Isaya 5:2 - Digo Bible

² Watiga na achiusa mawe gosi achiphanda mizabibu minono. Pho kahi-kahi ya nyo munda wadzenga uringo wa mrindzi na achitengeza phatu pha kuminyira zabibu. Chisha achigodza phavyalwe zabibu nono, ela zichivyalwa za koma.

Isaya 5:2 Iomraidhean Croise

2 Samueli 7:10

Nami ndaatsamburira phatu atu angu Iziraeli phatu pha kuishi, niahende asagale phapho, ili phakale phao enye. Nao taandauswa tsona, na atu ayi taandagayisa tsona dza arivyohenda pho kare,

Nehemia 13:15

Siku zizo náona atu ko Juda anaminya zabibu Siku ya Kuoya. Anjina nao anapandiza mizigo ya mtsere, uchi, tini na mizigo ya chila aina dzulu ya punda, achedza nayo Jerusalemu Siku ya Kuoya. Phahi náakanya kukala asihale Siku ya Kuoya na kuihenda siku ya chete.

Zaburi 80:8

Uwe wareha mzabibu kula Misiri uchizola atu a mataifa ganjina, nawe uchiuphanda.

Zaburi 80:9

Waurimira phatu nao wahenda mizi yogota tsi yosi.

Kutsama 33:16

Ichikala kundaphiya naswi, atu andamanyadze kukala mimi phamwenga na atuo hunakuhamira? Ni chitu chani ambacho chindatafwautisha atuo kula kpwa kundi ra atu ririro duniani?”

Isaya 1:8

Mudzi wa Jerusalemu ukarichwa dza muweka kpwenye munda wa mizabibu dza chibanda kpwenye munda wa matikiti madzi dza mudzi uchiozangirwa.

Isaya 5:7

Mana munda wa mizabibu wa Mwenyezi Mlungu, Mlungu wa majeshi ni nyumba ya Aiziraeli na atu a Juda, ndio mbeyu yomhamira. Iye walola aone uamuli wa haki ela achiona uolagadzi, badala ya haki, achiona chiriro!

Jeremia 11:17

Iye Mwenyezi Mlungu, Mlungu wa majeshi ariyekuphanda, ndiye achiyekupangira mai gaga, kpwa uyi wa kufukizira Baali uvumba uriohendwa ni atu a Iziraeli na a Juda.”

Jeremia 2:21

Tsona mimi nakuphanda dza mzabibu mnono, mzabibu wa kupwipwita na wa mbeyu nono. Vino ukagalukadze kukala muhi usiofwaha, mzabibu wa tsakani?

Hosea 10:1

Aiziraeli akala dza mzabibu uriowanda vinono, uvyalao zabibu kpwa unji. Dza zabibu zirivyoenjerezeka, ndivyo arivyoenjereza mwatu mwa kulavira sadaka. Dza tsi yao irivyoenjerezeka kukala tajiri, ndivyo arivyozidi kupamba zo nguzo za kuabudira.

Mika 4:8

Na hiko Jerusalemu ambako Mwenyezi Mlungu anarinda atue, dza mrisa arindavyo mifugoye kula mnara wa urindzi, kundakala tsona mudzi mkpwulu wa ufalume wa Iziraeli. Mwango wa mwana mchetu wa Sayuni, undauyizirwa utawalao wa kare, yani ufalume wa mwana mchetu wa Jerusalemu.”

Isabu 23:9

Kula kpwenye virere vya myamba ninaona atu, ninaaona kula vidzangoni. Ninaona atu asagalao machiyao, anaodziona kukala atafwauti na mataifa ganjina.

Mathayo 21:19

Waona muhi uihwao mtini kanda-kanda ya njira, achiaphuka kpwendalola tini, ela kayakuta chochosi ela makodza mahuphu. Alafu waulani hura muhi achiamba, “Kundavyala tsona bii!” Na phapho hipho hinyo muhi wanyala uchiuma.

Mathayo 21:33

Jesu achiamba, “Phundzani ndarira yanjina. Kpwakala na mutu mmwenga yephanda mizabibu mwakpwe mundani. Achiizungulusira lichigo, achitsimba phatu pha kuminyira zabibu, na piya achidzenga uringo. Chisha hura munda achiukodishira akurima, naye mwenye achiphiya tsi yanjina.

Mathayo 21:34

Wakati wa kuvuna zabibu uriphofika, yuya mchina-munda wahuma atumishie aphiye kpwa hara akurima ariokodisha mundawe, ili akahewe fungure ra mavuno.

Mariko 11:13

Waona muhi uihwao mtini kure chidide, uriokala na makodza, achiaphuka kpwendalola ichikala wavyala. Ela ariphofika hipho wakuta makodza mahuphu, mana kala sio msimu wa tini.

Mariko 12:1

Chisha Jesu wahumira ndarira kugomba na hara vilongozi a Chiyahudi. Achiambira, “Kpwakala na mutu mmwenga yephanda mizabibu mwakpwe mundani. Achiizungulusira lichigo, achitsimba phatu pha kuminyira zabibu, na piya achidzenga uringo. Chisha hura munda achiukodishira akurima, naye mwenye achiphiya tsi yanjina.

Mariko 12:2

Wakati wa kuvuna zabibu uriphofika, yuya mchina-munda wahuma mtumishiwe aphiye kpwa hara akurima ariokodisha mundawe, ili akahewe fungure ra mavuno.

Arumi 9:4

Hinyo ni Aiziraeli, ambao Mlungu waahenda akale anae, achiaonyesa ngumaye na achiika vilagane nao. Tsona achiapha Shariyaze, ahadize, na malagizo ga vira anavyolondwa kumuabudu.

1 Akorintho 9:7

Ni asikari yuphi adziriphiraye mwenye wakati a kazini? Takuna hata mmwenga. Ni mkurima yuphi ambaye karya matunda ga mwakpwe mundani? Takuna. Tsona ni mrisa yuphi asiyefwaha kunwa maziya ga mifugo ya tajiriwe?

Kumbukumbu 32:6

Mwi atu apumbavu na msio achili, munawezadze kumripha hivyo Mwenyezi Mlungu? Dze, ye siye sowe yenu ariyekuumbani, ariyekutengezani na kukuimarishani?

Aamuli 16:4

Bada ya higa, Samsoni wammendza mchetu yeihwa Delila yeishi Dete ra Soreki.