Isaya 5:10 - Digo Bible

¹⁰ Eka kumi za mizabibu zindatuluza lita mirongo miiri na mbiri tu za uchi, na kaphu kumi za mbeyu zindatuluza mtsere kaphu mwenga bahi.”

Isaya 5:10 Iomraidhean Croise

Kutsama 37:22

Kpwa hivyo higo mafundo, na zo panda na cho chinara chenye waviunda na zahabu swafi yobandwa, na achivihenda chitu chimwenga.

Isaya 32:13

na kpwa sababu ya tsi ya atu angu ambayo i tele miya. Sononekani kpwa sababu ya nyumba zenye raha kpwenye mudzi wenye raha wa Jerusalemu.

Isaya 7:23

Siku iyo chila phatu phokala na mizabibu elufu mwenga ambayo garamaye ni dza vipande elufu mwenga vya feza, phandakala miya na vikpwata.

Jeremia 48:33

Kuhamirwa na kuhererwa kukauswa kula yo tsi ya Moabu ya vyunga vya matunda; Nikahendesa uchi usijere kula pho phatu pha kuminyira zabibu; taphana mutu aziminyaye na njerejere; dzagbwe kuna kululu, ela sizo za kuhererwa.”

Joeli 1:17

Mbeyu zaola mitsangani, nyumba za kuikira vitu zikakala magandzo. Vitsaga ni vihuphu mana takuna mavuno ga kuika.

Alawi 26:26

Chakurya chenu ndachiphunguza hadi achetu kumi ahumire figa mwenga tu kujita mikahe na akuganyireni kpwa chipimo. Namwi mundarya ela tamundamvuna.

Alawi 27:16

“Mutu achitenga seemu ya mundawe, kpwa ajili ya Mwenyezi Mlungu, phahi, beiye indapimwa kulengana na chiasi cha mbeyu zinazohumirwa kuphanda munda hinyo. Kpwa chila kilo gana mwenga za shayiri beiye indakala vipande mirongo mitsano vya feza.

Hagai 1:6

Mnaphanda kpwa unji ela munavuna chichache. Kurya munarya ela tammvuna. Kunwa munanwa ela tamuna uchi wa kutosha kualevya. Nguwo munavwala ela mnyevu munao. Mishahara munaphokera ela ni kama avi munaitiya mifuko yenye tundu.”

Hagai 2:16

Wakati hinyo mutu kala anaweza kuwaga nganu kuno ana matumaini ga kuphaha magunia mirongo miiri ela akaphaha kumi. Wanjina yekala anaweza kuminya zabibu na matumaini ga kuphaha mifuko mirongo mitsano, ela akaphaha mirongo miiri bahi.’”

Kumbukumbu 28:38

Undaphanda mbeyu nyinji ela undavuna chidide tu kpwa sababu ndzije andarya mavunogo.

Kumbukumbu 28:39

Undaphanda mizabibu na kuitundza, ela kundavuna mizabibu iyo wala kunwa uchiwe, mana adudu andairya.