Isaya 5:14 - Digo Bible

¹⁴ Kpwa hivyo kuzimu kukaenjereza hamuye na kufwenula kanwaye zaidi. Enye vyeo a Jerusalemu na umatiwe wosi undatserera mumo. Phamwenga na amendzao kulumba na amendzao kuhenda sharee.

Isaya 5:14 Iomraidhean Croise

Zaburi 49:14

Andaphirikpwa kuzimu dza mangʼondzi, chifo chindakala avi ni mrisa wao, andatserera mbirani mwenga kpwa mwenga, miri yao indaola kuko, kuzimu kundakala makalo gao.

Zaburi 55:15

Baha gakafwa higo maadui gangu, kamwe nagaphiye kuzimu kuno ganalola mana mioyo yao ikaodzala uyi.

Misemo 1:12

Hundaamiza azima-azima dza kuzimu, tsona wakati achere moyo, andakala dza vira atsererao kuzimu.

Misemo 27:20

Kuzimu na dibwa rinarobananga taritosheka, dza viratu matso ga anadamu gasivyo shiba.

Misemo 30:16

Kuzimu, ndani ya mchetu tasa, tsi isiyoshiba madzi, na moho usioamba, “Ni bahi!”

Isaya 14:11

Ngumayo ikatserezwa hadi kuzimu, phamwenga na sauti za ngephephe. Mabulu gakakala chitandacho na dzulu ukabwiningizwa ni minyololo.

Isaya 14:9

Kuzimu kukadzipanga kare kukuphokera ndiphofika uwe mfalume wa Babeli. Kunalamusa koma za akareo zikale tayari kukuphokera, osi ariokala akulu a dunia. Kunahenda osi ariokala afalume a mataifa aunuke kula kpwenye vihi vyao vya utawala.

Isaya 21:4

Moyo wangu unaphiya mairo, ninakakama kpwa wuoga, chidzuwa cha dziloni chokala nachilonda, vivi chinaniogofyera.

Isaya 24:8

Sauti za tamburini, mawira ga raha za ngephephe, na ngoma zikasika.

Isaya 30:33

Phatu pha kuochera lufu ra mfalume phatayarishwa hangu kare. Dibwa hiro ni pana tsona ra china. Phana kuni nyinji chizopangbwa kare. Mwenyezi Mlungu andaasa moho kpwa pumuziye dza moho wa chibiriti.

Ezekieli 7:12

Wakati hinyo uredza na siku ikafika phephi. Mguli naasihererwe kpwa kuphunguzirwa bei na aguzaye asisononeke kpwa kuphaha hasara, mana Mlungu akatsukirirwa atu osi.

Danieli 5:30

Usiku uho Belishaza, mfalume wa Kalidayo achiolagbwa.

Nahumu 1:10

Dza miya ichiyolingana-lingana na mibuwa mifu, mwimwi alevi mundaochwa.

Habakuki 2:5

Uchi unamchenga, kpwa kudzikaryakpwe kandaoya bii. Kpwa kukala ni mtoni, katosheka dza kuzimu na chifo, anaakusanyira mataifa ganjina gosi na anateka atu osi akale akpwe.”

Mathayo 7:13

“Mchilonda kuona uzima, humirani ryango mphutsu. Mana mryango uphiyao mohoni ni mpana na njiraye i wazi, nao atu anji ndio aihumirayo.

Luka 17:27

Wakati wa Nuhu atu kala achirya na kunwa, kala achilóla na kulólwa, hadi siku Nuhu ariphoinjira safina, alafu mafuriko gachedza, na gachiolaga atu osi.

Luka 21:34

“Dzimanyirireni sedze mkavwererwa ni kurya kunji, kulewa, na shuuli za maisha, ama siku ya mwisho indakpwedzakugbwirani gafula