Isaya 5:23 - Digo Bible

²³ Atu arichirao enye makosa kpwa sababu ya kuhongbwa na kumlafya haki asiyekosa!

Isaya 5:23 Iomraidhean Croise

1 Afalume 21:13

Hara atu airi asiofwaha ainjira achisagala kulolana na Nabothi, chisha achimshitaki mbere za atu osi achiamba, “Nabothi akamkufuru Mlungu na mfalume.” Phahi, Nabothi waphirikpwa kondze ya mudzi, achiolagbwa kpwa kupigbwa na mawe.

2 Nyakati 19:7

Sambi phahi, kalani na hofu ya Mwenyezi Mlungu. Dzimanyirireni munagohenda, kpwa mana kpwa Mwenyezi Mlungu, Mlungu wehu takuna kuonera atu, wala kupendeleya, wala kuhongana.”

Zaburi 94:21

Ao nkuungana ili aangamize maisha ga atu a haki, na kuamula atu asio na makosa aolagbwe.

Misemo 17:15

Mwenyezi Mlungu nkuzira mutu aamulaye chiyehenda makosa kukala ana haki na asiye makosa kukala akakosera.

Misemo 17:23

Mutu mui nkuphokera hongo kpwa siri ili azuwiye haki isihendeke.

Misemo 24:24

Mutu amuambiraye mwenye makosa, “Kuna hatiya,” andalaniwa ni utsi na Mataifa gandamzira.

Isaya 1:23

Vilongozio ni aasi na ni asena a aivi osi anamendza kuhongbwa na kuhewa zawadi. Aho taakanira anachiya na taaphundza malau ga magungu.

Isaya 10:1

Shaka hiro kpwa hinyo atengezao shariya zisizo za haki, na aandikao amuri za kuonera atu

Isaya 10:2

ili kualafya achiya haki zao na kuonera atu angu kufuta magungu vitu vyao, na kuiyira anachiya.

Isaya 28:7

Alavyadzi-sadaka na manabii anadedeleka, na kuzuwa-zuwa kpwa sababu ya uchi. Anazuwa-zuwa kpwa sababu ya uchi, anadedeleka wakati wa kuona ruwiya, na anadzikpwala wakati wa kuhenda uamuli.

Isaya 29:21

Hinyo ni hara amuhendao mutu kukala mkosa na kumhehera mkosadzi hinyo nkumlafya haki mutu asiye makosa kpwa maneno ga handzo.

Isaya 32:7

Njira za mutu wa handzo ni mbii. Anapanga hila, ili aangamize achiya na agayi, kpwa kulavya ushaidi wa handzo hata napho enye analalamikira haki.

Isaya 59:15

Kpweli taipho na iye arichaye uyi anakala muindzwa. Mwenyezi Mlungu waona kala takuna uamuli wa haki, vivyo taviyamuhamira.

Amosi 5:12

Mana namanya vyo makosa genu garivyo manji, na vyo dambi zenu zirivyo kulu, mwimwi munaonera atu a haki na kuhala hongo, na kuzuwiya agayi asiphahe haki zao mo kotini.

Mika 3:11

Vilongozie anaamula kpwa kuphokera hongo, alavyadzi-sadaka anafundza kpwa maripho, manabiie anatabiri kpwa kuphokera pesa. Chisha achere mtegemea Mwenyezi Mlungu kpwa kuamba, “Si Mwenyezi Mlungu a phamwenga naswi, taphana mashaka ndigohuphaha.

Mika 7:3

Aho anaujuzi wa kuhenda mai. Akulu analonda zawadi, muamuli anavoya hongo atu ario na uwezo nkuahenda aamuli aahende vira alondavyo nao osi nkupanga njama phamwenga.

Mathayo 23:35

Kpwa hivyo mundatiywa adabu kpwa sababu ya atu osi arioolagbwa ariokala taana lawama, hangu chifo cha Abeli ambaye kayakala na lawama hadi Zakariya mwana wa Barakiya, ambaye mwamuolaga mbere za Nyumba ya Kuvoya Mlungu, kahi-kahi ya iyo nyumba na phatu pha kulavira sadaka.

Kumbukumbu 16:19

Amulani na haki, msikale na upendeleo, wala msikubali kuphokera hongo, kpwa kukala hongo rinahenda atu enye ikima akale vipofu na kugaluza kpweli ya enye haki kukala handzo.

Jakobo 5:6

Mwaamula na mchiaolaga atu a haki, ambao kala taana uwezo wa kukupingani.