Isaya 47:2 - Digo Bible

² Hala lala usage unga, vula tadziyo, sega rindaro na uvule johoro, na uvuke myuho.

Isaya 47:2 Iomraidhean Croise

Mwandzo 24:65

na achimuuza yuya mtumishi wa Burahimu, “Ni ani yuya edzaye kuhuchinjira kuno weruni?” Ye mtumishi achimuamba, “Ni bwana wangu.” Hipho Rebeka wahala mtandiyowe na achidzifwinika uso.

1 Nyakati 19:4

Phahi Hanuni waahala nyo atumishi a Daudi, achianyola vyeru vyao, nguwo zao achizikata kahi-kahi hadi mahakoni, chisha achiarichira aphiye vyao.

Ayubu 31:10

phahi mkpwazangu naamjitire mutu wanjina, na alume anjina naalale naye.

Kutsama 11:5

Na ana avyere a chilume a Misiri andafwa, hangu mwana mvyere wa chilume wa mfalume atawalaye, hadi mwana mvyere wa chilume wa mtumwa wa chichetu, ambaye kaziye ni kusaga mtsere, phamwenga na nyo ana avyere osi a mifugo.

Muhubiri 12:4

Mtambukire kabila miryango ya njira kulu taidzangbwefungbwa, na sauti ya lala taidzangbwephunguka. Wakati ambapho undakala kusikira vinono sauti za mawira ela undalamuswa ni sauti ya nyama wa mapha.

Isaya 20:4

ndivyo mfalume wa Ashuru ndivyolongoza mateka a Misiri na Kushi, avyere kpwa adide. Mateka hinyo andaphiya chitsaha tsona bila virahu. Mahako gao gandakala wazi, dzambo ra waibu kabisa kpwa Misiri.

Isaya 3:17

Kpwa hivyo Mwenyezi Mlungu andaatiya achetu a Sayuni vironda mwao vitswani. Iye andaavula nguwo.”

Isaya 3:23

vilolo, nguwo za katani, nguwo za chitswa na utaji.

Isaya 32:11

Kakamani mwi achetu enye raha, kakamani na wuoga mwimwi msagalao raha msitarehe. Vulani nguwo zenu mvwale magunia.

Jeremia 13:22

Na mo mwako moyoni uchiamba, “Kpwadze nkafikpwa ni mambo higa?” Mambo gaga gakahendeka kpwa sababu ya uyio ndiyo mana nguwoyo ikasegbwa na kuhendwa vibaya.

Jeremia 13:26

Mimi mwenye ndimi ndiyekusega nguwoyo na atu andaona waibuo.

Jeremia 25:10

Ndausa zo sauti za furaha na kuhererwa, yani njerejere zipigirwazo bwana arusi na bibi arusi, na niuse sauti za lala, piya ndausa mwanga wa taa.

Jeremia 27:7

Mataifa ganjina gosi gandamuhumikira iye, mwanawe wa chilume na mdzukuluwe hadi wakati ndiphofika ambapho tsiiye indakala tsini ya mataifa ganjina na afalume anjina enye mkpwotse.

Sonono za Jeremia 5:13

Barobaro anashurutishwa kusaga na lala avulana anadedeleka kpwa mahiha maziho ga kuni.

Hosea 2:3

nisedze nikamvula nguwo akakala chitsaha dza arivyovyalwa. Chisha nimuhende akale dza jangbwa, dza tsi ya chitsapi, na nimuolage na chiru.

Mika 1:11

Mwimwi msagalao Shafiri tsapani chitsaha na enye kuodzala waibu. Hinyo asagalao Zaanani taandatuluka kondze ya mudzi Bethi-Eseli inasononeka, urindziwe ukauswa ko kpwenu.

Mathayo 24:41

Achetu airi andakala anasaga, mmwenga andahalwa na wanjina arichwe.

Luka 17:35

Achetu airi andakala anasaga, mmwenga andahalwa na wanjina andarichwa.

1 Akorintho 11:5

Naye mchetu avoyaye ama kulavya unabii wakati atu akakutana kpwa mavoyo bila ya kudzifwinika chitswa, anaibisha chitswache, yani mlumewe. Mana hinyo ni waibu sawa na mchetu kunyolwa chiphala.

Aamuli 16:21

Kpwa hivyo Afilisti amgbwira achimsokola matso. Achimphirika Gaza ambako akpwendamfunga pingu za shaba, chisha achihendwa msagadzi wa mtsere mumo jela.