Isaya 47:6 - Digo Bible

⁶ Kala nkaatsukirirwa atu angu, nchiahenda atu ambao kala ni urisi wangu akale najisi, nchiatiya mwako mikononi, nawe kuyaaonera mbazi. Hadi nyo atumia uchiatsukuza mizigo miziho.

Isaya 47:6 Iomraidhean Croise

2 Samueli 24:14

Daudi achimuamba Gadi, “Nkainjira kpwenye mashaka makulu, baha hutiywe adabu ni Mwenyezi Mlungu, mana mbazize ni nyinji, ela usiniriche nkatiywa mikononi mwa anadamu.”

2 Nyakati 10:11

Ichikala baba wakuhikani mizigo miziho phahi mino ndakuhikani miziho sana. Baba wakutiyani adabu na vikoto, ela mino ndakutiyani adabu na mchira wa tala.”

2 Nyakati 28:9

Ela Odedi nabii wa Mwenyezi Mlungu kala asagala hiko. Iye watuluka ili akutane na hiro jeshi ririrokpwedza Samariya, achiriambira, “Hebu lolani! Mwenyezi Mlungu, Mlungu wa akare enu kala akatsukizwa ni atu a Juda ndio mana achiatiya mwenu mikononi, ela mwino mkaaolaga kpwa ukatili hadi Mlungu akasononeka.

2 Nyakati 36:17

Ndipho Mwenyezi Mlungu achihuma Nebukadineza mfalume wa Babeli kpwendashambuliya Jerusalemu. Nebukadineza waolaga mabarobaro aho ambao kala a phatu phatakatifu, wala kayaonera mbazi mutu yeyesi, si mchetu wala mlume, si mvyere wala mdide. Mlungu waatiya osi mkpwononi mwa Nebukadineza.

2 Nyakati 36:20

Hara ambao atiya upanga waateka achiphiya nao Babeli, achendakala atumwa a mfalume na a anae hadi uriphomenya utawala wa Pashia.

Ezira 5:12

Ela kpwa kukala akare ehu amreyeza Mlungu ariye dzulu mlunguni, waatiya mikononi mwa Nebukadineza, Mkalidayo, mfalume wa Babeli. Iye ndiye ariyebomola yo nyumba na achiahala mateka nyo atu achiaphirika Babeli.

Zaburi 69:26

Mana anaagayisa hinyo urioatiya adabu, na hinyo urioatiya vironda anaalumiza zaidi.

Isaya 10:6

Nkaahuma akapige atu asiomendza Mlungu, akashambuliye atu anitsukizao, ahale zewe na kutsukula vitu, na naavyoge-vyoge barabarani dza matope.”

Isaya 13:16

Ana aho andabandwa-bandwa myambani kuno enye analola, vitu vya mwao madzumbani vindahalwa na achetu aho agbwavukirwe.

Isaya 14:17

Yuno ndiye ariyehenda dunia isale tuphu na midziye ikale magandzo? Dze, ndiye yerema kurichira matekae auye kpwao?’

Isaya 14:6

Ariyepiga atu a mataifa ganjina na tsukizi nyinji, na mashaka gasigo na mwisho. Watawala atu a mataifa ganjina na tsukizi, na achiagayisa vivyo kpwa vivyo.

Isaya 43:28

Kpwa hivyo, nindaahenda akulu a phatu phatakatifu akale najisi, na nindamuhenda Iziraeli aangamizwe, na Jakobo, afyorerwe.”

Jeremia 50:42

Ana silaha za maha na mafumo, ni majaili na taana mbazi, ana mvumo dza maimbi ga bahari, wakati akapanda farasi ao, akadzipanga dza mutu ariye tayari na viha, kupigana na uwe mwana mchetu wa Babeli!

Sonono za Jeremia 1:14

Dambi zangu zafungbwa kpwenye gogolo, kpwa mikonoye wazifunga phamwenga, nazo achinivwika mwangu singoni. Akanihenda nisirirwe ni mkpwotse. Mwenyezi Mlungu wanilavya mikononi mwa nyo ambao siaturya.

Sonono za Jeremia 1:21

Aho akasikira vyo niulavyo, taphana wa kuniphoza marenda maadui gangu gosi gakasikira kuhusu mashaka gangu, aho akahamirwa ni kukala ukanihenda hivyo. Rehe yo siku uriyotangaza, uahende dza vyo urivyonihenda.

Sonono za Jeremia 2:2

Mwenyezi Mlungu akabomola-bomola bila mbazi makalo gosi ga Jakobo. Kpwa tsukizize akabomola ngome za mwana wa chichetu wa Juda. Akatsereza hadi photsi utawalawe na vilongozie.

Sonono za Jeremia 4:16

Mwenyezi Mlungu mwenye akaatsamula, naye kandaajali tsona, alavyadzi-sadaka taandahewa tsona ishima, na atumia taandaonerwa mbazi tsona.

Sonono za Jeremia 5:12

Vilongozi afungbwa mikowa mikononi achileweswaleweswa, atumia taahewa ishima.

Ezekieli 24:21

Aambire Aiziraeli, ‘Mwenyezi Mlungu anaamba hivi: Lola, ni phephi kuphanajisi phatu phangu phatakatifu ambapho phana kuhendani mdzikarye, phatu ambapho munaphamendza na phana hamira matso genu. Chisha ana enu a chilume na a chichetu ariorichwa andaolagbwa na upanga.

Ezekieli 28:16

Kpwa unji wa bisharazo uchikala mutu wa fujo na uchihenda dambi. Ndipho nchikuzola kpwa waibuo kpwenye mwango wa Mlungu, nami nchikuusa, uwe kerubi mrindzi, kula kahi-kahi ya mawe ga samani ga kumeka-meka.

Obadiya 1:10

Kpwa sababu ya uyi muriohendera ndugu zenu ana a Jakobo mundaaibishwa; na mʼbanangbwe hata kare na kare.

Obadiya 1:16

Mwenyezi Mlungu waenderera kuamba, “Mana dza viratu atu a Juda arivyophaha mashaka dzulu ya mwango wangu mtakatifu, mataifa ganjina gosi gandagaya dza vivyo andagaya kpwa kugaya hadi asire tsetsetse ikale avi taayakalapho hipha duniani.

Zakariya 1:12

Ndipho ye malaika wa Mwenyezi Mlungu achiamba, “Ee Mwenyezi Mlungu, Mlungu wa majeshi undaonera mbazi rini mudzi wa Jerusalemu na midzi ya Juda? Mana ukaitsukirirwa kpwa muda wa miaka mirongo sabaa.”

Zakariya 1:15

Ela nagatsukirirwa sana mataifa ganjina ganagodziona ga salama. Mimi kala nikaitsukirirwa Iziraeli chidide tu, ela go mataifa ganjina gachiaenjerezera mateso.”

Mathayo 7:2

Mana vyo ndivyoamula ayawenu, namwi mundaamulwa vivyo. Na chipimo mpimiracho ayawenu, ndicho ndichopimirwa mwimwi.

Kumbukumbu 28:50

Atu a taifa hiro andakala na nyuso siru. Taandaishimu atumia wala kuonera mbazi mabarobaro.

Jakobo 2:13

Mana mutu yeyesi ambaye kandamuonera mbazi myawe, naye kandaonerwa mbazi. Ela uchionera mbazi ayao, naye Mlungu andakuonera mbazi siku ya chiyama.