Isaya 49:10 - Digo Bible

¹⁰ Taandakala na ndzala wala chiru, taandapigbwa ni dzuwa ra weruni, mana iye aaoneraye mbazi, andaalongoza, kanda-kanda za vidzuho vya madzi.

Isaya 49:10 Iomraidhean Croise

Isaya 14:1

Mwenyezi Mlungu andaaonera mbazi atu a chivyazi cha Jakobo na aatsambule tsona akale atue. Andaauyiza edze asagale kpwenye tsi yao na ajeni andakpwedza agbwirane nao asagale phamwenga.

Isaya 25:4

Mana ukakala ngome ya agayi, ngome ya hiye anayehitaji wakati wa hajaye. Phatu pha kuchimbirira wakati wa tabu; pepho wakati wa dzuwa kali mana pumuzi ya hinyo atishao ni dza phuto ripigaro ukuta,

Isaya 32:2

Chila mmwenga wao andakala dza phatu pha kudzifwitsa pha kudzichinga na phuto kali, dza chidzuho cha madzi hiko jangbwani na dza pepho ya mwamba mkpwulu wakati wa dzuwa ngerengere kpwenye tsi isiyomera chitu.

Isaya 33:16

ndio ambao andasagala dzulu, phatu pharipho salama, na chimbiriro rao rindakala ngome iriyo mwambani. Andakala na chakurya na madzi ga kutosha wakati wosi.

Isaya 35:6

Viswere nao andaweza kutinatina dza kulungu na bubu andaimba na raha. Weruni kundazembuka pula za madzi na jangbwani kundajera myuho.

Isaya 35:7

Tsi ichiyokola dzuwa indakala ziya ra madzi, mtsanga uchiouma kpwa kukosa mvula undagota vidzuho vya madzi. Hiko kusagalako diya-mbewa magugu manji gandamera.

Isaya 4:6

Ro ingu rindakala pepho wakati wa mutsi, chimbiriro na phatu pha kuowa mvula na kudziziba phuto.

Isaya 40:11

Andarisa mifugoye dza mrisa, andakusanya ana ngʼondzi mwakpwe mikononi, na kuaika phakpwe lagani, na riamwisaro andarilongoza pore-pore.

Isaya 41:17

Achiya na akutsowa anaendza madzi ela taphana, chila mmwenga lilimire rikakpwalala kpwa chiru. Mimi Mwenyezi Mlungu nindaajibu, mimi Mlungu wa Iziraeli sindaaricha.

Isaya 43:19

Lola, ninahenda dzambo dziphya, vivi rindadzituluza, dze, tamundariona? Nindatengeza njira weruni na myuho ko jangbwani.

Isaya 48:17

Mwenyezi Mlungu, Mkombolio, Mtakatifu wa Iziraeli anaamba hivi, “Mimi, ndimi Mwenyezi Mlungu, Mlunguo nikufundzaye ili uongokerwe, nikulongozaye kpwenye njira ufwahayo kuilunga.

Isaya 48:21

Taayasikira chiru ariphoalongoza ko jangbwani, waatuluzira madzi kula mwambani. Waahula mwamba, madzi gachijera kpwa nguvu.”

Isaya 51:14

Aho ariotekpwa achendafungbwa andavugulwa upesi. Taandafwa na kuzikpwa wala taandakosa chakurya.

Isaya 52:12

Mana tamundatuluka upesi, na kuhenda wangbwi wa kuchimbira, mana Mwenyezi Mlungu andakutanguliyani na Mlungu wa Iziraeli andakala nyuma zenu akurindeni.

Isaya 54:10

Dzagbwe myango indasumbiswa na vidzango vindauswa, ela sindaricha kukuonyesa mendzwa yangu isiyosika, chisha sindavundza chilagane changu cha kukala ndakupha amani,” Mwenyezi Mlungu aambavyo.

Isaya 54:8

Kpwa tsukizi nyinji nakufwitsa uso wangu kpwa muda mfupi, ela kpwa mendzwa ya kare na kare, nindakuonera mbazi,” Mwenyezi Mlungu mkombolio aambavyo.

Isaya 58:11

Naye Mwenyezi Mlungu andakulongoza siku zosi, na kutosheleza mahitaji kahi ya tsi kavu, na kuitiya nguvu mifuphayo, nawe undakala dza munda wenye madzi, na dza chisima sichouma madzi.

Isaya 65:13

Kpwa hivyo Mwenyezi Mlungu anaamba hivi, “Lola, atumishi angu aniabuduo na kuniogopha andarya, ela mwimwi mundakala na ndzala. Atumishi angu andanwa, ela mwimwi mundasala na chiru. Atumishi angu andahererwa ela mwimwi mundagbwizwa waibu.

Jeremia 31:9

Andauya na ndiro, kuno anavoya mavoyo ga kutubu. Nindaalongoza na kanda-kanda za vidzuho vya madzi, ndaalongoza na njira ya kugoloka ili asikpwale. Mana mimi ndimi ise wa Iziraeli, na Efuraimu ni mwana mlume wa kpwandza.”

Ezekieli 34:23

Nami ndagaikira mrisa mmwenga dza mtumishi wangu Daudi, naye andagarisa. Iye andagarisa, naye andagaroroma na kukala mrisa wao.

Jona 4:8

Dzuwa ririphotuluka Mlungu achireha phepho ra dzoho kula mlairo wa dzuwa uchipiga. Dzuwa kali richimpiga Jona chidide afwe purungire achiamba, “Baha nifwe kabisa kuriko kukala moyo.”

Mika 7:14

Longoza atuo dza mrisa amanyiriravyo mifugo kuhumira fwimboye, hinyo ario dza mifugo ya urisio. Aho asegere tsakani machiyao, kpwenye tsi ambayo taidzangbwerimwa, ichiyozungulukpwa ni marisa manono. Ariche akasagale tsi ya rutuba ya Bashani na Giliadi, dza arivyohenda hipho mwandzo.

Mathayo 5:6

Baha ahirikao na ndzala na chiru ya kuhenda vira Mlungu alondavyo, mana mundamvuniswa.

Johana 6:35

Phahi Jesu wagomba chingʼangʼa achiamba, “Mimi ndimi hicho chakurya chirehacho uzima. Yeyesi edzaye kpwangu kandasikira ndzala tsona tse! Na ndiyenikuluphira, kpwa kpweli kandasikira chiru bii!