Isaya 47:9 - Digo Bible

⁹ Ela mambo gaga mairi, kufwererwa ni ana na kukala gungu, gandakuphaha gafula siku mwenga. Dzagbwe u mtsai na mgbwanga mkpwulu, mambo higa gosi gandakuphaha.

Isaya 47:9 Iomraidhean Croise

Zaburi 73:19

Anaangamizwa gafula na kutsuphiwa kure kpwa vitisho.

Isaya 13:16

Ana aho andabandwa-bandwa myambani kuno enye analola, vitu vya mwao madzumbani vindahalwa na achetu aho agbwavukirwe.

Isaya 21:9

Lola, kuredza kundi ra atu, kundi ra anajeshi akuhumira farasi, aredza airi-airi.” Naye achilavya habari achiamba, “Utawala wa Babeli ukagbwa, na vizukavye vyosi vya milunguye vikavundzwa-vundzwa na kubwagbwa photsi.”

Isaya 47:11

Kpwa sababu iyo undaphahwa ni mafwa, nawe kundamanya ugausedze. Undaphaha hasara ambayo kundaweza kuyiepuka. Na ubanangi undakpwedzera gafula, ambao uwe kuutarajiya.

Jeremia 15:9

Iye ariyevyala ana sabaa andafwa purungire na kukata roho. Andatswererwa ni dzuwa wakati kuchere mutsi, akagbwizwa haya na kuangalala. Nyo ndiosala ndaaolaga na upanga mbere za maadui gao, mimi Mwenyezi Mlungu nkaamba.’ ”

Jeremia 51:29

Tsi inakakama na kusumba kpwa utsungu, mana lengo ra Mwenyezi Mlungu kuhusu Babeli richerepho ra kuihenda tsi ya Babeli kukala gandzo, tuphu bila ya atu.

Danieli 2:2

Ndipho ye mfalume achilagiza aganga, apigi a mburuga, atsai na enye ikima a Kalidayo edze amuambire yo ndoso ariyoiloha. Nao akpwedzaima mbere.

Danieli 4:7

Ndipho aganga, apigi a mburuga, enye ikima a Kalidayo na ajuzi a nyenyezi akpwedza, nchiasemurira yo ndoso, ela taphana ariyeweza kuniambira manaye.

Danieli 5:30

Usiku uho Belishaza, mfalume wa Kalidayo achiolagbwa.

Danieli 5:7

Mfalume wakota kululu areherwe apigi a mburuga, enye ikima a Kalidayo na atu enye ujuzi wa nyenyezi. Ariphorehwa, mfalume achiambira nyo enye ikima a Babeli, “Mutu yeyesi ndiyeweza kusoma maandishi gaga na kuniambira manaye, andavwikpwa vwazi ra rangi ya zambarau na mkpwufu wa zahabu mwakpwe singoni chisha andakala mutu wa hahu kpwa cheo kahi ya ufalume.”

Nahumu 3:4

Gaga gosi gandakala mana uwe Ninawi ukakala malaya. Ukavutiya atu kpwa utsaio ukahenda atu a mataifa ganjina kukala atumwa kpwa umalayao na utsaio.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”

Maono 22:15

Ela atsai osi, adiya, aolagadzi, aabuduo vizuka na anjina osi amendzao kugomba handzo, andakala kondze ya hinyo mudzi dza viratu madiya.

Ruthi 1:20

Achiamba, “Msiniihe Naomi, niihani Mara, mana Mwenye Nguvu Zosi akahenda maisha gangu gakale utsungu.

Ruthi 1:5

Badaye Maloni na Kilioni nao achifwa na Naomi achirichwa gungu bila mlume wala ana.