuphahani.” Muchielewa ujumbe uhu mundatishirwa.

Isaya 28:9

Aho anaamba, “Andamfundza ani marifwa? Andamusemurira ani ujumbewe? Kpwani swino hu ana atsanga achiorikiswa, yani achiouswa linyahoni?

Isaya 35:5

Ndiphokpwedza, vipofu andahewa uwezo wa kuona na masito andasikira.

Isaya 40:29

Mwenyezi Mlungu nkuatiya nguvu achioremwa na kuapha anyonje uwezo.

Isaya 50:10

Ni ani kahi yenu amuogophaye Mwenyezi Mlungu, na kulunga kauli ya mtumishiwe? Ni iye anyendekaye jizani kusiko mwanga, kuno anamkuluphira Mwenyezi Mlungu na kuadamira Mlunguwe.

Isaya 54:13

Na anao osi andafundzwa ni Mwenyezi Mlungu, na akale na amani.

Isaya 8:16

Andika maneno gangu gosi na ugafunge na ugatiye muhuri higo nchigofundza anafundzi angu.

Jeremia 1:9

Ndipho Mwenyezi Mlungu achigolosa mkpwono achiniguta mromo chisha achiamba, “Lola, nkatiya maneno gangu mwako kanwani.

Jeremia 31:25

Mana ndamuoyeza iye ambaye moyowe ukaremwa na kuamvunisa achiogbwa na mtsare.

Ezekieli 46:13

“Andamlavira Mwenyezi Mlungu sadaka ya kuochwa, mwana turume wa mwaka mmwenga asiye na chirema, naye andailavya chila ligundzu.

Mathayo 11:28

“Ndzoni kpwangu mwimwi mosi mgayao na kuremererwa ni mizigo miziho, nami nindakuoyezani.

Mathayo 13:54

achiuya kpwao Nazareti, mudzi arikorerwa. Phahi ariphofika hiko, wainjira sinagogini na achiandza kufundza, na nyo atu ariphosikira mafundzoge, aangalala achiamba, “Waphahaphi marifwa higa na uwezo wa kuhenda vilinje?

Mathayo 22:46

Taphana ariyeweza kumjibu neno. Na hangu siku iyo atu osi aogopha kumuuza maswali zaidi.

Luka 21:15

kpwa mana nindakuphani maneno ga marifwa, ambago maadui genu gosi tagandaweza kugarema wala kugapinga.

Luka 4:22

Atu osi amtogola, na achiangalazwa ni manenoge mazuri achigogomba. Chisha achiuzana, “Yuno siye yuya mwana wa Yusufu?”

Johana 7:46

Hara arindzi achiamba, “Takudzangbwehenda mutu yegomba maneno dza higo achigogomba hiyu!”

Kumbukumbu 18:17

Naye Mwenyezi Mlungu achiniamba, ‘Achigogomba ni sawa.

Kumbukumbu 18:18

Ndazula nabii dza uwe kahi za ndugu zao enye. Nami ndaika maneno gangu mwakpwe mromoni naye andaambira gosi ndigomuamuru.